#الحب_والغفران
الفصل الخامس عشر
جاك الدور
ننسى ايامك ونتركك مقهور
نويت اسقاط غلاك
الدور جاك
كلمة اخيرة ياعزيز هاك
ولا اليوم لابكرا نجبدا مدعاك
انكمل حياتي خيرلي مسرور
ياما بكت العين من فرقاك
لقت دمعها الغالي مشا منثور
وياما شرد الفكر يوم خطاك
واليوم مايبيلك سريب اخطور
ياللي حرقت القلب من جفواك
هاذي خلايا الدم لما تفور
......................
عطية.. الحق عزيز طلع عقيم مايضناش ولاعمره حيكون عنده عيال ومراته عدت وسيباته وعثمان خطيبته سيباته بعد اللي داره فيك ونا مانبيش ربي يبليني بسببك فقلت نطلبك للزواج ونحاول نعوضك علي درناه فيك نحاول ناخذ سماحك ورضاك خايف ربي يعاقبني ويرد الدين ماهم يقولي (داين تدان) خفت يا زهرة
انا بهدوء.. مسامحاتك يا عطية وعمري مادعيت عليك وخوتك الحمدلله ربي خذا حقي منهم لان ربي ماينسى حد وانت في الاخير لاضريتني ولا نفعتني وماكنتش تقدر تصبي قدام خوتك مسامحاتك يا عطية ومايستحقش الموضوع تفكر فيه اكثر من هكي
عطية بندم .. بارك الله فيك
انا.. مازلت اختك ياعطية الصغيرة واي حاجة تبيها ادلل عليا زي قبل ولايهمك واستنى انكلم خوتي اتعرف عليهم
وسام .. تو انكلمهم نا
عطية .. يحبوك خوتك وقبلوك
انا بحب .. تخيل انهم قبلوني بينهم حتى مايعرفو انهم اهلي وقالولي اذا مالقيتيش اهلك او مايبوكش نحن نقبلو بيك ونتبنوك
عطية .. ربي عوضك بيهم علي درناه فيك
انا.. خلاص انسى اهم جو
زياد ورائد ووائل ووليد بجفاف.. السلام عليكم
نا وعطية .. وعليكم السلام
انا بفرحة وفخر .. هذوم خوتي يا عطية اللي من بابا الله يرحمه عمر عبدالجواد وهذا كبيرنا زياد واللي بعده رائد و هذا وائل وهذا الصغير وليد ومايغركش الجهامة هو اصغرهم وهذا الدكتور وسام ولد عمي اخ بابا
زياد وجبدني لصقني فيه بحب .. وهذي صغيرتنا ومدللتنا
عطية .. ربي يحفظكم ليها... زهرة ماشافتش معانا شوي ياريت تعوضوها وتسامحونا
رائد.. نسامحوهم لا لكن انت اه مسامحينك على خاطر زهرة طلبت هكي
وائل.. وكون مطمن زهرة زهورتنا زهرة حوشنا نحطوها في عيونا
عطية .. نستأذن تو
انا.. مع السلامة وزي ماقلت ليك يا عطية نا مازلت اختك تدلل عليها في اي وقت
وطلع عطية وحاسة فعلا بندمه لدرجة خلاه يفكر يتزوجني اكيد نادم من جده وانا فعلا مسامحته من كل قلبي اذا ربي اسمه الغفور الرحيم انا شنو بنجي قدامه
انا بتردد.. زياد
زياد.. نعم
انا.. ممكن نطلب منك طلب
زياد.. تدللي
انا.. نبي نمشي لعمتي عافية ونبيكم تمشو معاي لجيهة حوشنا الاول ونبيكم تشكروها هي وولدها فارس لانهم الوحيدين اللي ماتفرجوش عليا في الشارع ومارضوش يخلوني ملوحة
زياد.. هذي بس انتي تأمري امر غير تو عندي مشوار بنطلع انا ووائل وبعدين نجو نرفعوك ليها ونحن معاك
وسام .. حتى نا معاكم على الاقل ليا تو صفة شرعية
انا.. واحلى صفة والله
أنت تقرأ
( سلسلة البيوت اسرار) الجزء الأول بعنوان الحب والغفران
Fanfiction#سلسلة_البيوت_اسرار وهي عبارة عن قصص منفصلة متصلة يعني كل جزء قصة مختلفة وابطال مختلفين ممكن يظهرو ابطال الجزء الاول كضيوف او مجرد ذكرهم في الجزء الثاني وممكن ابطال الجزء الثاني موجودين في الجزء الاول دوختكم صح 😊😉 فتابعونا وانتظروا الجزء الاول #ال...
