ﻣﺴﻠﺴﻞ ( ﻏﺎﺩﺭﺗﻨﻲ ﺍﻟﻤﺸﺎﻋﺮ )
ﺍﻟﺤﻠﻘﻪ ...14
ﻭﺍﻟﻠﻪ ﻋﻤﺘﻜﻢ ﺍﺳﻴﻞ ﻋﺰﻗﺖ ﺍﻟﺒﺎﺫﻧﺠﺎﻥ ﻭﻣﺸﺖ ﺗﺠﺮﻱ ﻟﻠﻤﻮﺑﺎﻳﻞ
ﺍﻧﺎ: ﺭﺩﻳﺖ ﻭﺍﻧﺎ ﺩﻫﺸﺎ ﺍﻟﻮﻭﻭ
ﺳﻴﻒ: ﺍﻳﻮ ﺷﻦ ﺟﻮ ﻛﻨﻚ ﺩﻫﺸﺎ
ﺍﻧﺎ: ﺍﻫﻠﻴﻦ ﻻﻏﻴﺮ ﺷﻬﺪ ﻗﺎﻟﺘﻠﻲ ﺭﻗﻢ ﻳﺮﻥ ﻋﻠﻴﻚ ﻋﺮﻓﺘﻚ ﺍﻧﺖ ﺟﻴﺖ ﻧﺠﺮﻱ
ﺳﻴﻒ: ﺍﻫﺎ ﺑﻪ ﺷﻦ ﺍﻻﺟﻮﺍﺀ
ﺍﻧﺎ: ﺍﻻﺟﻮﺍﺀ ﻗﺎﻋﺪﻳﻦ ﺍﻧﻮﺗﻮ ﻓﻲ ﺍﻟﺤﺎﺟﺎﺕ ﺩﻳﺮﻳﻦ ﺷﻮﻳﺎﺕ ﻭﺍﻟﺠﻮ ﺣﻠﻮ ﺑﻜﻞ
ﻭﺯﺣﻤﻪ
ﺳﻴﻒ: ﺑﻪ ﻋﻘﺒﻴﻠﻲ ﺷﻮﻳﺎﺕ
ﺍﻧﺎ: ﻫﻬﻬﻬﻪ ﻳﺎﺭﻳﺖ ﻛﻨﻚ ﻗﺎﻋﺪ ﺭﺍﻩ ﻭﺍﻟﻠﻪ ﻋﻘﺒﺘﻠﻚ ﻭﻋﻄﻴﺘﻚ ﻣﻨﻬﻦ
ﺳﻴﻒ: ﺍﺣﻠﻔﻲ
ﺍﻧﺎ: ﻭﺍﻟﻠﻪ
ﺳﻴﻒ: ﺧﻼﺹ ﻣﻌﻨﺎﻫﺎ ﺗﻮ ﺍﻧﺠﻴﻜﻲ ﺗﻮ
ﺍﻧﺎ: ﻋﻨﺠﺪ ﺍﺗﺠﻲ ﺷﻦ ﺗﺤﺴﺒﺎ ﺧﻄﻮﺗﻴﻦ ﻫﻨﺎ
ﺳﻴﻒ: ﻋﺎﺩﻱ ﻋﻠﺸﺎﻧﻚ ﺍﻧﺘﻲ ﻧﻤﺸﻲ ﻟﻠﺼﻴﻦ
ﺍﻧﺎ: ﺍﻭﻭﻭﻓﺎ ﻳﺎ ﻟﻠﺼﻴﻦ ﻣﺮﻩ ﻭﺣﺪﻩ
ﺳﻴﻒ: ﻣﺶ ﻣﺼﺪﻗﺎ ﻳﻌﻨﻲ
ﺍﻧﺎ: ﺳﻜﺘﺖ
ﺳﻴﻒ: ﻧﻮﺭ ﺍﻧﺘﻲ ﻣﺶ ﻭﺍﺛﻘﺎ ﻓﻴﺎ
ﺍﻧﺎ : ﻣﺎﺑﺘﺶ ﺍﻧﺮﺩ ﻋﻠﻴﻪ
ﺳﻴﻒ: ﺍﺣﻜﻲ ﻛﻨﻚ ﺳﻜﺘﺎ ﻣﺶ ﻣﺼﺪﻗﺘﻴﻨﻲ
ﺍﻧﺎ: ﻻ ﻣﺶ ﻗﺼﺔ ﻣﺶ ﻣﺼﺪﻗﺘﻚ ﺑﺲ ... ﻭﺳﻜﺘﺖ ﻣﻌﺶ ﻋﺮﻓﺖ ﻧﺤﻜﻲ ( ﻻﻥ
ﻛﻨﺖ ﺧﺎﻃﺮﻱ ﺍﻧﻘﻮﻻ ﺍﻧﺎ ﺍﻧﺤﺒﻚ ﺑﺲ ﺧﺎﻳﻔﻪ ﺍﻧﻘﻮﻟﻚ ﻭﻧﺼﺪﻗﻚ ﻭﻧﺜﻖ ﻓﻴﻚ ﺍﻧﺖ
ﺗﺴﻴﺒﻨﺎ ﻭﺗﻀﺤﻚ ﻋﻠﻴﺎ ﻛﻴﻒ ﻣﺎﻳﺪﻳﺮﻭ ﺍﻟﺸﺒﺎﺏ ﻛﻠﻬﻢ )
ﺳﻴﻒ: ﺑﺲ ﺷﻨﻮ ﻳﺎﻧﻮﺭ ﺍﻩ ﺍﺣﻜﻲ
ﺍﻧﺎ: ﺳﻴﻒ ﻗﺘﻠﻚ ﻣﺎﻣﺎ ﺗﺴﺄﻝ ﻋﻠﻴﺎ ﻧﺴﻤﻊ ﻓﻴﻬﺎ ﺧﻠﻴﻨﻲ ﺍﻧﻜﻤﻞ ﻟﺴﻼﻃﻪ ﻭﺑﻌﺪﻳﻦ
ﺍﻟﻠﻴﻞ ﻓﻲ ﻟﻴﻞ ﻧﺤﻜﻮ ﺗﻤﺎﻡ
ﺳﻴﻒ: ﻣﺎﺷﻲ ﺑﻪ ﺭﺩ ﺑﺎﻟﻚ ﻣﻦ ﺭﻭﺣﻚ
ﺍﻧﺎ: ﺣﺘﻲ ﺍﻧﺖ ﺑﺎﻱ
ﺳﻴﻒ: ﺑﺎﻱ
