..رحت اني هم احظر ويا عمتي بس شكد جنت خايفه على احمد لا يروحون يكتلوو باوعت على عمتي وكلتلها عمه
..هاا يمه احجي شبيج جاي يوجعج شي؟ ارتاحي ليش كمتي اكعدي
..لا لا مابيه شي بس عمه احمد باوعت عليه وحسيت عيونها دمعت
..يمه كلب الحنين خايفه عليه بعد كل الصار بيج يمه
..لعد شلون عمه غير اخويه اذا ماخاف عليه عليمن اخاف
..
..لا يضل بالج ميصير شي يمه عليش خايفه ارتاحي انتي
..رحت كعدت على الدرج علمود اسمع اني هم
(عمر).. اباوع على عمامه وعليه يابه لو يخلوني بس اني ويا اشرب من دمه بسس اخخخ ماريد اصير دمايه حجيت شوف اني مال دكلي انته مانتبهت ومن هاذا الحجي انعل يومكـ سمعت ميصرفلي هاذا الحجي شنوو اثول مشوف كبالك انته يعني؟
..لاا يا شيخ مامرجيه منك بس هيا ارادت ربكـ بعد احنه شبيدنه
..ونعم بلله بس اني
مايرضيني هاذا الحجي
..يابه واحنه حاظرين بلي تردوو
..كام اخويه وكال انه مايرضيني غير لمن اشوفه غركان بدمه
..لا يابه هاذا مو حجي وين عايشين وتردون اصير دمايه شتردون احنه نفذ بس مو مال دم هاي تروح بيها عوائل مالها ذنب انتو كولو المبلغ التردو واحنه ننطي
..عكدت حاجبي وكتله ولله لو فلوس الدنيه متعوضني بليراح صاح عمي ماكو غيرها نفصلكم بمره وينسد الموضوع الكل ندار على عمي اني صفنت كلت ماكو غيرها هم صدكـ
..بس احنه ماعدنه بنات بعمر الزاوج يابه
..(سماره)..لمن كالو فصليتنه مره وحده صفنت بوجه الثانيه وكامت يتلطمن ويتباجن بدون صوت مفهمت شنو قصدهم عاد عمتي جابت الضيافه وصاحت مرتضى اخذهن واجتي كعدت يمي باوعت كالت شبيهن كلتلها عمه ماعرف بس لمن كالو يردون فصليه كامت يتباجن اشو عمتي هم لطمت على وجها
..صخام الصخمني عزااا منو تنطي بتها فصليه
..كامت تبجي كلتلها شنو يعني فصليه
..يمه الفصليه يعني تروح برجلها لموتها يعني لا عيشه مثل البشر ولا نومه ولا اكل مثل لبشر تعيش طول عمرها مذلوله ومكسورت خاطر ومتكدر حتى تعترض
..حسيت كلبي نقبض وخفت باوعت على بنات عماتي وعمامي بيهن مزوجات وبيهن صغار كولش وبس بنت عتي بلقيس اصغر مني بسنه بس ثنينه صغار يعني شنوو منوو الي تروح
..(عمر).. صارت هوسه وصياح وناس جر بطول وناس جر بلعرض زكحت بيهم كاااااافي صوت ماسمع نداريت عليهم كلتلهم احنه مجاين ناخذ رأيكم بس شغله وحده توكف الدم وهيا فصليه وتفض الشغله ان عترضتو هاذا شي راجعلكم احنه نسويها دمايه ماعدنه عتراض الكل سكت وكتلهم الفصليه تنأخذ باجر ونتهت السالفه باوعت على عمامي وخوتي وكلتهم يله لكل كام توجهنه للسيارات والطريق كله اكلو راسي اخوتي
..بو نمر حرمه ناخذ حرمه من هل هيلك هاي بركبتمن توكع هااا ماتعرف يعني بس محمد اخوكـ ماعنده حرمه وهو صغير على الزواج ماكو غيركـ تكدر تاخذها
..باوعتله وعكدت حاجبي كتله انه الي راح اخذها وفضت بس فكوني
.
