الحجيه..يمه ما دكلي شحجي وياهن كل وحده اطول مني هم عيب ارزلهن
بو موسى..لا ولله حجيه لمن شوفيهن هيج يتصرفن المفروض تهينيهن وبعدين ست سماره شلون تسمحين النفسج ترفعين ايدج على الاكبر منج ما تستحين انتي لو ماعندج اخلاق
..سماره..اني جنت مفوله اعصاب لمن شفته هيج حجه كتله عاد انتو تردون جفصون بطني ومافك حلكي وحجي وبنفس الوقت ادوس بطنك خلود ومحد يحجي بس بعد ما اسكتت
.. لج صوتج شهرتينه جدام الوادم اسكتي لا بارك الله بيج انتي جيبين نفسج على خلود لج تشرفج وتشرف عشيرتج كلها سمعتي لو لا
..سماره..شفته هيج حجه طكيتها بضحكه كتله ولله يجوز تشرغكم الكم بس اني متشرفني اذا هيا ابنها تخطفه وتسوي مصايل علمود راحتها شتريد احترمها حجيت هيج وبعدين حسيت على نفسي بسرعه كمشت حلكي وضليت صافنه الكل صاح شنوووو
بو موسى..يا خطف انتي شكاعد تحجين خلود هاي شتقصد
خلود..جذابه لحد يصدكها هاي خرابت بيوت الله لا يوفقج يا حيه انتي من جوه الجوه مووو
..الحجيه..اسكتي خلود حدري سماره كليلي شقصدج
..سماره..ضليت اباوع عليهم حرت شسوي كلت بكلبي هسه اني شحجاني ضليت واكفه بمكاني ودنكت احس خلود راح تاكلني اكل تخبلت
..الحجيه..سمممممممممماره مو ياج حدري هنا لا تخليني اتصرف غير تصرف وياج
..سماره..فزيت لمن صاحت الحجيه احس جسمي كله كام يرجف ضليت امشي فتت من يم خلود كامت تنافس وكفت مقابيل الحجيه
..الحجيه..يله احجي شنو الموضوع
..سماره..باوعت عليها كتلها ماكو شي اني مجان قصدي شي
..الحجيه..سماره هاي اخر مره اكلج بيها احجي مره ثانيه راح يصير شي محلو بحقج انه اعرف كلش زين انتي الج قصد بيها دكولين لو اخليج منج ال عمر وهوه يصرف وياجن
..سماره..كمشت ايدها وكتله لا حجيه الله يوفقج اذا عرف عمر ينهينه انه راح اكلج كلشي بس لا دكولين العمر
..الحجيه ..احجي سماره مراح اكله
..خلود..لج كح__ شتردين تتبلين عليه لحد يصدكها اني مامسويه شي
..سماره..دنكت وبديت احجي للحجيه كلشي واسمع عياط خلود وبكل عيطه احس جسمي يرجف لمن خلصت الحجيه محجت شي عبرتني وتوجهت الخلود رفعت راسي باوعت واحد صافن بوجه الخ
..الحجيه ..هاذا الكلام صحيح لو لا
..خلود..حجيه من كل عقلج صدكين هاي بنت الحرام تريد تهجم بيتي اني ما مسويه شي
..الحجيه..يعني ماعندج اشكال اذا اكول العمر هااا شو سكتي جاوبيني
..خلود..لا حجيه لا دكولين العمر ولله يطيح حضي الله يوفقج الخاطر نمر ولله ينهجم بيتي