ﻃﺒﻌﺎ ﺳﻴﻒ ﺳﻜﺮ ﻭﻫﻮ ﻣﻀﺎﻳﻖ ﻣﻨﻲ ﻻﻥ ﻛﺎﻥ ﺧﺎﻃﺮﺍ ﻳﻌﺮﻑ ﺍﻧﺎ ﺍﻧﺤﺒﺎ ﻭﻭﺍﺛﻘﺎ
ﻓﻴﻪ ﻭﻣﺼﺪﻗﺖ ﻭﻻ ﻻ
ﻭﺑﺎﻟﻨﺴﺒﻪ ﻟﻴﺎ ﻛﺬﺑﺖ ﻋﻠﻴﻪ ﻭﻗﺘﻼ ﻣﺎﻣﺎ ﺗﺴﺄﻝ ﻋﻠﻴﺎ ﻣﺎﻛﻨﺶ ﻓﻲ ﺣﺪ ﻳﺴﺄﻝ ﻋﻠﻴﺎ
ﺑﺲ ﺳﺆﺍﻝ ﺳﻴﻒ ﻟﻴﺎ ﺧﻼﻧﻲ ﻣﺘﺮﺩﺩﺍ ﻭﻛﺎﻥ ﻛﻞ ﺗﻔﻜﻴﺮﻱ ﻓﻲ ﺳﻴﻒ ﻭﺗﻌﻠﻘﻲ
ﺑﻪ ﻭﻻ ﺍﻧﻘﻮﻟﻮ ﺣﺒﻲ ﻟﻪ . ﻭﺗﻔﻜﻴﺮﻱ ﻓﻲ ﻋﻼﻗﺘﻨﺎ ﺷﻦ ﻳﻜﻮﻥ ﻣﺼﻴﺮﻫﺎ ﺧﺎﻳﻔﺎ
ﺍﻧﻜﻤﻞ ﺍﻣﻌﻪ ﻭﻳﺴﻴﺒﻨﻲ ﻭﻓﻲ ﻧﻔﺲ ﺍﻟﻮﻗﺖ ﺧﺎﻳﻔﻪ ﺍﻧﺴﻴﺒﺎ ﻭﻧﻈﻠﻤﺎ ﻭﻳﻄﻠﻊ
ﻳﺒﻴﻨﻲ ﺻﺢ ﻭﻧﻜﻮﻥ ﺧﺴﺮﺕ ﺣﺐ ﺣﻴﺎﺗﻲ ﻓﺎﻟﻘﻴﺖ ﺍﻟﺤﻞ ﺍﻧﻲ ﻧﻬﺮﺏ ﻣﻦ ﺳﺆﺍﻻ
ﻓﻲ ﺍﻟﻮﻗﺖ ﺍﻟﺤﺎﻟﻲ
ﻃﻠﻌﺖ ﻣﻦ ﺩﺍﺭ ﻭﺍﻧﺎ ﺳﺎﺭﺣﺎ ﻭﻧﻔﻜﺮ ﻓﻲ ﺳﻴﻒ ﻣﺎﻓﻄﻨﺘﺶ ﻟﺮﻭﺣﻲ ﺍﻻ ﻭﺧﺒﻄﺖ
ﻓﻲ ﺳﺎﺱ
ﺑﺲ ﻣﺎﻛﺎﻧﺶ ﺳﺎﺱ ﻛﺎﻥ ﺻﺪﺭ ﻣﺎﻟﻚ ﻟﻼﺳﻒ
ﺍﻧﺎ: ﺍﻳﻴﻴﻴﻴﻲ ﻣﻌﻠﻴﺶ
ﻣﺎﻟﻚ : ﻣﺶ ﺍﺗﺤﻘﻲ ﻗﺪﺍﻣﻚ ﻭﺍﻧﺘﻲ ﺗﻬﺮﺳﻲ
ﺍﻧﺎ: ﺧﻼﺹ ﻣﺎﻫﻮ ﻗﺘﻠﻚ ﻣﻌﻠﻴﺶ ﻭﺍﻧﺖ ﺣﺎﺻﻞ ﻓﻲ ﺭﻭﺣﻚ . ﻭﺑﻌﺪﻳﻦ ﻫﻴﺎ ﺧﺒﻄﺎ
ﺭﺍﻩ ﻣﺎﻗﺘﻠﺘﻜﺶ ﻭﺍﻧﺖ ﻣﺶ ﻣﺘﺤﻤﻞ ﺷﻲ
ﻣﺎﻟﻚ : ﺗﺆ ﺗﺆ ﻣﺎﻛﺜﺮ ﺩﻭﺗﻚ ﺍﺯﻑ ﻭﻟﺴﺎﻧﻚ ﻫﺬﺍ ﻳﺒﻲ ﻗﺺ
ﻭﺣﻂ ﻳﺪﺍ ﻉ ﻓﻤﻲ ﻭﻏﻤﺎ ﻟﻴﺎ ﺑﺎﻟﻘﻮﻩ
ﺍﻧﺎ: ﻣﻌﺶ ﻋﺮﻓﺖ ﻧﺤﻜﻲ ﻗﻌﺪﺕ ﺍﻧﻌﻴﻂ ﻭﻧﻘﻮﻻ ﺣﻮﻝ ﻭﻧﻀﺮﺏ ﻓﻴﻪ ﻉ ﻳﺪﺍ ﻭﻫﻮ
ﻏﺎﻣﻠﻲ ﻓﻤﻲ
ﻣﺎﻟﻚ : ﺣﻂ ﺻﺒﻌﺎ ﻉ ﻓﻤﺎ ﻭﻗﻌﺪ ﻳﻘﻮﻟﻲ ﺍﺳﺴﺴﺲ
ﻭﻳﻔﻨﺺ ﻓﻴﺎ ﻭﻳﻘﻮﻟﻲ ﺗﺴﻜﺘﻲ ﺍﻧﺤﻮﻝ ﻳﺪﻱ ﻟﻜﻦ ﻛﺎﻥ ﻗﻌﺪﺗﻲ ﻫﻜﻲ ﻭﺍﻟﻠﻪ
ﻣﺎﻧﻲ ﻣﺤﻮﻟﻬﺎ
ﺍﻧﺎ: ﻗﻌﺪﺕ ﻧﻬﺰﻻ ﺑﺮﺍﺳﻲ ﺑﻤﻌﻨﺎ ﺑﺎﻫﻲ
ﻣﺎﻟﻚ : ﻣﺘﺎﻛﺪﻩ ﺗﺴﻜﺘﻲ
