سماره..ستسلمت للأمر الواقع غفينه وبعد ما حسينه بس على الباب تندك علينه قوي اني فتحت تك عيني عمر جان حاط ايده على عينه رفعها وباوعلي كال لا دكومين خلي اشوف منو واجي باسني من راسي وضحك وراح فتح الباب اني خجلت دفنت راسي بالمخده لمن طلع خمس دقايق ودخلت خلود عليه اني لمن شفتها فزيت غطيت نفسي ستحيت حيل ونقهرت ماعرف بس ما الومها شي صعب عليها قدرت موقفها محجيت شي هيا ضلت تباوع عليه شويه وطلعت ضليت اغم نفسي لان ما سديت الباب بعدها اكول هوه رجلي يعني ماكو شي غلط او محلو بالموضوع كمت بدلت ورجعت للفراش ضليت صافنه شفت عمر اجه شافني ضحك اجه عليه وحضني اني كتله منو اجه
..عمر..دعوفينه من الي اجه خلينه نرجع الموضوعنه
..سماره.. سكتت ودنكت
..عمر..شفتها عبالك شويه ضايجه ستغربت رفعت راسها بيدي وكتلها منو مزعل الحلو مالتي
..سماره..كتله محد ما مزعلني بس
..عمر..لمن كالت بس عدت كعدتي وكتلها بس شنوو
..سماره..خلودد
..عمر..ستغربت لمن كالت خلود كتلها شبيه
..لمن طلعت اجتي وراك دخلت لباب جانت مفتوحه وشافتني
..عمر..رفعت حاجبي كتلها اول شي انتي مرتي اني حر شريد اسوي بيج اسوي لا خلود ولا غيرها اله حق ويحجي ثاني شي ما كتيلها على اي أساس دخلت للغرفه
..سماره..بس هاي غرفتها عمر يعني اكييدد راح تنقهر هاي الغرفه الي هيا زوجت بيها واكيد مراح ترضا اكعد اني بيها عادي وناخذ راحتنه وبعدين هيا مرتك وصعب تقبل بهيج شي اني مقدره وضعها وما الومها ولله بس اني هم ما طالع بيدي شي يعني اني هم سماره ردت اكوله احبك ستحيت ودنكت
..عمر..نتبهت عليه عبالك رادت دكول شي وسكتت فهمت ليش بس ردتها تحجي وما تخجل تقربت عليها واني مبتسم وكتلها انتي هم شنووو
..سماره..ضربته على ايده وكتله لا ماكو شي
..عمر..يابه دكوليها عليش هل خجل بويه غير انه رجلج تستثكرين بيه كلمت احبك
..سماره..ضحكت وكتله ههههه لا اكيد ما استكثر عليك بس اخجل ولله خليني اتعود شوي شوي
..عمر..براحتج ماجبرج على شي انه
..سماره..قترب عليه اني بتعد عنه وكتله عمرر راح اطلع اني خطيه ترى طوخناها كافي
..عمر..خرب يابه مو شلعتي باب كلبي حترك ابيج انتي وخلود
..سماره..ضحكت وطلعت من الغرفه ونزلت ركض اول ما نزلت شفت خلود منتجيه على الدرج وتخزر بيه اني خففت ومحجيت وياها رحت الغرفت الحجيه شافتني الحجيه ضلت صافنه عليه شويه وضحكت اني خفت كلت بكلبي ليش تضحك معقوله خلود كالتلها خجلت حرت اطلع لو اطب ضليت واكفه بالباب شويه وندفعت الباب اني جنت واكفه وراها ونضربت بيها صحت اخخخ هاي منوو
