حتى من آريد آقبل عِذر
مآشوف تقبل روحي !!ماعرف ليش بس عجبني اضل واكف واستمع الها
..سماره .. خلصت كمت علمود اخلي سجاده بمكانها وضليت كاعده بلغرفه مطلعت ومحد اجه عليه هم اسمع سوالف وحجي مالهم بس ياهو الي يريد يدخل الغرفه متقبل باوعت الوكت كام يركض شويه نفتحت الباب شفت الطفل ركض عليه وحضني نصيت نفسي علمود اصير بمستوى بسته من خدوده ضليت كاعده وياا هوه يسولف بس اني ما مفتهمه شيحجي بس ضليت اضحكـ على سوالفه وحركاته فدوه يخبل يربي شكد محبوب شويه وراح نام على الجربايه كلت يجوز يريد ينام نعس باوعت الساعه صارت بـ 8 اني هم حسيت حالي تعبانه اريد انام مددت يمه وبعد محسيت بس الحجيه فتحت الباب اني كمت بسرعه من مكاني كتلها اسفه اخذتني النومه ما حسيت
..اي يمه روحي نامي انتي تعبانه
..ضليت واكفه وين انام اشو هيا بس جربايه وراح تنام عليها كمت ادور على فراش علمود افرشه وانام
..يمه افتحي الكنتور وطلعي فراش وبطانيه ومخده
..رحت فتحت الكنتور طلعت الفراش ومديته الحجيه راحت نامت على الجربايه يم الطفل اني جنت تعبانه بحيث اول مخليت راسي نمت فزيت على صوت حركه يم راسي رفعت راسي شفت هاذا المخيف شايل الطفل من يم الحجيه ويريد ياخذه غطيت راسي بلبطانيه وضليت خاتله جواها ما طلعت راسي ابدد طلع وسد الباب ورى اني بعدت البطانيه اريد اخذ نفس كعدت شويه بس احس ريكي نشف ردت اشرب مي عطشت حيل كمت على كيف فتحت الباب ضليت اتلفت خاف احد يشوفني عبالك راح اسوي جريمه مو اشرب مي فتت للمطبخ شفته ظلمه فرحت كلت علمود محد يشوفني ركضت فتحت الثلاجه طلعت مي ردت اشرب شفت شي خطف من يمي جمدت بمكاني حتى اخاف اباوع شنو الخطف كمت افر بعيني بس بدون ماتحركـ حسيت احد وكف ورى ظهري كمت ارجع راسي شويه شوي علمود اشوف منو نداريت وشفت هاذا المخيف واكف شهكت من الخوف احس نفسي نكطع صحت بسم الله الرحمان الرحيم
..وقزرقط اي ولله شفتي جني
..ضليت صافنه بوجها وهزيت راسي بمعنى لا
..لعد اذا لا عليش هيج خايفه اكول وخري اريد اخذ مي
..بعدت عن الثلاجه اريد اركض للغرفه بس اخاف ماعرف شسوي خلص شرب مي وندار باوع عليه رفع حاجبه وجتف ايده وكال راح صلين واكفه
.. هزيت راسي بمعنى لاا
..لعد اذا لا ولي يله للغرفه لا ضلين تفترين بلبيت بهاي الظلمه
..هزيت راسي بمعنى اي باوع هز ايده وراح ضليت ثابته اني بمكاني شويه ورجع مد راسه كال يله اني من الخوف شمرت المي وسديت الثلاجه وركضت للغرفه اول ما دخلت فتحت البطانيه ودفنت راسي جوه المخده من الخوف بسرعه نمت الصبح حسيت اكو احد كاعد يحركـ ايده على خدودي فتحت عيني شفت نمر يباوعلي ويضحكـ فرحت لمن شفته جريته بحظني وبسته وضليت ادغدغ بي وهوه يضحكـ واكوله تتحارش بيه علمود اكعد موو اني الكـ تعبنه اني كمت علمود اغسل وجهي واهوه راح شويه جاب بسكتت واجه عافه يمي وركض ضليت اباوع ضحكت اخذت البسكت وطبيت للغرفه اكل لان جنت ميته جوع من البارحه ماماكله
كعدت اكل شويه ودخلت الحجيه للغرفه باعتلي وضحكت