ﺍﻧﺎ: ﺍﻧﻬﺰﻻ ﺑﺮﺍﺳﻲ ﺑﺎﻫﻲ
ﻣﺎﻟﻚ : ﺍﻧﺤﻮﻝ ﻳﺪﻱ ﻳﺎﻧﻮﺭ ﺗﻌﻴﻄﻲ ﻭﻻ ﺗﻄﻠﻘﻲ ﻟﺴﺎﻧﻚ ﻭﺍﻟﻠﻪ ﺍﻟﻌﻈﻴﻢ ﻛﻒ
ﻳﺠﻴﻚ
ﺍﻧﺎ: ﻫﺰﻳﺘﻼ ﺑﺮﺍﺳﻲ ﺑﺎﻫﻲ
ﻣﺎﻟﻚ : ﺍﻓﻄﻨﻲ ﺍﻧﺎ ﺣﺬﺭﺗﻚ ﺭﺍﻩ
ﺍﻧﺎ: ﻭﺟﻌﺘﻨﻲ ﺭﻭﺣﻲ ﻳﻌﻨﻲ ﻋﻠﻴﺶ ﻳﺪﻳﺮﻟﻲ ﻫﻜﻲ ﻭﻳﻌﺎﻣﻞ ﻓﻴﺎ ﻫﻜﻲ ﻭﺍﻧﺎ ﻣﺶ
ﺩﻳﺮﺗﻼ ﺷﻲ
ﺑﻌﺪﻫﺎ ﻧﺰﻟﻦ ﺩﻣﻮﻋﻲ ﺑﺮﻭﺣﻬﻦ
ﻣﺎﻟﻚ : ﺣﻮﻝ ﻳﺪﺍ ﻭﺟﻌﺘﺎ ﺍﻧﻲ ﺑﻜﻴﺖ ﻭﻫﻮ ﺍﻟﻲ ﻛﺎﻥ ﺍﻟﺴﺒﺐ ﻓﻲ ﺑﻜﻴﺘﻲ
ﺍﻧﺎ: ﻧﻤﺴﺢ ﻓﻲ ﺩﻣﻮﻋﻲ ﻭﺟﻴﺖ ﻧﺒﻲ ﻧﻌﺪﻱ
ﺍﺷﻮﻳﻪ ﻣﺎﻟﻚ ﻣﺴﻚ ﻳﺪﻱ
ﻣﺎﻟﻚ : ﻧﻮﺭ ﺍﻧﺎ ﻣﺶ ﻗﺼﺪﻱ ﺍﻧﺰﻋﻠﻚ ﺑﺲ ﺍﻧﺘﻲ ﺭﻗﻴﺘﻴﻬﺎ ﻟﻴﺎ ﺍﺗﻌﺎﻟﻲ ﻓﻲ
ﺻﻮﺗﻚ ﻭﺗﺠﻠﻄﻲ ﻋﻠﻴﺎ ﻭﺍﻧﺎ ﻣﺎﻧﺤﺒﺶ ﺍﻟﺒﻨﺖ ﺍﻟﻲ ﺍﺩﻳﺮﻟﻲ ﻫﻜﻲ
ﺍﻧﺎ: ﺧﻼﺹ ﻓﻮﺕ ﻳﺎﻣﻠﻚ ﻭﻧﺤﻜﻴﻼ ﻭﺍﻧﺎ ﺭﻗﻴﻠﻲ ﺑﻜﻞ ﻭﻋﺪﻳﺖ ﻭﺳﻴﺒﺘﺎ ﻭﻃﻠﻌﺖ ﺑﺮﺍ
ﻟﻘﻴﺖ ﺍﻟﺒﻨﺎﺕ ﻣﻘﻌﻤﺰﺍﺕ ﻳﺎﻻ ﺍﻟﺸﻮﺍﻳﺎ ﻭﺣﺴﺎﻡ ﻳﺸﻮﻱ ﻫﻮ ﻭﻓﺆﺍﺩ
ﻗﻌﻤﺰﺕ ﺟﻨﺐ ﺍﺳﻴﻞ ﻭﻛﺎﻥ ﺭﻗﻴﻠﻲ
ﺍﺳﻴﻞ: ﻛﻨﻚ ﻳﺎﺃﻭﻧﻲ ﻭﻛﻨﺎ ﻓﻤﻚ ﺣﻤﺮ ﻫﻜﻲ
ﺍﻧﺎ: ﻣﻦ ﺧﻮﻛﻲ ﺍﻟﺤﻴﻮﺍﻥ
ﺍﺳﻴﻞ: ﺷﻨﻮﻭﻭﻭ
ﺍﻧﺎ: ﻛﻨﻚ ﻣﺼﺪﻭﻣﻪ ﻣﺎﺳﻤﻌﺘﻴﺶ ﻛﻮﻳﺲ ﻭﻻ ﻛﻴﻒ
ﺍﺳﻴﻞ: ﺷﻦ ﺩﺍﺭﻟﻚ
ﺍﻧﺎ: ﺧﺰﻳﻪ ﻏﻤﻠﻲ ﻉ ﻓﻤﻲ ﻭﻗﻌﺪ ﻳﻬﺪﺩ ﻓﻴﺎ ﻧﺴﻜﺖ ﻭﻻ ﻛﺎﻥ ﻣﺎﻫﻈﺎ ﻣﺎﻳﺤﻮﻟﺶ
ﻳﺪﺍ
ﻭﺍﻧﺎ ﻧﻨﻘﻨﺎ ﻭﺟﻌﺘﻨﻲ ﻣﻌﻤﻠﺘﺎ ﻭﻃﺮﻳﻘﺘﺎ ﻟﻴﺎ
ﺍﺳﻴﻞ: ﺿﺮﺑﺘﻨﻲ ﻉ ﻛﺘﻔﻲ ﺑﺎﻫﻲ ﻓﺠﻌﺘﻨﻲ
ﺍﻧﺎ: ﻭﻋﻠﻴﺶ ﻓﺠﻌﺘﻚ ﺭﺍﺡ ﺳﻮﻙ
ﺍﺳﻴﻞ: ﻧﺤﺴﺒﺎ ﻛﺎﻥ ﻳﺒﻮﺱ ﻓﻴﻚ ﻭﻻ ﺷﻲ ﺣﺎﺟﻪ
ﺍﻧﺎ: ﻧﻨﻘﻨﻚ ﺗﺎﻓﻪ ﻋﻠﻴﻚ ﺗﻔﻜﻴﺮ
