نعود مره أخرى لهيا بعد أن أخبرت زين بما حدث أثناء عمليتهم السرية#...
زين : هيا انت متاكده من اللي بتحكيه مستحييل خالد صاحبي و عشرة عمري ما بيعمل هيك
هيا : و ليش بدي اكذب عليك هادا اللي صار
زين : احنا لازم نشوف حل نتخلص من زيد و السحليتين اللي معه
هيا :شوف من ناحيه انو نعمل شي و نتخلص منهم هادا اكيد لكن انه نحاول نرجع الماي لمجاريها بين خالد و تمارا انسى
زين : بس بس اسكتي و بلاش دراما شو اللي انسى يعني مش لهالدرجه اللي صار يعني ما كانت كم كلمه طلعت منه
هيا: زين انت مش قادر تتخيل الأسلوب اللي كان بيحكي فيه أقسم بالله كأنه زيد مش خالد و يحمد ربه لحقناه قبل ما تيجي الشرطه
زين : نعم شرطه مين ؟!
هيا: شو اللي شرطه مين ،شرطه شرطه يا زين
زين: يعني هلأ هما محبوسين و رح ينحكم عليهم بالسجن
هيا : ول ول ول ... سجن و حبس ايش في وحد الله و بتقول عني انا الدراما
زين: مش انت بتقولي شرطه اكيد حبسوهم
هيا : بستهبل عليك يا زلمه وحد الله
زين: بتستهبلي علي احمدي ربك انك مش قدامي
هيا: هههههههههههه.... لا ولا حبس و لا شي بس المهم الحين لازم نفكر بطريقه كيف نبعد زيد و اللي معه عن تمارا ؟!
زين: و نرجع خالد و تمارا مع بعض ؟
هيا: زين ...انت لسه مصمم ؟!
زين : اه... مصمم و رح يرجعو اصحاب و اكتر و رح تثبتلك الأيام
هيا :ماشي يا عم بس هلأ كيف بدنا نخطط و نتحرك ؟
زين:شوفي أولا لا تمارا تعرف و لا خالد
هيا :تمام و لا واحد منهم رح يعرف او حتى يحس
زين : ثانيا بدنا ننتقم اول شي من لجين و سيرين هدول لانه موضوعهم تافه و سهل خلي علي و انا عندي اللي رح يساعدونا
هيا :ما شاء الله ... هيك لحالك و انا رجل كرسي ؟!
زين: هههههههه..... لا لا تقولي هيك عن نفسك انت الحب كله يا جميل
* شعرت هيا بالخجل من كلماته و لم تجب*
زين : استحيتي صححح؟! هههه... اشوف اشوف كيف صارو خدودك حُمر
هيا : كيف بدك تشوف يا اهبل و احنا بنحكي تليفون
زين : ايوة هيك رجعت هيا اللي بعرفها ،المهم انا هلأ بدي اكلم اتنين من الشباب و اتفق معهم و بكلمك
هيا : لا لأ انت مش رح تتحرك من مكانك الا لما تقولي مين هما و شو اللي في راسك
زين : هيا لو قلتلك رح يخرب كل شي استني ازبط و ننفذ و اقولك بالتفصيل
