غادرتني المشاعر
الحلقه 45-46
فاتن ايام وشهور وخشيت في شهر عرسي وكان فاضل ع عرسي 20 يوم بس وكنت انا وسيف ليا سنه مخطوبين
انا: حبيبي ليش شن خاطرها توا
سيف: والله ماني عارف حتي انا رقالي بكل
انا: ومافيش الا انت ايدزا كانا مايدزش خوتك
سيف: ماني قتلك انا بس انتي تقعدي اتقوليلي لا حرام وباتك ومش عارف شنو
تي من ميتت امي تغير عليا وقعدت مانهمش
ومانقدرش نرفضلا طلب في الاخير ولديا لازم نحترما ونقدرا
انا: باهي شن يصير في الحاجات الي في شقه
سيف: وصيت صاحبي وقالي كون هاني وعدي وانت متريح وتو اتجي وتلقهن وتيات كيف ما انت تبيهن واحسن اخره
انا: باهي ياروحي انت امتا اتفقت امعاهم امتاعين الموبيليا ايجو ويركبوها
سيف: بكرا وكلمت صاحبي لان انا بكره الصبح مسقد مش حنطق فيهم قالي تو نمشيلهم في شقه ونرجاهم غادي
انا: باهي عطيت مفتاح الشقه
سيف: اه عطيتا له
انا: باهي انت ساعه كم طالع
سيف: ساعه 7 طالع من بنغازي
انا: ننقنا طريق طويله ياعمري ومشوار عليك
سيف: وحدا وحدا تو تسلك ياروحي ونلقا روحي في طرابلس
انا: باهي كان تمشي في طايرا خير
سيف: ماهو ياعمري محتاجها سياره غادي نقعد نأخذ في تاكسيات وقصه بين السوق تبيلي سياره امعايا
انا: تنهدت . باهي براحتك ربي يحفظك منها طريق ويوصلك طيب
سيف: ههههه كنك ياعيوني انحس فيك مضايقا
انا: صراحا خايفا عليك
سيف: يانا عليا انا . بعدين ياعمري مش اول مرا انسوق ماشي كم مره للطرابلس بس انا رقالي لان شوفي عرس كم فاضل عليه وعندي كم حاجه لازم انديرهن
انا: خلاص عادي ياروحي انت توا المهم وصيت صاحبك وتو يديرهن لكي بس انت رد بالك ع روحك
سيف: ان شاء الله انتي تخافيش وطمني
انا: ربي يحفظك برعايتا ان شاء الله
سيف: ان شاء الله . باهي كيف ايصير
انا: في شنو
سيف: هكي نمشي ومانشوفكش قصدك
انا: عمري تجيش العريس ايشوف العروس قبل عرسهم راه
سيف: تي فكيني من بدع الي يقولن فيها العزايز والجهل عنجد انسافر ومانشوفكش مش ساد حرمتيني مانجيش للبالكوني ليا كم يوم
انا: ههههههه خلاص كلها كم يوم ونقعد عندك وتمل من وجهي
سيف: هذي مستحيل اني انمل منك الا كان انت بتملي هذي حاجه اخره
انا: ولا انا نقدر انمل منك ومن حبك وكل شي فيك
سيف: تي بعد هذا كلا وتقوليلي ماتجيش تي جيك انتي توا مراتي خلاص وحلالي في شرع ودين ومن حقي انشوفك قبل مانسافر
انا: عدا انت من قبل يابالا قريت الفتحا
سيف: ها انجي
انا: طبعا بعد اتصمم انت وتسكر راسك ع حاجا نعرفك انا خلاص
سيف: هههههههه كان اتشوفي تسكير راسك انتي
انا: تشاديا كيفك حتي انا
سيف: باهي شكلك هكي حنيتي عليا وموافقا صاح
انا: وانا نقدر نرفضلك طلب
سيف: يانا عليا ربي مايحرمنيش من حنانك وطيبتك عليا
انا: ولا منك ياعيوني
سيف: خلاص انا مسافة الطريق ونكون مزروع عندك
انا: به نرجا فيك
سيف: تبي شي انجيبا لكي وانا جاي
انا: لا ياروحي نبيك انت بس
سيف: خلاص معناها هيا تو سلام