ﺍﺳﻴﻞ: ﻳﺎﺣﻨﻪ ﻭﺣﺪﻩ ﻃﺎﻟﻌﺎ ﻭﻓﻤﻬﺎ ﺣﻤﺮ ﻭﻛﺎﻧﺖ ﺟﻮﺍ ﻫﻲ ﻭﺭﺍﺟﻞ ﺑﺮﻭﺣﻬﻢ
ﺷﻦ ﺗﺒﻴﻨﻲ ﻧﻔﻜﺮ ﻳﻌﻨﻲ ﻭﺷﻦ ﻳﺒﻲ ﻳﺨﻄﺮﻫﺎ ﻋﻠﻴﺎ ﺍﻥ ﻏﻤﻠﻚ ﻓﻤﻚ ﻭﻣﺘﻌﺎﺭﻛﻴﻦ
ﺍﻧﺎ: ﺍﺻﻼ ﺧﻮﻛﻲ ﺍﻟﺤﺎﻟﻪ ﻫﺬﺍ ﻣﺴﺘﺤﻴﻞ ﺍﻧﺎ ﻭﻳﺎﻩ ﺍﻧﺤﺒﻮ ﺑﻌﻀﻨﺎ ﻭﻻ ﺍﺻﻼ ﻧﻔﻜﺮﻭ
ﻓﻲ ﺑﻌﻀﻨﺎ ﺑﻴﺶ ﻳﺒﻮﺳﻨﻲ ﻭﻻ ﺍﻧﺪﻳﺮﻭ ﺣﺎﺟﻪ ﻫﻜﻲ
ﺍﺳﻴﻞ: ﻭﺍﻟﻠﻪ ﻓﻲ ﻗﺼﺺ ﻭﺍﺟﺪ ﺑﺪﻥ ﻫﻜﻲ ﺑﻌﺮﺍﻳﻚ ﻭﺍﻧﺘﻬﻦ ﺑﺤﺐ ﻳﻘﻮﻟﻮ ﻣﺎﺑﻌﺪ
ﻋﺪﻭﺍ ﺍﻻ ﺣﺐ
ﺍﻧﺎ: ﻫﺬﻳﻨﺎ ﻗﺼﺺ ﻣﺶ ﺯﻱ ﻗﺼﺘﻲ ﺍﻧﺎ ﻭﻣﺎﻟﻚ ﻣﺴﺘﺤﻴﻞ ﻧﺘﻘﺒﻠﻮ ﻧﺤﻨﺎ ﺍﻻﺛﻨﻴﻦ
ﺍﺻﻼ ﻫﻮ ﻣﺎﻳﺤﺒﺶ ﻧﻮﻋﻴﺘﻲ ﻭﺍﻧﺎ ﻣﺎﻧﺤﺒﺶ ﻧﻮﻋﻴﺘﺎ
ﻭﻗﺎﻃﻊ ﻛﻼﻣﻲ ﺍﻧﺎ ﻭﺍﺳﻴﻞ ﺣﺴﺎﻡ
ﺣﺴﺎﻡ: ﻧﺎﻧﻲ ﺗﻌﺎﻝ ﺗﺮﺍﻩ ﻗﺸﺮﻱ ﺍﻟﺒﻄﺎﻃﺎ ﻭﺍﻟﺒﺼﻞ ﻭﺍﻟﻄﻤﺎﻃﻢ ﻫﺬﻳﻨﺎ ﺑﻴﺶ
ﺍﻧﺤﻂ ﺍﻟﻤﻜﻤﻮﺭ
ﺍﻧﺎ: ﺑﺎﻫﻲ ﺣﺎﻇﺮ
ﻭﻗﻌﺪﺕ ﺍﻣﺼﺒﻴﺎ ﻉ ﻃﺎﻭﻻ ﺟﻨﺐ ﺳﺎﻣﻮ ﻭﻧﺪﻳﺮ ﻓﻲ ﺍﻟﺤﺎﺟﺎﺕ ﻭﺍﻟﺒﻨﺎﺕ ﻣﻘﺒﻠﺘﻨﺎ
ﻳﻬﺪﺭﺯﻥ ﻭﻣﻌﻬﻦ ﻓﺆﺍﺩ ﺭﺍﺟﻞ ﻋﺎﺋﺸﻪ ﻭﻣﺎﻧﻨﺪﺭﻭﺵ ﺍﻻ ﻉ ﻭﺍﺣﺪ ﺟﻴﻨﺎ ﻭﻳﻘﻮﻝ
ﺍﻟﺴﻼﻡ ﻋﻠﻴﻜﻢ ﺍﻟﺘﻔﺘﻨﺎ ﻭﻧﻠﻘﻮﻩ ﺯﻳﺎﺩ
ﺣﺴﺎﻡ: ﺍﻭﻭﻭﻭﻭ ﺯﻳﺎﺩ ﻭﻳﻦ ﻉ ﻣﻔﺎﺟﺄﻩ
ﺯﻳﺎﺩ: ﺳﻠﻢ ﻋﻠﻴﻨﺎ ﻛﻠﻨﺎ . ﻭﺍﻟﻠﻪ ﺭﻧﻴﺖ ﻉ ﻣﺎﻟﻚ ﻗﺘﻼ ﺗﻌﺎﻝ ﻧﻄﻠﻌﻮ ﻗﺎﻟﻲ ﻧﺤﻨﺎ
ﻓﻲ ﻣﺸﺮﻕ ﻗﻌﺪﻳﻦ ﺳﻜﺮﺕ ﻣﻨﺎ ﻭﻗﺎﻟﺖ ﺧﻠﻴﻨﻲ ﺍﻧﻄﺐ ﻋﻠﻴﻜﻢ ﻭﻟﻌﺖ ﺍﻟﺴﻴﺎﺭﻩ
ﻭﻟﻘﻴﺖ ﺭﻭﺣﻲ ﻫﻨﺎ
ﻓﺆﺍﺩ: ﺧﻴﺮ ﻣﺎﺩﺭﺕ ﻭﺍﻟﻠﻪ ﺗﻜﺴﺪ ﺍﻣﻌﻨﺎ
ﺣﺴﺎﻡ: ﻣﻊ ﺍﻥ ﻗﺎﻟﻨﺎ ﻟﻌﻤﻲ ﺧﺎﻟﺪ ﺑﺲ ﻗﺎﻝ ﻣﺶ ﻓﺎﺿﻲ
ﺯﻳﺎﺩ: ﺗﻲ ﻓﻮﺗﻬﻢ ﻳﺎﺭﺍﺟﻞ ﻫﻠﻲ ﻣﺶ ﻣﺘﻌﻴﻦ ﺯﺭﺍﺩﻱ ﻭﺟﻮ
