#غادرتني_المشاعر
#الحلقه 30
#في_الصبح
وعيت فرحانه خشيت الحمام وطلعت برمت ع داري ونزلت لوطا لقيت ماما اطيب في الغداء وحايسا هي وشهد لان اليوم جينا معتز بيتعشا عندنا
انا :صباح الخير
ماما:قصدك مساء النور ظهر تو
انا: كنك ماوعيتينش انسعدكن
ماما: عندك فيش اتساعدي شغالا جت وضمت الحوش وانا وشهد خشينا انديرو الغداء ومنها حتي عشاء للراجل
انا: معش اتقولي راجل قولي نسيبنا خلاص تو عدا راجل شهودي
شهد: فنصت فيا وانحرجت
انا: تي خلاص عليش تفنيص فكينا من الحشم زايد
ماما: هههههه كلا انتي ياعقيرب ماتستري حد
انا: هههه والله اصلا ادير في طروح الاتراك ع اساس
شهد: ننقنك بارده ياريتك قاعدتي راقده
انا: مصيري نايضا شن بنقعد ديما راقده ياحنه وغمزتلها😉
شهد: اتمتم خزي حيوانه
انا: ماما قتلك راه سامو جاي بيش تحسبيه
ماما:صاح باهي اصلا انا ديرتا واجد
انا: هو معتز جاي امعاه حاتم
ماما: اه حاتم وباتك ومعتز ومعهم حسام
انا: عليك تخزريط معتز 3 وحدين يبو يزروه تو يندم ان خطب شهد هههههه
شهد: ههههه مش غير مسكين ربي يكون في عونا
انا: يانا عليا بدينا من تو في تكبيد
شهد: والله كان ماتبطلي نطلق فيك التفاحه
انا: به سكتت ها يامعتز انتي..وجتني التفاحه اتصفح غير جاب الله ماطبتش فيا
انا: هيييييي طح سعد سروالك معقوله هكي افرضي طبت فيا
شهد: تستاهلي اصلا
انا: خزيه يامعتز باهي وطلعت لساني وحولتلها عيوني وطلعت نجري خفت اتجيني سلة الموز بعدها
طلعت للصاله وانا نضحك رنيت ع حسام وقتلا بيش ايجي وسكرت منا رنيت ع سيف ماردش عليا قلت اكيد راقد
قعمزت درتلي برما ع قنوات وخشيت عالفيس برمت عليه
بعدها رن فوني
انا: ايو
اسيل: خير ياأوني
انا: هلا
اسيل: كنك تحكي هكي ياكلبا
انا: ياتيسا عنديش نيه نحكي
اسيل: خههههه عنجد هذي اول مره نسمع واحد عندش نيه يحكي
انا: به ان شاء الله بسلامتك انك سمعتيها . انا نحبش نحكي
اسيل: كلا انتي اتقولي في حاجات غريبه صراحا
انا: سولي انظني كلامي واضح قتلك عنديش نيه في كلام فا اطلعي بالي تبيه بسرعه
اسيل: باهي ياحنه اليوم نبيكي ابأي طريقه ادبري راسك اتجيني ضروري اتباتي عندي نبيك في موضوع مهم بكل بكل
انا: حي علما شنو الموضوع
اسيل: مش عندكش نيه بعد اتجي تو نحكيلك
انا: لا عادي عندي نيه تو
اسيل: لالا انا تو مش فاضيا وانتي تعالي
انا: يافرخا ماهو بكره مشيين للجامعه
اسيل: وريت هالحاجه الكبيره تو نمشو مع بعضنا من عندنا
انا: هيييي بعد خطرها نقدرش انجي انبات
اسيل:وليش
انا: صوفي متعود كل يوم يجيني ولازم انشوفه وانا بيني وبينك تعودت علي شوفتا قبل مانرقد
اسيل: تي في عينك دبري راسك راه والله يانور نزعل كان ماجيتيش فكيني من طروح
انا: به وجك تو نشوف باي
اسيل: باي
