مسلسل (غادرتني المشاعر )
الحلقه 11..
انا: حي عليا بسم الله وقعدت ناخذ في نفس
اسيل: تي ردي قريب تكمل الرنا
انا: احم الو
سيف: ايو اهلين شخبارك
انا: تمام الحمد الله كيف حالك انت
سيف: كويس
انا: دوم ان شاء الله
سيف: به ممكن تقوليلي اسمك اصلا لعند تو مش عارفه شنو
انا: هههه نور
سيف: اسم ع مسما
انا: انحرجت وجهي انحمر
سيف: وانا سيف
انا: اه نعرف
سيف: هههه باهي عليش قتيلي مخطوبه
انا: لان اول مرا نحكي مع شاب وكنت خايفه وكنت نبي نفتك منك هذا عليش قتلك مخطوبه
سيف: هههههههه صار تبي تفتكي مني
انا: هههه اها
سيف: ماعندك وين تهربي مني وراكي وراكي
انا: سكتت
سيف: كنك سكتا
انا: شي
سيف: احكيلي علي روحك عرفيني عليك
انا: انا نور ومش مخطوبه وابتسام الفلاني مش اختي وهي تقربلي من بعيد
سيف: ههههههههههههه حتي هذي كذبه
انا: اه حتي هي كذبه
سيف: اصلا مش شور بعضكن بكل حسيت حتي انا انكن مش خوات بس قلت يمكن
انا: لالا مش اختي انا عندي اخت وحده واكبر مني اسمها شهد
سيف: شفت امعاكي بنات في مصر وشباب من هذوما
انا: هذوما عائلتي نحنا وعيال عمي
سيف: اها اصلا نحق فيكي ديما مع شاب وتضحكو وتهدرزو
انا: اه هذا سامو (وتجيني خبطا من موده ع ظهري ) زرقت مني الكلما 🙊
سيف: اها صار سامو
انا: ابتسمت وعجبتني الطريقه الي قالها بيها
سيف: تنهد وقال استغفر الله
انا: كنك تستغفر
سيف: نستغفر لربي
انا: امممم به نبي انقولك ان حسام الي هو سامو يكون خويا
سيف: كيف
انا: خويا بس في الرضاعه
سيف: اها به الحمد الله
انا: عليش
سيف: اصلا قبل قلت عليك قصه تو بيزقبلنا سامو هذا في نص
انا: ههههههه حسيتك رقالك
سيف: اه ننقنا رقتلي ..ومش عارف انا بصراحه يابنت الناس شن درتي فيا من اول ماشفتك وانا نفكر فيك ونحكي عليك لصاحبي نين نفختهن له وسكنتلا
انا: انحرجت وقتلا مش مني دخلنيش
سيف: لا كل منك ومن جمالك نحس فيكي مختلفه وتريحتلك وانا راه مانبيش نلعب عليك ونكذبو ع بعضنا ونكملوها دفنقي
هو شهر هكي نتعرفو فيه ع بعضنا ونجيك من الباب بصراحه راه
انا : انا فرحت وحسيت بأن صادق في كلاما معيا
سيف: كنك سكتي مش عاجبك الكلام
انا: لالا بالعكس عجبني
سيف: انا نشتغل في الاستيراد والتصدير وشقتي واتيا تبي تشطيب بس . تقدري اتقولي كنت انراجي في بنت الحلال الي توتيها بجوها
انا: باهي انت مواليد كم
سيف: انا مواليد 85
انا: اه العمر كلا
عندك خوات وخوت
سيف: عندي اختين شقيقاتي وخو واحد بس
وعندي من باتي 4 خوات وحده منهن الي حظرتي عرسها وخوين بس كأنهم خوتي الي جيبتهم امي
انا: اه ربي يخليهم لكي كلهم
سيف: امين
انا: معناها تعرف ساره صح
سييف: اه تقعد بنت خالة خوتي وطبعا انا متربي معهم فا نقعدو مع بعضنا عادي يعني
انا: اه فهما قالتلي ساره
سيف: مسرع ماحكتلك الهبلا
انا: ههههههه مادسش عليا شي
سيف: معناها عندي بسوس انا في الحوش يبص عليا
انا: افطن لروحك . بعدين انت كيف ديما عندهم ولاشنو
سيف: ماهو نعيش غادي انا
انا: اه. يعني امك وذرتها عيشات مع بعضهن
سيف: لالا امي الله يرحمه لما ماتت امي .عمتي فتحيه ربتنا مع عيالها
انا: الله يرحمها مش قصدي
سيف: لالا عادي ولايهمك