ﺍﻧﺎ: ﺿﺤﻜﺖ ( ﺍﺻﻼ ﻋﺠﺒﺘﻨﻲ ﺍﻟﻜﻠﻤﻪ ﻻﻥ ﻋﺎﺋﻠﻪ ﻧﻜﺪﻳﻪ ﺑﻜﻞ ) ﻭﻣﺎﻳﺤﺒﻮﺵ
ﻻﺑﺤﺮ ﻻﺯﺭﺍﺩﻱ ﻣﻦ ﺍﻟﻌﺎﺋﻼﺕ ﺍﻟﻲ ﻣﺎﻳﺤﺒﻮﺵ ﺍﻟﺤﻮﺳﻪ ﻭﺍﻟﻬﺮﺟﺎ ﺍﻣﺘﺎﻉ
ﺍﻟﺰﺭﺍﺩﻱ ) ( ﻧﻜﺮﻫﻦ ﺍﻟﻌﺎﺋﻼﺕ ﺍﻟﻲ ﻫﻜﻲ )
ﻭﻛﻤﻠﻨﺎ ﺷﻮﻳﺎﺕ ﻭﻏﺴﻠﻨﺎ ﻟﻤﻮﻋﻴﻦ ﻭﺿﻤﻴﻨﺎ ﺍﻟﺤﻮﺳﻪ
ﻃﺒﻌﺎ ﺍﻟﺮﺟﺎﻻ ﻟﻜﺒﺎﺭﺍ ﺍﻗﻌﺪﻭ ﺑﻬﺪﺭﺯﻭ ﻭﺍﻟﺼﺒﺎﻳﺎ ﺣﺘﻲ ﻫﻨﺎ
ﻭﻧﺤﻨﺎ ﺍﻟﺸﺒﺎﺏ ﻗﻌﺪ ﻛﻞ ﻣﺮﻩ ﻃﺎﻟﻌﻴﻦ ﺍﺛﻨﻴﻦ ﻭﻣﺸﻴﻴﻦ ﺷﻮﺭ ﺍﻟﺴﻨﺘﺮ
ﻧﺒﺬﻩ ﻉ ﺳﻨﺘﺮ ﺳﺮﻳﻌﻪ ﺑﻴﺶ ﺗﻌﺮﻓﻮ ﺍﻟﺠﻮ ﺍﻟﻲ ﻓﻴﻪ
ﻃﺒﻌﺎ ﻛﺎﻓﻲ ﻭﻣﻄﻌﻢ ﻫﻮ ﻛﺒﻴﺮ ﻣﻦ ﺟﻮ
ﻭﻗﺪﻣﺎ ﺍﺟﻨﻴﻨﺎ ﻓﻴﻬﺎ ﻛﺮﺍﺳﻲ ﻭﻧﺠﻴﻼ ﻭﻭﺭﺩ
ﻭﻓﻲ ﺷﺎﺷﻪ ﻛﺒﻴﺮﻩ ﻳﺤﻄﻮ ﻓﻴﻬﺎ ﻓﻲ ﺍﻓﻼﻡ ﻭﻣﺴﺮﺣﻴﺎﺕ ﻟﻴﺒﻴﻪ
ﻭﻓﻲ ﺟﻬﻪ ﻓﻴﻬﺎ ﺍﻟﻌﺎﺏ ﻋﻴﺎﻝ ﺻﻐﺎﺭ ﺯﻟﺤﻴﻘﺎ ﻭﺩﺭﺍﺟﻴﺢ ﻭﻋﺎﻟﻲ ﻭﺍﻃﻲ
ﺑﻌﺪﻳﻦ ﺯﻱ ﺍﻟﺼﻮﺭ ﻗﺼﻴﺮ ﺍﺗﺒﺤﺘﻲ ﻟﻮﻃﺎ ﺗﺤﺘﻚ ﺑﺤﺮ
ﻟﻴﺶ ﺍﻟﺒﺤﺮ ﺗﺤﺘﻨﺎ ﻻﻥ ﻧﺤﻨﺎ ﻓﻮﻕ ﺍﻟﺠﺒﻞ ﻗﻌﺪﻳﻦ
ﻭﻧﻨﺰﻟﻮ ﻟﻠﺒﺤﺮ 5 ﺍﺩﻭﺍﺭ ﺑﺪﺭﻭﺝ
ﻣﻜﺎﻥ ﻓﻮﻕ ﺍﻟﺨﻴﺎﻝ ﻭﻳﻬﺒﻞ ﺑﻜﻞ (ﻭﻋﻨﺪﻧﺎ ﻓﻴﻪ ﻳﺎﻣﺎ ﺫﻛﺮﻳﺎﺕ ﺍﻟﻠﻪ ﺍﻟﻠﻪ ﻋﻠﻴﻚ
ﺍﻳﺎﻡ ) ﻣﺎﻋﻠﻴﻨﺎ ﺗﻮ ﺍﻧﺮﺩﻭ ﻟﻘﺼﺘﻨﺎ
ﻣﺸﻴﺖ ﺍﻧﺎ ﻭﺍﻟﺒﻨﺎﺕ ﻭﻗﺪﻣﻨﺎ ﻋﺎﺋﺸﻪ ﻭﺭﺍﺟﻠﻬﺎ ﻭﻃﺒﻌﺎ ﻋﺎﻳﺸﻪ ﺣﺎﻣﻞ ﻓﻲ ﺷﻬﺮ
ﺍﻻﻭﻝ
ﻭﻭﺭﺍﻧﺎ ﻣﺤﻤﺪ ﻭﻣﺮﺍﺗﺎ
ﻭﻛﻞ ﻭﺍﺣﺪ ﻣﻨﺘﺸﺮ ﻓﻲ ﺗﺮﻛﻴﻨﺎ
ﻭﻗﻌﺪﻧﺎ ﺍﻧﺘﻤﺸﻮ ﻭﻧﻘﺮﻣﻮ ﻃﺒﻌﺎ ( ﻋﺎﺭﻓﻴﻦ ﺟﻮ ﻟﻴﺒﻴﻴﻦ ﻟﻤﺎ ﻳﻤﺸﻮ ﻣﻜﺎﻥ ﻻﺯﻡ
ﻳﻘﺮﻣﻮ ﻉ ﺑﻌﻀﻬﻢ ) ﻭﻧﺤﻨﺎ ﻫﺬﺍ ﺍﻟﻲ ﺩﺭﻧﺎﻫﺎ ﺍﻧﺒﺤﺘﻮ ﻓﻲ ﺍﻟﻌﺎﺋﻼﺕ ﻭﻧﻘﺮﻣﻮ
ﻓﻴﻬﻦ
