عمر..باوعت على الحجيه وكتلهت هاي سماره انطيت نمر للحجيه وركضت عبالي فوك بس سمعت صوتها بغرفت الحجيه فتحت الباب ركضت عليها كتلها
شبيج شصار عليش هل صريخ سماره
..سماره..أشرت العمر عليها اريده يشوفها بس يلمحها بس ماكو فايده احس عيوني كامت توغوش وصوتهم صار بعيد
..عمر..تأشر على شي بس ماعرف شنو تخبلت حالتها جانت مو طبيعيه تناشغ وكامت حتى متكدر تحجي شفت ايدهت وكعت وعيونها كامت تنسد عرفت راح توكع كضبتها من ايدها وجريتها الحضني كمت اضرب على وجها بس ماكو وكعت صارت جثه عبالك احس اعصابي تلفت زكحت بيهم ردت ينطوني مي
..الحجيه..يمه شني ليش هيج صارت راح تموت وجها صار اصفر
..عمر..شفت شفتها صاير مو زركه لا سوده وجها اصفررر جابو المي اخذته وشمرت على وجهه شويه خليتعلى شفتها كامت تصحصح
..سماره..فتحت عيوني بس احس راسي ثكيل وعيوني مغوشه رجعت الوعي ضلت لأسئله مالهم أشرت العمر يعني ماكدر احجي
..عمر..زمخت بيهم علمود يسكتون ويطلعون من الغرفه صدك الكل طلع من الغرفه بقيت بس اني وسماره كعدتها على الجربايه بس ماعرف اريد افتهم السبب
..سماره..نمت على الجربايه غمضت عيوني بس كمت احس عصابي تلفت اخاف من كلشي بقيت على هاي الوضعيه ٣ اسابيع كمت احس حتى اذا بالحمام شخص يتقرب عليه ويكمشني حالتي النفسيه صارت صفرررر تعبت بيوم جان الكل ماموجود بس الحجيه واني جنت هستوني مخلصه شغل سمعت صوت طفل يبجي ضليت صافنه هاي وين الصوت ستمر نفس الصوت لساعتين عصابي تلفت واني تعبانه بس الصوت كام يقترب لدرجة كمت احس الصوت بنفس الغرفه الي اني بيها ضليت ادور ادور بكل البيت رجعت للمطبخ لكيت شي كاعد على الكاونتر كصير وجان شايل لعبه لمن شافني باوع عليه وضحك اني جمدت بمكاني شفته نزل كام يتوجه عليه اني كل خطوه يخطوها امشي عكسها الحد ما نلزكت بالحايط من الخوف احس رجلي بعد مشيلني وكعت بالكاع وهوه قترب عليه حط وجهه على وجهي وصرخ وتحول وجها لمنضر مخيف لدرجه مو طبيعيه صارت بيه هستيريه كمت اصيح واشمر بالغراض عليه بعدها كام يتحول لمريه ولحيه ولأشكال ماحسيت بس احد ضربني راجدي على وجهي
..عمر..جانت حالت سماره مو طبيعيه حاولت اخذها الساده وازورها بس جانت ترفض اقرا قرأن تبتعد لو تتخبل بليل تصيح بوحدها لو لمن نتواجد بمكان اشوفها تباوع بزاويه وتبجي لو لمن ادخل الغرفه اشوفها تحجي بوحدها تعبت من وضعها حيل وعجزت اشوفلها حل بيوم رجعت من الدوام واني فرحان لان حجيت الصديقي وكال اخذها السيد كلش شاطر راح يكدر يعالجها لمن رجعت ودخلت للبيت شفت سماره تصيح الحجيه تحاجيها وتبجي على وضعها اني توجهت عليه بس اريد اكضبها ماكدر كمت ضربتها علمود ترجع للواقع ويانه
..سماره..باوعت عمر والحجيه تبجي يمي دفعته وكمت اصيح كتله اكرررررهك اكرهك انته السبب انته اني راح اتخبل ماكدر بعد ماريد اضل يمك اريد اروح طلكني عمىرر طلكني ابوس ايدك كافي بعد ماعندي طاقه ولله ماكدر محد مديحس بيه ولله محد ركعت كباله وكتله ابوس ايد كافي تركني في سبيل الله لان تعبتتت تخبلت ولله
