تــدري وش مـعـنى الـقـهـر ..؟
أنــك كـــفــو لـكـن حـضـوضـك خـايـبـة ..!
تعبت من كلشي تعبت شنو ذنبي عمري 18 سنه وشفت كل الظيم والقهر محد يرحم هاي الكلمات جنت افكر بيها واني نايمه بلكاع بعد ما اكلت كتله من اخويه ادحكـ للغرفه هه جنت بدلال هسه وين صرت كمت على حيلي وطلعت من الغرفه وتوجهت للمطبخ احظر غده اله ولمرته ...... خلي أعرفكم بنفسي....
اني اسمي سماره من بغداد عمري 18 عندي اخ واحد ومزوج ابويه وامي توفو بحادث سياره وبقيت وحدي اواجه اخويه ومرته عشت حياه صعبه دائما انذل وانظرب منه ومن مرته وعندهم ابن عمره 10 سنوات هه حتى هوه مراحمني اخويه اسمه احمد وعمره 38 سنه ازوج من بنت عمي ساره وعمرها 28 سنه صار عدهم ولد واسمه سيف خلي نرجع للواقع
.
....جنت كاعد اسوي الغده ونزلت مرته وذبتلي بسمار
....هاي شنو بسبع ارواح شو هم واكفه ع حيلج بعد كل هاذا الكتل ماتموتين ونخلص منج يعني؟
سماره.. الي يسمعج يكول كاعده بيت الخلفج !
ساره.. عفيه لسان مينكص ابدد ليش مجوزين مني يعني جلدج يحكج لازم بعد تنكتلين.
سماره..لا حول الله جوزي مني ساره مالي خلكج
ساره.. ديله عيني شسويت قابل هه اكول خلصي الاكل من وكت ترى اخوج يطلع من الشغل بـ 12 فهمتي
سماره ..فهمت
راحت ساره وكعدت اسوي الاكل ودعي ربي اخلص من هاذا العذاب واني ابجي
بنفس الوقت بيت شيخ عمر ...
عمي على عيني وراسي كلامك بس بنتكـ ماهي صغيره زلمه شكبري ترضاها بنتك تصارخ علي ياهو ليرضاها منكم مات الكلام واني المره الي تطلع من شوري ويعله صوتها علي بعد لو يصبوها ذهب ماترد الي وانا مارغبها بعد عفتهم وطلعت واني طالعه الدنيه من عيني صعدت بسيارتي وان على اعصابي شخطت السياره ورحت على بيت واني طول الطريق ادردم...
... ولد الكلــ يردوني ارجع هاي السكط البيتي ولله ماني رجال اذا اردها اخخ لو كاضبها لا طلع القضى والمضى بيها بسسس الله خلصها مني وصلت للبيت جاي ادخل تلكتني امي
..هااا يمه بشرر تارضيت انته ومرتك ليش راد وحدك يمه
...يمه الخاطر الله عفي عني مابيه حيلج وصعدت للغرفه كبل بدلت وسبحت جاي انام ودخلتلي امي
..يمه ليش تعاند ترى مالك غير مرتك يا يمه ردها الك كلنه نغلط ومريتك غلطت وطلبت الرضا منك ليش تعاند
... انتو من كل عقلكم يعني تردوني اردها يايمه المره الي يعله صوتها ع رجلها ماهي مره خيره لا تخلوني اطلع من طوري وترى ماهو عناد بس اناا اكره المره لترادد وتعلي صوتها وانا محذرها وهي ماخذت كلمه شبيدي عليها بعد ما دكليلي يايمه شبيدي