ﻭﻛﺎﻧﻦ ﻓﻲ ﺷﻠﺔ ﺑﻨﺎﺕ ﻃﺒﻌﺎ ﻟﻘﻴﻨﻬﻦ ﻣﻠﺘﻤﺎﺕ ﻭﺩﻳﺮﺍﺕ ﺟﻮ ﻣﺘﺎﻉ ﻳﺒﻦ ﻳﻄﻴﺤﻦ
ﺷﺒﺎﺏ ﺯﺭﻗﻨﺎ ﻋﻠﻴﻬﻦ ﻋﺎﻟﻄﻮﻝ
ﻭﻣﺎﻧﻌﺮﻓﻮﺵ ﺍﻟﺸﺒﺎﺏ ﻣﻦ ﻫﺬﻭﻣﺎ ﻭﻋﻤﺘﻚ ﻣﻮﺩﻩ ﺗﺰﺭﻕ ﻋﺎﻟﻤﻮﺿﻮﻉ
ﻣﻮﺩﻩ :ﻫﻴﻴﻴﻴﻴﻲ ﺣﻘﻲ ﺯﻳﺎﺩ ﻭﺣﺴﺎﻡ ﻭﻣﺎﻟﻚ ﻃﺢ ﺳﻌﺪﻫﻢ
ﺍﻧﺎ: ﻛﻨﻬﻢ
ﻣﻮﺩﻩ : ﻫﺬﺍ ﻋﻠﻴﺶ ﻳﺴﻬﻮﻛﻦ ﻫﺬﻳﻨﺎ ﻳﻨﺎﺑﺸﻮ ﻓﻴﻬﻦ ﺍﻟﺼﻴﺎﻉ
ﺍﺳﻴﻞ: ﺧﺰﻱ ﻭﺍﻟﻠﻪ ﻧﻌﺪﻱ ﻧﺨﺮﺏ
ﺷﻬﺪ : ﻫﻴﺎ
ﻭﻋﺪﻳﻨﺎﻟﻬﻢ ﻃﺒﻌﺎ ﺍﻭﻝ ﻣﺎﺷﻔﻮﻧﺎ ﺭﻗﺎﻟﻬﻢ ﺑﻜﻞ
ﺯﻳﺎﺩ: ﻋﻠﻴﺶ ﺟﻴﺎﺕ ﺗﻮ ﺍﺯﻑ
ﻣﻮﺩﻩ : ﻛﻨﻚ ﺧﺮﺑﻨﺎ ﻋﻠﻴﻚ ﺣﺎﺟﻪ
ﺷﻬﺪ : ﺷﻜﻠﻨﺎ ﺧﺮﺑﻨﺎ ﻋﻠﻴﻪ ﻭﺧﺬﺕ ﺭﻗﻢ
ﺣﺴﺎﻡ: ﻭﺍﻟﻠﻪ ﺯﺭﻗﻦ ﻋﺎﻟﻤﻮﺿﻮﻉ ﻳﺎﺟﻤﺎﻋﻪ ﻣﻌﺶ ﻓﻴﻬﺎ
ﻭﻳﻀﺤﻜﻮ ﻣﻊ ﺑﻌﻀﻬﻢ
ﺍﻧﺎ: ﻃﺒﻌﺎ ﺳﻜﺘﺎ ﻣﺤﻜﻴﺘﺶ ﻛﻠﻤﺎ ﻻﻥ ﻛﺎﻥ ﺭﻗﻴﻠﻲ ﻣﻦ ﻣﻮﺿﻮﻋﻲ ﺍﻧﺎ ﻭﺳﻴﻒ
ﻭﺍﻟﺤﺮﻛﻪ ﺍﻟﻲ ﺍﻣﺒﺪﺭﻱ ﺩﺍﺭﻫﺎ ﻟﻴﺎ ﻣﺎﻟﻚ ﻭﺣﺘﻲ ﻫﻮ ﻣﺎﺑﺶ ﻳﺤﻜﻲ ﻭﻻ ﻳﻌﻠﻖ
ﻛﺎﻥ ﻳﻀﺤﻚ ﺑﺲ ﻭﻳﺒﺤﺖ ﻓﻴﺎ
ﻗﻌﺪﻧﺎ ﻧﻬﺪﺭﺯﻭ ﻭﻳﺤﻜﻴﻠﻨﺎ ﺣﺴﺎﻡ ﻉ ﻗﺼﺺ ﻋﻔﺎﺭﻳﺖ ﻭﻛﻨﺎ ﻣﻘﻌﻤﺰﻳﻦ ﻋﺎﺻﻮﺭ
ﻭﺭﺍﻧﺎ ﺍﻟﺒﺤﺮ ﻭﻗﺪﻣﻨﺎ ﺍﻟﺴﻨﺘﺮ ﻭﻧﺎﺱ ﺑﺲ ﻛﻨﺎ ﺑﻌﻴﺪﻳﻦ ﻋﻠﻴﻬﻢ
ﻣﺎﻟﻚ : ﻳﺎﺟﻤﺎﻋﺎ ﻣﺎﺗﺒﻮﺵ ﺍﻧﺠﻴﺒﻠﻜﻢ ﺣﺎﺟﻪ ﻣﻦ ﺍﻟﻜﺎﻓﻲ
ﺍﺳﻴﻞ: ﺍﻧﺎ ﺟﻴﺒﻠﻲ ﻣﻌﺎﻙ ﺍﻳﺲ ﻛﺮﻳﻢ
ﻣﺎﻟﻚ : ﺗﻲ ﻭﺍﻟﻠﻪ ﻉ ﻛﻠﻤﺖ ﺍﻳﺲ ﻛﺮﻳﻢ ﻣﺎﻧﻲ ﺟﻴﺒﻠﻚ
ﺍﺳﻴﻞ: ﻫﻴﻴﻴﻴﻲ ﺧﺰﻱ ﻋﻠﻴﻚ ﻋﻠﻴﺶ
ﺣﺴﺎﻡ : ﻋﻠﻴﻚ ﺣﺎﻻﺕ ﺍﺯﻑ
ﻣﺎﻟﻚ : ﻋﻠﻴﺶ ﻟﻄﺮﻭﺡ ﻭﺩﻟﻊ ﺍﻳﺲ ﻛﺮﻳﻢ ﻭﻗﻠﺪ ﺻﻮﺕ ﺍﺳﻴﻞ
ﻧﺤﻨﺎ ﺿﺤﻜﻨﺎ ﺍﺻﻼ ﺟﺎﺑﻬﺎ ﺳﻤﺤﻪ ( ﻃﻠﻊ ﺩﻣﺎ ﺧﻔﻴﻒ ﻧﺤﺴﺒﺶ ﻫﻜﻲ ﻭﺧﺬﺍ ﻋﻠﻴﻪ