..سماره.. طلعو عمامي من الصاله ونص يرزل باحمد ونص صافن ركضت عمتي على عمي وكلته هاااا بشر شصفت هسسه
..شصفت يعني يردون فصليه
..شعور صعب كلش ويخوف عماتي كامن يتعايطن ويكولون منيه راح تروح فصليه واحنه متقبل ومراح ننطي بناتنه ووو كومه حجي اني بس كاعده على الدرج واسمعهم شويه وندارت ساره عليه
..وليش يعني يرحن بيها بنتجن موو هاي سماره هيا تروح فصليه هنه شكوو بهاي المصيبه
..ماشوف بس الكل ندار عليه
وعمتي ركضت وحضنتني لا لاا شنوو موو سماره شعليها حرام عليكم لاا بطفولتها تهنت ولا بشبابها وتردون تدفنوها وهيا عايش حررررام خافوو ربكم كافي مو هيج
..اني سكتت اباوع بعيونهم اريد واحد مقهور ماكوو حجت ام ساره
..ولله عيني لو بنتج لو سماره مشوفين يعني كلهن صغارر
..اني لمن سمعت كالو بنت عمتي بلقيس صحت لا لا خطيه ولله معليها هيا اني راضيه اني اروح ولله عادي صاح مرتضى
..تخبلتي انتي شبيج ولج تعرفين يعني شنو الفصليه لو لااااااا شبيج شنو ترحين عادي
..ماعرف منين اجتني قوه وعطت ههههههههههههههه ولله عساس هسه اني عايش بجنه اعرف شنو الفصليه كلشش زين يعني السبع
سنوات العشتهم قبل راح تصير طول العمر يعني نكتب عليه بس الضيم والقهر يعني مراح اضوكـ الفرحه بحياتي اني اكثرر وحده اعرف شنوو معنى الفصليه لان اني اكثرر وحده حسيت بمعانتها جنت يتيمه ومضلومه هسه صرت فصليه مظلومه كمت على حيلي ومسحت دموعي وعمتي تبجي ومفرفحه عليه توجهت على احمد وكفت مقابيله هوه رفع راسه وكتله يكولون الاخ سند الخته بس انته ولا مره صرتلي سند ولا مره اجيت وكتلي خيتي شبيج شمحتاجه تعالي اطلعج هاي فلوس اخذي البخاطرج ولا مره
بس اني صرتلكـ اخت وام واب وانته متحس جنت لمن اتمرض اخابر عمتي علمود تجيني وانته اذا تتمرض ومرتكـ بيت اهلها اسهر ليل كله وخاف يصيرلك شي وقبل متكعد اركض للغرفه اخاف ترزلني معا انو اني مامسويه شي
وكل هاذا الحجي الحجيته اريد اشوفك تنقهر بس لا معا ذالك ماكول بس حسبي الله ونعم الوكيل بكل واحد اذاني وكرهني واني مامسويتله شي حسبي لله ونعم الوكيل وخليت ورحت للغرفه كمت اطلع بلغراض وبجي بحركه وجتي عمتي تركض فتحت الباب وتبجي
..ولج يمه شكاعد سوين ليش تحركين كلبي عليج اكعد حبيبه ولله اطكـ واموت من القهر اذا ترحين فصليه يمه ابوس ايدج عوفي لبيدج وتعالي وياي
..ماحجيت ضليت ساكته وعيوني تحجي الي بداخلي كمت اشيل وحط بجنطه واني ماعرف شجاي اسوي بس اريد افرغ الحركه لبداخلي باوع على عمتي دكـ وتلطم وبناتها يبجن شويه ودخل مرتضى
.
.
.
.
.
.
.
.
.تفاعلو علمود انزل بارت جديد احبكم
