#غادرتني_المشاعر
#الحلقه_34
جيت عندا وصبيت وراه
انا: سلام عليكم
شاب : صبا والتفت عليا وعليكم السلام ومدلي يدا
انا: بحتت فيه وطحت ع طول ع ارض
وانهرت بكاء صدقتش الي قدامي هو بطولا وعرضا حبيبي وعيوني
سيف: اس اس هلك تو يسمعونا وباتك ايجي تفضحي بينا صبي يانور صبي
انا: نبكي ومش مصدقا معقوله هكي معقوله
سيف: مبتسم صبي يامجنونه قبل بس
صبيت وقعمزت ع كرسي وسيف قعمز مقبلني وكان امقدم ومطبس اشويه وحاط مرافق ايديه الاثنين ع افخاذا وحاط يدا اليمين فوق اليسار ويبحت فيا ومبتسم ويشوف في ردت فعلي
وانا قعدت نمسح في دموعي ونضحك وخلطت عليا لان كنت مش مصدقا
سيف: خلاص مش سادك ابكا اسسس راه نطلع
انا: مسحت دموعي بحتت فيه ليش هكي اه ليش خليتني شهر واسبوع انتعذب من دونك ليش درت هكي بعد انك مازلت تبيني
سيف: لان كنت انعاقب فيك مع ان عقبت روحي معاك بس حبك خلنيش انتحمل اكثر من هكي وهنتيش عليا انبكيك ونعذبك صح انقهرت وجعتني منك بس خلاص سمحتك
انا: شهر ومعها اتغيب عليا وتحرمني منك وماتردش عليا ولا ع مسجاتي وتقولي سمحتك
سيف: والله العظيم الشهر هذا كنت اندور كيف نبي نحكي لباتك وكنت حايس ونفكر فيك وكل ماترني نمسك في روحي بالغصب عليك بس قلت نضعفش ونبين روحي اني خلاص معش نبيك
انا: ههههه كلا انت عليك ممثل وكلامك امس ليا قهرني ودمرني
سيف: عارف بس كنت فرحان لدرجة اني قبل اعترفتلك بس قلت اجمد ياسيف وهديلنا روحك
انا: به تو تشوف احسابك بعدين
سيف: هههههه خلاص سكرنا لحسابات من لحظه هذي ومافي شي يخرب علينا لحظتنا مع بعضنا باهي
انا: به حاظر
سيف: وعد
انا: وعد
سيف: خلاص من يوم هذا وقدام الناس كلها انتي ليا وملكي بروحي وماحد يقدر يقرب ولايجي شورك غيري انا
انا: كنت ميتا من فرحا . حاظر
سيف: نووور
انا: ها
سيف: ها شنو هذي. عصا
انا: هههههه عصا تنضرب بيها انت ع حركاتك هذينا
سيف: ههههه . حركات هذينا انتي خليتيني انديرهن .قتلك
انا: نعم
سيف: كنا وجهك تعبان هكي
انا: منك. وبعدين كنت نبي العريس يطفش ومنعجبش
سيف: ههههههه .بس معقوله هكي شن قتلك انا مش قتلك تبكيش يومتها في مول
انا: كيف اتقولي انسيني وتبينيش نبكي انا مش عارفه لو ماطلعتش انت اليوم شن كان صار فيا
سيف: صاح شن كنتي بديري
انا: عابيا بنقول ماعجبنيش
سيف: مخططا لكل شي
انا: امالا تبيني انسيبك بساهل هكي
سيف: تحبيني
انا: هذا سؤال ينسأل
سيف: به جاوبي عليه اتحبيني
انا: انمووووت فيك موت ونقدرش انعيش منغيرك وبدونك مش نحبك وبس
سيف: لا عالحال هذا انا نقرأ فتحا ونطلع بيك توا
انا: ههههههه اسكت ضحكنيش
بعدين خلينا رسميات هكي بابا حيشك ان نعرفو بعضنا
سيف: اكثر من هكي رسميات شن تبي يعني
انا: وين الرسميات مش شيفتهن
سيف: يعني المسافه الي بيني وبينك هذي مش رسميات في نظرك
انا: ها باهي شن تبي تقعمز في كتري مثلا
سيف:هههههه والله كان عليا نقعمزك انتي في كتري وشويه اخره عليا
انا: انحرجت لان كان سيف جريئ بكل مره هذي
به والله كيف درت مع بابا وكيف صار خاطري نعرف
سيف: قصه هذي نحكيها لكي بعدين
توا خليني انتأمل في اميرتي الي تعبان شكلها ومش عجبتني
انا: توافقش عليا كان ما عجبتكش ياأستاد
سيف: تي ان شاء الله قرده وخذك وخذك مابالك انتي غزال بس والله ياعيوني وجهك اصفر نطلع من هنا تاكلي وترقدي كويس فهما شكلك حتي وكال ماتاكليش لانك رايحا رقا انتي من قبل وتو زدتي ازياده
انا: باهي حاظر ياماما رقم 2
سيف: ههههه شكلها حتي هيا اتقولك فيها
انا: بكل من صبحت الصبح وهيا اتزن عليا
سيف: ربي يخليها لكي ويطولك في عمرها انا ياريت امي عيشا واتزن عليا هكي والله عادي
انا: الله يرحمها
سيف: كنا عمي حل معش جا
انا: مش عارف