ﺩﻳﻤﺎ ﻋﺼﺒﻲ ﻭﻣﻨﻜﻠﺐ )
ﺍﺳﻴﻞ: ﻭﺍﻟﻠﻪ ﻣﺎﻧﺪﻟﻊ ﺑﺲ ﺍﻧﺎ ﺍﻧﻘﻮﻻ ﻫﻜﻲ
ﻣﺎﻟﻚ : ﻧﺤﻨﺎ ﻟﻴﺒﻴﻦ ﻭﻧﻘﻮﻟﻮﻻ ﺟﻮﻻﻃﻲ ﻣﺶ ﺍﻳﺲ ﻛﺮﻳﻢ
ﺷﻬﺪ : ﺧﻼﺹ ﻳﺎﻣﺎﻟﻚ ﻋﻠﻴﻚ ﻗﺼﻪ ﺟﻴﺒﻠﻬﺎ ﺟﻮﻻﻃﻲ ﺍﻳﺲ ﻛﺮﻳﻢ ﻟﻮﺳﻲ ﺍﻱ
ﺣﺎﺟﻪ
ﺯﻳﺎﺩ: ﺗﻲ ﻣﺎﻟﻚ ﻋﻨﺪﺍ ﺣﺎﻟﻪ ﻣﻦ ﺍﻟﻲ ﻳﺠﻌﻮﻧﻦ ﺍﺗﻌﺪﻱ ﺍﻧﺘﻲ ﻳﺎﺍﺳﻴﻞ ﺍﺗﻘﻮﻟﻴﻼ
ﺍﻳﺲ ﻛﺮﻳﻢ
ﻣﻮﺩﻩ : ﺻﺪﻕ ﻓﻴﻬﺎ ﻋﻠﻴﻚ ﻃﺮﻭﺡ ﺣﺘﻲ ﻫﻴﺎ
ﺣﺴﺎﻡ: ﻋﺎﺩﻱ ﻋﺎﺩﻱ ﺍﻋﺬﺭﻭﻫﺎ ﺗﺤﺴﺎﺏ ﺭﻭﺣﻬﺎ ﻣﻊ ﺻﺤﺒﺎﺗﻬﺎ
ﺍﺳﻴﻞ: ﺗﻲ ﻋﺪﻭ ﻋﻠﻴﻚ ﻋﺎﻳﻠﻪ ﻃﺎﻳﺤﺎ ﻓﻴﻬﺎ ﻛﻠﻬﻢ ﻳﻌﺎﻧﻮ ﻣﺴﺎﻛﻴﻦ
ﺍﻧﺎ: ﻭﺍﻧﺘﻲ ﺍﻭﻟﻨﺎ ﻫﻬﻬﻪ
ﺍﺳﻴﻞ: ﺑﺎﻫﻲ ﻳﺄﻭﻧﻲ ﺣﺘﻲ ﺍﻧﺘﻲ ﺿﺪﻱ
ﺣﺴﺎﻡ: ﺍﻭﻛﻲ ﻋﻠﻴﻚ ﺟﻮ ﺍﻧﺘﺨﺎﺑﺎﺕ ﻗﺎﻋﺪﻳﻦ ﻓﻴﻪ ﻣﻊ ﺍﻭ ﺿﺪ ﻋﻤﻠﻴﺔ ﺍﻟﻜﺮﺍﻣﻪ
ﺯﻳﺎﺩ: ﺧﻔﻲ ﻋﻠﻴﻨﺎ ﻳﺎ ﺧﻠﻴﻔﻪ ﺣﻔﺘﺮ
ﺍﺳﻴﻞ: ﻣﺎﻋﻨﺪﻱ ﻣﺎﻧﻘﻮﻝ ﺭﺑﻲ ﻳﺸﻔﻴﻜﻢ
ﺣﺴﺎﻡ: ﺍﺟﻤﻌﻴﻦ ﺍﻥ ﺷﺎﺀ ﺍﻟﻠﻪ
ﻣﺎﻟﻚ : ﻫﻴﺎ ﺍﺯﺡ ﺷﻦ ﺗﺒﻲ ﻳﺎﺣﺴﺎﻡ ﺍﻧﺖ
ﺣﺴﺎﻡ: ﺍﻧﺎ ﻧﻨﻘﻨﺎ ﺟﻴﺒﻠﻲ ﻧﺴﻜﺎﻓﻴﻪ
ﺯﻳﺎﺩ: ﺍﺳﺒﺮﺳﻴﺎﻧﻮ ﺍﻧﺎ
ﺷﻬﺪ ﻭﻣﻮﺩﻩ: ﻃﻠﺒﻦ ﺟﻮﻻﻃﻲ ﺣﺘﻲ ﻫﻨﺎ
ﻣﺎﻟﻚ : ﻧﻮﺭ ﻭﺍﻧﺘﻲ ﺷﻦ ﺗﺒﻲ
ﺍﻧﺎ: ﻻﺷﻲ ﺳﻼﻣﺘﻚ
ﻭﻋﺪﺍ ﻣﺎﻟﻚ ﻭﻧﺤﻨﺎ ﻗﻌﺪ ﻳﻜﻤﻠﻠﻨﺎ ﺣﺴﺎﻡ ﻓﻲ ﺑﺎﻗﻲ ﺍﻟﻘﺼﻪ ﻭﺟﻮﻧﺎ ﻋﺎﺋﺸﻪ ﻭﻓﺆﺍﺩ
ﻗﻌﻤﺰﻭ ﻣﻌﻨﺎ ﻭﻗﻌﺪﻭ ﻳﻬﺪﺭﺯﻭ
ﻭﺷﻮﻳﻪ ﻫﻜﻲ ﻭﺟﺎ ﻣﺎﻟﻚ ﻭﺟﻴﺎﺏ ﺷﻜﺎﺭﻩ ﻓﻴﻬﺎ ﺟﻮﻻﻃﻲ ﻭﺑﺎﻛﻮ ﻓﻴﻪ ﺍﻟﻨﺴﻜﺎﻓﻴﻪ
ﺍﻟﻲ ﻃﻠﺒﻮﻩ ﺍﻟﺸﺒﺎﺏ
ﻭﺯﻉ ﻋﻠﻴﻬﻢ ﻭﺳﺄﻻ ﻋﺎﺋﺸﻪ ﻭﻓﺆﺍﺩ ﻳﺒﻮ ﺷﻲ ﻗﺎﻟﻮﻻ ﻣﺎﻧﺒﻮﺵ
