غادرتني المشاعر
الحلقه 54
مالك: لان انا نبيها نوووور
ورنت الكلما هذي في اوذانهم كلهم ومافهموش
مالك: ماتبحتوش هكي نبيها ونبي نجوزها واحكي انت لسيدي صلاح ولا تو نكلما انا
وطلع مالك وسيبهم ولع سياره وعدا للمزرعا وكلم زياد وجاها غادي
زياد: نزل من سياره كنك خير ان شاء الله شن صاير
مالك: تي اين خير نور جوها خطاب
زياد: شنو 👀 وشن صار وكيف صار وامتا
مالك: تو عرفتها من هلي وقالها ليا باتي وحسيت قلبي كأنا حد خذه مني مش عارف حتي شن درت الي نذكرا اني كنت انعيط ومعلي صوتي ع باتي وقتلا نبي نجوز نور
زياد: وشن قالك
مالك: شي كلهم انصدمو وطلعت وسيبتهم
زياد: به كيف صار نور وافقت ولاشنو مش قتلي قعدت اتحس فيها اتميالك
مالك: والله ماني عارف حاجا يازياد مش فاهم شي حسها متلخبط وخلطا عندي
وصبا مالك قعد يبرم يمشي ويجي وكان زياد مقعمز ويبحت فيه
زياد: به تو باتك بيتصل بسيدي توفيق ويقولا ولا لا انظني ماعندش اعتراض حيكون
مالك: وهو يبرم . تي انا مش مشكلتي هلي . هلي الي انا نبيه ايديروه انا مشكلتي نور نبي نعرف مشاعرها اتجاهي اتحس بشي شوري ولا لا
والله مش عارف حسها خالطا عندي ومضايق ومخنوق هذا هذا وقعد يخبط ع قلبا
هذا مش مريحني شن انديرلا
زياد: تي ازف قعمز دوختني . وبعدين انت المره هذي ماتخلاش عليها سوا تبيك ولا لا يامالك
راني اقسم برب العزا المرا هذي انا الي ندخل في موضوع اني قتلك
خوذها في الحالتين خير مايأخذها غيرك
مالك: به افرض كانت ماتحبنيش شن اندير
زياد: خوذها وتو تحبك بعدين
مالك: تؤ استغفر الله يارب ارحمني برحمتك وافتحها عليا
زياد: خلاص مافيش الا الحل هذا سوا تبيك ولا لا خوذها
ومش كل شي يبيه الانسان يتحقق راه
انت خاطرك ماتأخذش نور الا اذا كان هيا اتحبك وتبيك وماتأخذهش غصبن عنها
لكن مرات الظروف يجبرن الانسان يدير حاجه عكس ماهو يبي او متخيل
فاليس كل ما يتمناه المرء يدركه
انت خوذها وماتخصرهش وتخليها يأخذها غيرك وبعدين اتشوفها اتحبا وقتها اتمنا لو خذيتها وحاولت امعاها . كيف ماانت تو وقفت جنبها بكل حب اجوزها وخليك قريب منها وصدقني حتحبك مع الوقت
مالك: انت هكي رايك
زياد: غريب انت يامالك تعرف اتحب وضحي عشان حبك بس ماتعرفش اتقرر شن تبي وشن الي يسعدك
المره هذي خليك اناني وقاسي وفكر في روحك في حبك انت في سعادتك
وصدقني مش حتخسر ولا حتندم
مالك: قعد ساكت واقتنع بكلام زياد وبعد مرور من الوقت والهدؤ والسكوت
خذا مالك قرار الاخير
زياد: شن الهدؤ هذا كلا احكي كنك سكتت
مالك: نور مش حتكون الا ليا وع جثتي يزفها واحد غيري هذا أخر كلام
زياد: ضحك وخبط مالك بيدا ع كراعا. هذا هو كلام ياولد سيدي مبروووك ياطيري عليك
وقعدو مالك وزياد يحكو مع بعضهم وكان زياد يقنع في مالك لان كان متردد لان مايبيش يأخذ نور غصبن عنها
وفي الوقت الي كان زياد يقنع في مالك
