..صاح سماره وجرني من ايدي بحيث حسيت ايدي نخلعت عكدت حاجبي وكتله هاي شبيكـ عوفني
..شوفي اني جنت افضل انو امي تحجي وياج ورفضتي بعد مابيها مجال سماره اني احبج واريدج وافقي ولله العظيم اخذج من حلك السبع واشوف ياهو اليفكـ حلكه ويحجي انتي بس كولي اي ومعليج
..دفعته وكتله اذا عمتي ردتلك خبر فا اكيد هسه تعرف جوابي شنوو واذا متعرفه اني اكوله الك علمود يطبع براسكـ اني ماريدددكـ عمري مافكرت بيكـ حتى تريدين اصير مرتكـ ههههه كتله اطلع من الغرفه يلللللله اطلعو ماريد اشوف احد اطلعووو
..سماره لا دكولين هيج يمه انتي وافقي بس اقبلي حتى واذا شهر وطلكي يمه بس اهم شي لا ترحين فصليه يمه وللله تموتين ومحد يحس بيج
..اللله شفايتلي اموت واخلص من هاي العيشه هوه هاذا الي اريده اموت لان بعد ماكدر استحمل هاي العيشه ولله
..لا تحجين هيج يمه ولله حاي تحركين بكلبي ليش هيج سماره ليش
..صحت لعد ونتوو لمن تصرفون هيج متحركون بكلبي يعني اني بعد متت اليوم اني جاي احتظر والباجر اموت اتعودي بعد ماكو سماره جريت عمتي وكلتلها رحمي بحالي ولا تحركين بكلبي اكثر ولله راح اموت ابوس ايدج كافي فات من يمي مرتضى باوعت عليه عيونه حمر نزلت راسي وبتعدت هوه طلع من الغرفه طلعو الكل من يمي باوعت بلغرفه وكل مكان اشوفه اكوم ابجي بحركه امسح بدموعي كعدت بلكاع رفعت راسي وكلت لييش ليش يربي هيج وضعي ليش شنو الي سويته اني ربي انته راضي بوضعي يعني اني على شنو جاي اتعاقب هااا اني راح اضل يعني من قهر القهر مراح افرح بيوم صحت رببببي ولله راضيه راضيه بوضعي اني اي بس انطيني صبرر لان تعبت بعد خلص صبري بعد ماعندي قوه ولله كمت على حيلي وفتحت السجاده وضليت اصلي وادعي واسمع صياح عمتي وبجيها واني كل عيطه منها احس تشجعني علمود ابجي اكثر صح اجه اليل واني كاعده ع سجاده ورافعه راسي واحضنه القران وابجي صار هدوء البيت حسيت عماتي راحن بس عمتي بلقيس جاي اسمع صوتها تبجي ع درج
..(عمر )...دخلنه للبيت ونطيت خبر انو راح تجي فصليه للبيت وصعدت للغرفه ماريد اسمع صوت احد تعبان شفت نمر نايم بهدومي ورحت لجربايه ونمت حتى بدون مابدل خليته بحظني واسم بريحته هوه نزعج بعدت عنه علمود مينزعج رحت سبحت وبدلت سمعت باب الغرفه ندكت واني خال الخاولي ع راسي كلت منوو
..اني بو نمر
..دخلي خويه اميره
..بو نمر
..كلتله يرحم والديج اميره احجي العندج بسرعه ترى تعبان وروحي طافره
.. انتو اخذتو فصليه منهم
..اي والباجر تجي ليش عندج عتراض
..اي عندي يعني انتو متخافون الله شنو تفصلونهم بمره راح تجي بهاذا الضيم والقهر بو نمر مو هيا الغلطت ليش تتحمل مسؤلية غلطه مو هيا سوتها انته كولي بعدين راح اجيبها هنا انته تعرف عماتكـ واخواتكـ ونسوان اخوتكـ شراح يسون بيها راح يلعبون لعب بيها هوه انه من دمهن ولحمهن مطلعات عيني هاي الغريبه شراح يسون بيها وبعدين منو راح ياخذها
