#الحب_والغفران
الفصل الثالث عشر
سيورها تمطر يجيك اشبوبها
ياصاحب دوام الحال مالموحال
وسيورها تلبس الزاهي ثوبها
تعطيك حلاوتها زهاوة بال
وسيورها ترفع معاك اهذوبها
تعطف العين اللي جفاها طال
وسيورها تقرب ويرسم صوبها
تحط الرحيل وتهجر الترحال
وسيورها يسهل عليك اركوبها
ماتروم غيرك من العرب خيال
..............
وسام ..زهرة زهرة امي جيبي عطر وكلمي زينب ادير كباية عصير ليمون طبيعي
عفاف .. كنها ياوليدي
وسام .. ماتخافيش ياعفو غير بس اغمى عليها من الصدمة و ممكن ضغطها هبط شوي
زياد.. نرفعوها للمستشفى
وسام .. لا مش مستحق اهي بدت توعى بالعطر ... زهرة تسمعي فيا
انا بهزة راس .. اه
وسام .. صبي اشربي عصير الليمون هضا
وخذيته وشربته بالشوي وكلهم يبحتو فيا مش عارفة نوصف شعوري اللي حاسة بيه
وليد.. زهورة انتي كويسة
انا بصوت هادي .. نبي نرقد
كلهم بصدمة .. شنو
انا .. نبي نرقد
حواء.. به بنيتي خشي لدار ارقدي وارتاحي
انا .. به
وخشيت لدار البنات اللي من فترة ضافو لها سرير حتى هيا وتمددت ومش عارفة شنو اللي حاسة بيه كيف ماتمنيت ربي عطاني وحسيت ان ربي غفرلي ذنبي وسامحني تنهدت تنهيدة راحة ورقدت رقدة ليا سنين ماحسيت براحتها من لما مات بابا عمران ماحسيت بيها
رائد باستغراب .. كنها ردة فعلها هكي
وائل على نفس الاستغراب حتى هو .. بترقد
وسام .. اهدو شوي من تأثير الصدمة عليها بس ماتخافوش
زياد.. بس ترقد مش ردت فعل غريبة هذي
وسام .. من الراحة
عفاف .. كيف
وسام .. من لما عرفت انها مش بنت عمران وهي عايشة تعتبر على اعصابها خايفة ان هلها يطلعو مايبوهاش او يطلعو قاسيين زي ضنا عمران او يعزقوها عشان مطلقة ونظرة الناس للمطلقة ولما عرفت ان نحن هلها حست براحة كبيرة وهضا ليش تبي ترقد
زياد.. بس نبي ناخذها في حضني ونطمنها ونقوللها قديش دورت عليها وما عمري يوم وقفت تدوير من لما امي حكتلي ان عندنا يا اخ يا اخت
رائد.. بنزرعوها في قلوبنا وبنحسسوها قديش مستحيل انها تشوف يوم من الايام اللي كانت تشوف فيهن قبل مانعرفو انها اختنا
وسام .. فهموني كيف عرفتو ونا مانعرفش ان عمي عمر عنده بنت
عفاف .. تو نحكيلكم كل حاجة لكن اتصل يا رائد بمعتصم يجيب ايناس وفهد يجيب اريج ويجو عشان نحكي القصة مرة وحدة
زياد.. وبالمرة نسئلو فهد بما انه محامي شنو انديرو
وسام .. اديرو في شنو
زياد.. كيف انديرو شنو نرجعو زهرة لنسبنا والله تبيها تقعد باسم عمران
حواء.. اتصل بحسام مرة وحدة ڤيديو عشان يحضر القصة من اولها
وسام بضحكة .. لا خلوها نين يجي حتكون مفاجأة كبيرة ليه
وليد.. وليش الضحكة الشريرة هذي
وسام .. لما يجي حسامك حتعرف
وليد بتهديد وهمي يتحلف في وسام .. كان وراها حاجة بضر حسامي بلاش
وسام .. تي اي اضره هذي بالذات حتخليه يطير للسما
وليد بشك .. يستر الله
وائل.. شنو فيها الشنطة هذي
وسام .. هذي قصة بروحها نسمعو عفو قبل وبعدين نحكي لكم القصة بس كيف عرفتو ان زهرة ماعندهاش هل
زياد.. طلعت زهرة حاكية كل شئ لو ليد وبمجرد ماذكرت قصتها وقاعد في البداية وذكرت اسم باتها اللي مانعرفاش نا على طول وليد كمل باقي القصة وقاللنا ان زهرة هي اختنا كنهدا راه قديش ليها عارفة هلها من لو حكيتو لنا قصتها من الاول
وسام .. سامحوني والله ماقدرنا نحكي حاجة زي هذي ليكم عشان مشاعر زهرة بس لكن فعلا وليد اثبت ان سره باتع معاها وحاكية ليه كل شئ
أنت تقرأ
( سلسلة البيوت اسرار) الجزء الأول بعنوان الحب والغفران
Fanfiction#سلسلة_البيوت_اسرار وهي عبارة عن قصص منفصلة متصلة يعني كل جزء قصة مختلفة وابطال مختلفين ممكن يظهرو ابطال الجزء الاول كضيوف او مجرد ذكرهم في الجزء الثاني وممكن ابطال الجزء الثاني موجودين في الجزء الاول دوختكم صح 😊😉 فتابعونا وانتظروا الجزء الاول #ال...
