#الحب_والغفران
الفصل التاسع عشر ماقبل الاخير
رد بالك منها
لقسام شورك ظالمات خذنها
عندك امانة رد بالك منها
ماتزعلها
لاتهونها في يوم ... ولا تهملها
................
انا هزيت راسي بمعنى موافقة
حسام بفرحة .. صح زهرة انتي وافقتي صح
وليد بضحكة .. ماهي هزت راسها
عفاف.. وبعدين يقولو السكوت علامة الرضا
حسام صبى ولبسني الدبلة ومدلي دبلته ولبسته له مع زغاريد ايناس واريج وماما عفاف ورجعن المباركات من جديد وانا مش عارفة نوصف شعوري لكن حاجة كويسة حاسة براحة خصوصا اني صليت استخارة ليلة اللي حكى معاي حسام الصبح بعد ماروحنا من الملاهي وسرحت وما انتبهتش الا وحسام باسني على راسي وزدت تحشمت من حركته قدام خوتي وبعدها قمعزنا والشغالة قسمت التورتة وضيفتنا ونا مقمعزة بجنب حسام وحاسة بشعور اني طايرة في السماء
وسام .. بما ان كلنا مجتمعين هنا نبي نحكي موضوع مهم حتى نا
رائد.. يوم الاخبار المهمة
وسام .. نبي نخطب حتى نا
حواء.. والله واخيرا بنشوفكم عرسان
ايناس.. واجد هكي علينا انتم الاثنين
عفاف.. خلينا نفرحو وربي يكثر علينا الفرح والفال للباقيين طالما صغيرتهم اهي بتتزوج
زياد.. غير خلونا نعرفو من قبل يبي يخطب وسام
اريج .. نعرفوها يا وسو
وسام .. اه
وليد.. قريبة لينا
وسام .. اه
وائل.. من العيلة والله قرابت معرفة
وسام .. من العيلة
انا.. حرام عليك يا وسام قوللهم
حسام بصوت واطي .. انتي تعرفي من
انا هزيت راسي بايه نعرف
حسام .. كنك يا نصي وانتي تجي عندي وتهزي راسك
وسام .. هي انت وهي ركزو معاي
حسام بضحكة .. معاك يامفرق الجمعات وهاذم اللذات لكن مردودة
اريج .. هيا من ماتخليناش على اعصابنا
وسام .. جيداء
كلهم بصدمة ماعداي .. جيداء
وسام .. كنكم انصدمتو جيداء بنت عمتي رحمة معجب بيها ليا فترة
رائد.. لكن عارف عمتنا شنو تفكيرها
وسام .. لكن جيداء تختلف على خواتها وعلى تفاهات عمتي
وائل.. صح جيداء تختلف واجد لا لبسها ولا كلامها ولاتصرفاتها زي الباقيات ومش معدلة على عمتي وادير زي ماتبي هيا بس
زياد.. مبارك عليك يا وسام فعلا جيداء ماشاءالله عليها ...كنك يام ساكتة والله معترضة
حواء.. لا ياقلبي الف مبارك ليه غير استغربت بس ان جيداء لفتت انتباه واحد منكم لانها الحق عاجبتني لكن خفت انتكلم تضايقو مني
عفاف.. واهي مابعدتش بتجيك كنة
حواء.. الحمدلله كنايني الاثنين بيكونن ماشاءالله عليهن وان شاءالله ربي يهدي الباقي علي ما مادين وجههم
زياد.. كنك يا يام اهو حتى نا عندي بنت عاجبتني غير بس نتاكد انها موافقة ونقوللكم من هيا
عفاف بفرحة .. والله يا زياد بجد حاط عينك على بنت
زياد.. اه يا امي اصلا انا اللي كان مخليني مباعد فكرة الزواج هو اني نلقى خونا او اختنا واهو الحمدلله لقيتها واهي اخرى انخطبت فمعاش عندي سبب
وائل.. صار حجة انك نين تطمن علينا كلام بس
زياد.. انا ماحددتش على من نطمن ووقتها ماقدرتش نقوللكم على موضوع زيجة باتي وانه عنده عيل منها ماكنتش نبي نشغل بالكم ونا ماعنديش اي حاجة توصلني ليه فكنت ديمة نقوللكم نين نطمن عليكم رغم اني مطمن عليكم
أنت تقرأ
( سلسلة البيوت اسرار) الجزء الأول بعنوان الحب والغفران
Fanfiction#سلسلة_البيوت_اسرار وهي عبارة عن قصص منفصلة متصلة يعني كل جزء قصة مختلفة وابطال مختلفين ممكن يظهرو ابطال الجزء الاول كضيوف او مجرد ذكرهم في الجزء الثاني وممكن ابطال الجزء الثاني موجودين في الجزء الاول دوختكم صح 😊😉 فتابعونا وانتظروا الجزء الاول #ال...
