#الحب_والغفران
الفصل الحادي عشر
ياعين كفي من نهيل دموعك
ونسي سريب اللي رحل خلاك
وتبكي عليه اليوم كاثر نوحك
جريحة اتعاني في اوهام رماك
غايب عليك زهوتك وفروحك
من يوم رحيله مالقيت دواك
عزيز باعك وتاركك في روحك
انسيه يا عيني كيف ماينساك
.....................
انا بصدمة وصوت واطي قريب
للهمس .. حسام
حسام بفرحة .. مش متخيل ان زهرة اللي عندنا هيا انتي ونا ماخليت مكان مادورت عليك فيه وانتي حذاي وكل مانسمع اسمك انقول شنو بيجيبها عندنا وبعدين مافيش زهرة الا انتي
انا مازلت تأثير الصدمة ................
حسام .. زهرة انطقي ماتسكتيش هكي عرفتيني اذكرتيني
وسام بهدوء واستغراب من حسام .. زهورة انتي كويسة
انا وحاولت نصبي .. كويسة يا وسام كويسة
حواء.. ماتصبيش بسرعة يا بنتي
انا.. كويسة يا عميمة دوخة بسيطة راه
وحاولت مانرفعش عيوني في حسام لاني مش مصدقة يطلع هو اخ وسام رغم اني كل مانسمع اسمه نحس في قلبي يدق بقوة لكن لان اسم الاب مختلف فمتخيلتش انه هو نفسه وولد المرا اللي حضنتني بحنانها ورعايتها بعد اللي كبرت بينهم عزقوني واذكرت عطية
انا بصوت يرعش .. وسام كنه عطية
وسام .. قال انه يبي يحكي معاك وكان يجي ويدق لكن ماحد يفتح ليه
انا.. كنهدا يجي موخر
وسام .. حتى نا قلتها له لكن قال خايف منا نمنعوه يشوفك
انا.. وشنو قلت ليه
وسام .. قلت ليه بكرة العشية بعد العصر يجي ومن الباب الرئيسي ويتفضل تو تحكي معاه بس بعد ماحصل لكمة قوية من حسام قبل ماينطق ونعرفوه من
انا.. به بنصبي لحوشي
حواء.. باتي هنا يا بنتي
انا بسرعة .. لا لا يا عميمة خليني براحتي
حواء.. به يا بنتي
وطلعت مع وسام لحوشي بدون ولا كلمة
وخشيت تمددت ونا دماغي مش عارفة شنو اندير به اليوم بيسافر لكن بعد مايرجع كيف بندير وين بنعدي ومانندريش على روحي من كثر التفكير رقدت
وسام .. حسام من وين تعرف زهرة
حسام بشرود .. هيا زهرة امتى طول شعرها هكي
وسام بعصبية .. حسااااااااام
حسام .. نعم
وسام .. من وين تعرف زهرة وشنو عرفك ان شعرها طول وكيف شفت شعرها اصلا
حسام .. شعرها كان مطلوق تحت اسدالها ومن وين نعرفها زهرة نصي اللي كنت ندور عليه ونطلع كل يوم ندور عليها
وسام بصدمة .. شنو
حسام .. اللي سمعته
وسام .. يعني انت السبب في العذاب اللي شافاته زهرة
حسام باستغراب .. عذاب شنو
وسام .. صبي يا حسام مازال ساعتين على طيارتك نوصلك للمطار ولما ترجع حنحكو وواجد اخرى
حسام .. اكيد بس توعدني ماتحكمش عليا يا خوي نين تسمعني
وسام بتنهيدة .. انت خوي الكبير واكيد حنسمعك زي ماسمعت زهرة
حسام
مش مصدق ان زهرة اللي دورت عليها في كل نزلة لليبيا انها قاعدة في حوشنا يا الله قديش كريم معاي الحمد والشكر ليك يارب قديش رايحة محلوة وشعرها اه من شعرها اللي كان ديمة مطير عقلي لكن ليش ضاعفة هكي ونظرة الحزن في عيونها وليش الخوف اللي شفته منها زعمك خوف مني لكن حنسافر وحنرجع ومش حيكون عندي شغله الا رضاها هيا بس اه يازهرة اه
وسام
وصلت حسام للمطار واستنيت معاه بدون اي كلام بينا لان اي حاجة بنقولها حتكون تخص زهرة وانا قلت خليها نين يروح
ليش يا حسام طلعت هكي ليش انت سبب دمار زهرة ليش يا خوي نحن عندنا اختين ليش ماخفتش ربي يرد اللي درته في زهرة فيهن ليش
مش قادر نرتاح نين نسمع مبرره وبعد ما سلمت عليه وركب طيارته روحت ونا نحس بهموم الدنيا فوق راسي ومش عارف الحل وين
أنت تقرأ
( سلسلة البيوت اسرار) الجزء الأول بعنوان الحب والغفران
Fanfiction#سلسلة_البيوت_اسرار وهي عبارة عن قصص منفصلة متصلة يعني كل جزء قصة مختلفة وابطال مختلفين ممكن يظهرو ابطال الجزء الاول كضيوف او مجرد ذكرهم في الجزء الثاني وممكن ابطال الجزء الثاني موجودين في الجزء الاول دوختكم صح 😊😉 فتابعونا وانتظروا الجزء الاول #ال...
