Hiligaynon poem 2010 (this one I wrote just before high school graduation)
Sang san-o lang ato bala nga ako daw nagtalang,
wala gid may nakilala sa akon mga na-atubang
nga sa akon pamatyag, ako isa ka buang,
lingas diri, lingas didto, kag magduko na lang.
Apang nadumduman niyo bala sang ako inyo ginbugno?
"Hello miga, ano gani ngalan mo? Ako gali classmate mo."
Dugangan pa sang yuhom, natandog gid ang tagipusuon ko.
Wala duha-duha, abyan ko na kamo.
Amat-amat lang nga nabag-o ang tanan.
Ang nagligad nga daw buang, damo na nakilal-an.
Ang kasubo sadto, naislan na sang kalipayan.
Yuhom diri, ngirit didto, daw pulitiko lang.
Nangin kaupod ko kamo sa tanan nga tiun,
sa pagpanglakaton sa pagsaylo sang klasrum,
sa tanan nga lagaw kag pag-panginaon
asta sa pagbantay sang slakyan pagpuli sa hapon.
Indi na maisip ang tanan nga nahimo ta,
ang mga oras nga kita nagsinadya,
sang kita nag-updanay sa tanan nga problema,
kag kun paano kita nagtindog sang kita ang natumba.
Madamo na gid man kita sang mga naagyan.
Mga 'di pag-intsindihanay nga dili malikawan.
Mga gamay nga guba, nga kita man gakid-an,
nagabulig maghugpong sa aton tanan.
Nag-abot na ang tion nga kita maga-hilayuanay.
"Hello" lang sang kagapon, "Goodbye" na sa karon.
Asta sa liwan nga sa dalan kita magbinungguanay,
indi mo lang pagkalimtan nga ako ang dumdumon.
BINABASA MO ANG
Wander-ful Thoughts
Ngẫu nhiênThis is a compilation of my write-ups over the years.. This may include poems, declamation pieces, and short stories, etc., etc. (English, Filipino, and Hiligaynon)
