#الحب_والغفران
الفصل التاسع
نضحك ولكن خاطري مليان
مايعلموه الناس واقع حالي
نفرح وانا في داخلي زعلان
وان راح هم انقول وين التالي
انحس الوجع وانقول نا بريان
نبكي وما دمعي ايشوفه والي
وننسا مواجع موش للنسيان
......................
وسام .. اضني راسها انفتح
ومن لهفة وسام حول وشاحي وقعد يبي يشوف الجرح فقعد يفك الاستك عشان كنت نربط في شعري كويس بيش ماينفتحش
رائد بصدمة .. هضا شعر والله شنو
زياد بعصبية .. نحن في شنو وانت في شنو
جاهم يجري وائل .. هيا ولعت السيارة
وطبني وسام ورفعوني للمصحة ومشو معاي كلهم حتى من عميمتي حواء وعفاف والدكتور قال انهم خيطوني لكن واضح ان عندي هبوط في الدم
وسام .. بس يا دكتور درت ليها تحليل الاسبوع اللي فات وطلع دمها سبعة وكتبت ليها مقويات ونظام غذائي بيش يرقى الدم عندها
الدكتور .. غريبة تو تطلع نتيجة التحليل ونشوفو كم
حواء.. نقدرو نخشو ليها
الدكتور .. هيا شوي وتوعى
زياد.. مافيش مشكلة اخرى يا دكتور
الدكتور .. نطمنو على الدم قبل لانها تعتبر نزفت واجد غير اني شاك انه هابط عندها اصلا
وليد بخوف .. ولو طلع الدم هابط عندها في مشكلة يعني
الدكتور .. لو هابط واجد بنطرو نزيدو لها دم
وسام بتوتر وخوف .. فصيلتها نادرة هيا
الدكتور .. شنو
وسام ..AB-
زياد.. نا ووليد ووائل نفس الفصيلة ماتخافش
الدكتور .. ان شاءالله يطلع الضعف شوي ومانستحقوش للزيادة
كلهم .. ان شاءالله
وخشو عليا عميماتي وعدلتلي وشاحي عميمة حواء ولمتلي شعري كويس
رائد.. بالله عليك وسام قولي اللي شفته هضا شعرها صح
وسام بتنهيدة .. اه شعرها يا رائد
رائد.. ماشاءالله ولاقوة الا بالله
زياد بضيق .. مش هيا محجبة وين شفته يا وسام
وسام فهم عليه واستغرب ضيق زياد .. اه محجبة وعمري ماشفتها الا بدبش واسع حتى لو كان دبش حوش وشفت شعرها لما جابوها جيرانها غايبة عن الوعي وراسها مفتوح بجرحين كبار بعد ما ضربوها خوتها لما روحت ليهم مطلقة فطبيعي بنحولو محرمتها
وليد بغيرة .. وقصدك خيطتها وخليتها من غير غطاء
وسام .. لا لميته ليها وغطيته بطاقية العمليات لان محرمتها اللي جت بيها مليانة دم كانت نين ثاني يوم طليقها جاء جابلها عباية ومحرمة ... وبعدين تعالو هنا كنكم تحكو معاي كانكم فاتحين تحقيق
رائد .. نقولك حاجة يا وسام بس ماتزعلش منا
وسام .. قول
رائد .. تقريبا نا وزياد وائل ووليد في شعور غريب من لما عينا جت على هالبنت
زياد.. لا مش عينا بس من لما حكتلنا يام قصتها حسينا بشعور غريب
وسام باستغراب .. كنكم انتم تو لو قال الكلام هضا واحد منكم نقول بالك اعجب بيها لكن كلكم نفس الشعور مش غريبة هذي
وليد.. فعلا غريبة و واجد اخرى
وائل.. وصدقني اللي نحسو فيه مش حب الاحباء لا حاجة اخرى بس مش عارفين شنو
أنت تقرأ
( سلسلة البيوت اسرار) الجزء الأول بعنوان الحب والغفران
Fanfic#سلسلة_البيوت_اسرار وهي عبارة عن قصص منفصلة متصلة يعني كل جزء قصة مختلفة وابطال مختلفين ممكن يظهرو ابطال الجزء الاول كضيوف او مجرد ذكرهم في الجزء الثاني وممكن ابطال الجزء الثاني موجودين في الجزء الاول دوختكم صح 😊😉 فتابعونا وانتظروا الجزء الاول #ال...