ﻣﺎﻟﻚ : ﻫﻜﻲ ﻳﺎﻧﻮﺭ ﺟﺒﺘﻬﺎ ﻟﻜﻲ
ﺍﻧﺎ: ﺷﻨﻮ ﻫﺬﻱ
ﻣﺎﻟﻚ : ﺷﻜﻮﻻﻃﺎ ﺷﻦ ﺗﺤﻘﻲ ﻓﻴﻬﺎ
ﺍﻧﺎ: ﺷﻜﺮﺍ
ﻛﻠﻬﻢ ﻣﺶ ﻣﺴﺘﻮﻋﺒﻴﻦ ﺍﻟﻲ ﻳﺴﻴﺮ ﻭﻣﺎﺣﺪ ﻓﻬﻢ ﺷﻲ ﻭﺍﻧﺎ ﺑﺮﻭﺣﻲ ﻣﺎﻓﻬﻤﺘﺶ
ﻭﻗﻌﺪﻭ ﻳﻬﺪﺭﺯﻭ ﻭﺻﺒﺎ ﻣﺎﻟﻚ ﻓﻮﻗﻲ ﻭﻃﺒﺲ ﻋﻠﻴﺎ
ﻣﺎﻟﻚ : ﺟﺒﺘﻠﻚ ﺷﻮﻛﻮﻻﻃﻪ ﻻﻥ ﺍﻣﺒﺪﺭﻱ ﻏﻠﻄﺖ ﻓﻴﻚ ﻭﻧﻘﻬﺮﺕ ﻟﻤﺎ ﺷﻔﺘﻚ
ﺑﻜﻴﺘﻲ ﻣﺎﺗﺤﻤﻠﺘﺶ ﻭﺍﻧﺎ ﺍﺳﻒ ﺭﺍﻩ
ﺍﻧﺎ: ﻻ ﻋﺎﺩﻱ ﻭﻻﻳﻬﻤﻚ
ﻣﺎﻟﻚ : ﻳﻌﻨﻲ ﺻﺎﻓﻴﺎ ﻟﺒﻦ
ﺍﻧﺎ: ﺿﺤﻜﺖ ﻫﻬﻬﻬﻪ ﺣﻠﻴﺐ ﻳﺎﻗﺸﻄﻪ
ﻣﺎﻟﻚ : ﺧﻬﻬﻬﻬﻬﻪ
ﺍﻧﺎ ﺍﻭﻝ ﻣﺮﻩ ﻧﻌﺮﻑ ﺍﻟﺠﺎﻧﺐ ﻫﺬﺍ ﻓﻲ ﻣﺎﻟﻚ ﺣﺴﻴﺖ ﺑﺤﻨﺎﻧﺎ ﻭﻃﻴﺒﺘﺎ ﻫﻮ ﺻﺢ
ﺍﺗﺸﻮﻓﻴﻪ ﺗﻘﻮﻟﻲ ﻣﺘﻜﺒﺮ ﻭﺷﺨﺺ ﺍﻧﺎﻧﻲ ﻭﻣﻌﻨﺪﺵ ﺍﺣﺴﺎﺱ ﺑﺲ ﻫﻮ ﻃﻠﻊ
ﺣﻨﻮﻥ ﻭﻃﻴﺐ ﻭﻣﺎﺗﻮﻗﻌﺘﺶ ﺍﻥ ﻫﻮ ﻳﺘﺄﺳﻒ ﻣﻨﻲ ﻭﻳﻜﻮﻥ ﻫﻜﻲ
ﻭﻋﺪﺍ ﺍﻟﻴﻮﻡ ﻫﺬﺍ ﺣﻠﻮ ﺑﻜﻞ ﺍﻛﺘﺸﻔﺖ ﻓﻴﻪ ﺷﺨﺼﻴﺔ ﻣﺎﻟﻚ ﺍﻟﻲ ﻛﻨﺖ ﻧﺠﻬﻠﻬﺎ
ﻭﺧﻮﻓﻲ ﺍﻧﻲ ﻧﻌﺘﺮﻑ ﻟﻠﺴﻴﻒ ﺑﺤﺒﻲ ﻭﻣﻦ ﻋﻼﻗﺘﻲ ﺑﻪ
ﺭﻭﺣﻨﺎ ﻉ ﺳﺎﻋﻪ 4 ﻟﻠﺸﻠﻴﻬﺎﺕ ﻏﻴﺮﺕ ﺩﺑﺸﻲ ﻭﺟﻴﺖ ﺭﻗﺪﺕ ﻉ ﺳﺮﻳﺮ
ﺣﻄﻴﺖ ﺭﺍﺳﻲ ﻋﺎﻟﻤﺨﺪﻩ ﻭﺑﺤﺘﺖ ﻓﻲ ﻣﻮﺑﺎﻳﻠﻲ ﻣﺎﻟﻘﻴﺘﺶ ﻭﻻ ﻣﻜﺎﻟﻤﻪ ﻣﻦ
ﺳﻴﻒ ﻭﺍﻧﺎ ﻣﺎﺑﻴﺘﺶ ﻧﺘﺼﻞ ﺑﻪ ﻫﻮ ﻛﺎﻥ ﺯﻋﻼﻥ ﻣﻨﻲ ﻭﺍﻧﺎ ﻣﺎﺑﺘﺶ ﺍﻧﺮﻥ ﻻﻥ
ﻣﺶ ﻋﺎﺭﻓﻪ ﺍﻧﺠﻮﺏ ﻉ ﺳﺆﺍﻻ ﻟﻴﺎ
ﻋﺪﻟﺖ ﺍﻟﺴﺎﻋﻪ ﻋﺎﻟﺴﺎﻋﻪ 8 ﺍﻟﺼﺒﺢ ﻻﻥ ﺍﺗﻔﻘﻨﺎ ﺍﻟﻨﻮﺿﻮ ﺑﻜﺮﻩ ﺍﻟﺼﺒﺢ ﺑﻴﺶ
ﻧﻨﺰﻟﻮ ﻟﻠﺒﺤﺮ ﻭﻧﻌﻮﻣﻮ
ﻋﺎﻟﻴﺖ ﺻﻮﺕ ﺍﻟﻔﻮﻥ ﻣﺘﺎﻋﻲ ﻭ ﺳﻜﺮﺕ ﻣﻮﺑﺎﻳﻠﻲ ﻭﻏﻤﻀﺖ ﻋﻴﻮﻧﻲ
ﻭﺟﺘﻨﻲ ﺭﺳﺎﻟﻪ ﻭﻓﺘﺤﺖ ﺍﻧﺸﻮﻑ ﻓﻴﻬﺎ ﻣﻦ ﻣﻦ
.
.
