.
.
: ـ صَلبه وطِفله في أنٍ واحد *.
.
سماره.. مكدرت اضل واكفه ردت اكعد احس دخت كتلها بصوت مخنوكـ اريد اكعد عفيه
..اي بويه تعالي هنا اكعدي
..كعدت وهوه راح جابلي مي وكعد قريب عليه مد ايده علمود اخذ المي
..هاج اشربي شويه مي
..انصدمت من تصرفه وياي نسيت كلشي ضليت صافنه عليه اخذت المي من ايده وشربت خليته ع الميز
..عمر ..هاا احسن هسه هديتي
..هزيت برراسي بمعنى اي
..هههه الحمدلله ضحكي شويه لا ضلين بس معبسه وتبجين يولوو
..بتسمت لا ارادياً اسلوبه وياي جان كولش حلو تمنيت دائماً يضل هيج اول مره ما اخاف منعنده بلعكس تمنيت اضل كاعده قريبه عليه ويضل هيج وياي
..ايي هيج شوفي لمن ضحكين شلون صيرين حلوه
..كتله ليش اني لمن ابجي محلوه
..هههههههه لا لمن تبجين صيرين عبسي انتي اصلاً محلوه ترى بس هيج اجاملج
..عقدت حاجبي وكتله شكراً وهسه طلعت اشبه عبسي انته متعرف لازم ضوجني موو؟؟
..بويه غير اشاقيج شكد حقنه ماتتحاجين اني صوجي ولله كاعد نحجي ودخل اخويه بوموسى
..هه ماشالله مصار يومياً ونسينه شصار ويانه ولله عمي ونعم
..سماره.. نزلت راسي عرفت يقصدني
..عمر.. وكفت ترى حرت اذا اضرب طلع مو خوش واذا احجي طلع مو خوش باله بلا زحمه عليكـ كولي شنو المطلوب مني
..بوموسى ماتنسه اخوكـ النكتل وهوه ماله ذنب هاذا الي اريده
..سماره.. مكدرت اسكت كافي عاد دائماً اسكتت وكفت وكتلها صح اخوكـ مالها ذنب بضبط مثل ما اني مالي ذنب الي كتله اخويه مو اني تكدر دكولي شنو ذنبي اتعاقب بداله جاوبني لو واحد من اخوتكـ او خواتكـ سوه مصيبه بس هوه يستمر بحياته عادي بس انته تندفن وانته عايش جاوبني عندكـ جواب السؤالي؟
..عمر.. صفنت عليها وعلى حجيها وشلون سكتته فرحت لان صارت قويه وضجت لان صوتها صار عالي عليه
..سماره.. سكتت موو اي لان ماعندكـ جواب ماكو واحد بيكم عنده جواب السؤالي
مثل متوقعت محد مراح يحجي
..بوموسى ياله تحركي مو تردين ترحين الاهلج فضيها
..ياسمين ..اي اي اجيت
..اخذ مرته وطلعو باوعت على عمر دنكـ محجه شي كال للحجيه اني طالع واجي متأخر
..خوش يمه بس طمني عليكـ مو تخلي بالي يضل يمكـ
..صار حجيه بست راس امي وقبل ما اطلع دنكت ع سماره وكتلها هاي الهدوم غيريها مو تنسين ولله اذا رجعت وشفتج لابستهن اشكهن عليج صار معلوم
