سماره..سحبني وصار فوكايه وضل يسئل بيه واني احاول ابتعد عنه فجاءه تقرب عليه اني جمدت بمكاني خفت حيل دفعته وكتله عمر هاي شجاي تسوي
..عمر..لمن دفعتني وكامت غمضت عيني وتنهدت كتلها اعرف مو وقته بس شسوي صار الي صار
..سماره..كتله راح انام بالكاع انته تكدر تنام على الجربايه جريت المخده ردت اخذها كشني من ايدي وخزرني
..ست سماره تكدرين تنامين على الجربايه اني راح انام بالكاع هديتها وجريت المخده والفراش وفرشتهن درت ظهري ونمت
..سماره..طمئنيت نام بالكاع ياله رحت على الجربايه الموقف صار وخلص بس جسمي كله يرجف وتوترت وجوده بالغرفه وترني اكثر بين هاذا التوتر نمت
..عمر ..جنت حاط التلفون يم راسي ورجاج حسيت كاعد يهتز باوعت خلود ادك كلت بكلبي مو وكتج خلود عفته وردت انام بس كلت خاف نمر بي شي لو الحجيه بسرعه فزيت فتحت الخط كتلها الووو هااا خلود صاير شي
..وينك عمر صار ساعه ادك عليك
..خلود احجي شرايده صاير شي بالبيت
..لا مصاير ابدد عمر شعندك ضليت ويا هاي الك_^تعوفني اني وابنك ولا تسئل علينه وبعدين اعرف راح تباتون برى ليششش
..عمر ..نداريت على سماره شفتها نايمه نصيت صوتي وكتلها بس اصبري عليه دخلي اجي اذا ما ابتره للسانج اطلع كلب ابن كلب وسديت الخط بس دم كام يفور طيرت النوم من عيني اخذ باكيت الجكاير وخليت وطلعت من البيت رحت كعدت بالحديقه وكمت ادخن
..سماره ..اني نوم مو ثكيل يعني بس صير طكه يم راسي افز سمعت الباب انفتحت رفعت راسي شفت عمر مو بفراشه كلت بكلبي هاذا وين راح نتضرته يجي بس ماكو صاىت ساعه ب ٣ وهوه مختفي قلقت عليه لبست جاكيت ولميت شعري وطلعت من الغرفه كلت يجوز كاعد بصاله شفته ماكو نتجيت على الدرج كلت هسه هاذا وين ختفه سمعت صارت باب الصاله نفتحت بسرعه ركضت للغرفه ماردت يعرف اني انتضره سديت باب الغرفه ورجعت نمت سمعت صوت رجليه على الدرج طمئنيت غمضت عيوني ونمت
..عمر..رجعت للغرفه شفتها نايمه ضليت اباوع عليها جريت حسره وقتت التلفون ساعه ب ٦ لان دوام عندي ورجعت نمت بعد ما حسيت بس على صوت المنبه لغيته اخذت صفنه شفت سماره تحركت رفعت راسي شفتها تباوعلي كتلها صباح الخير
..سماره.. صباح النورر
..عمر..كت على حيلي وكتلها شلون صرتي
..الحمدلله احسن ليش موقت التلفون شنو راح تروح
..قصدج راح نروح موو
..نروح شنوو السالفه ساعه ب ٦ قابل مطرودين نروح بهاذا الوقت
..ولله عذريني كلتي نبقى بقينه بس لا طوخيها بعد كافي ورايه دوام
