عمر..رحت فتحت الباب دخلت خلود وحضنتني وكامت تبجي ودكول رجعلي ابني عمر اريد ابني ولله اموت بدونه نداريت على سماره ضلت صافنه علينه بعدها باوعتلي ودنكت وطلعت من الغرفه ردت اروح وراها بس ماكدر ضليت ويا خلود بعدتها عني وكتلها اوعدج نمر راح يرجعلنه بخير ومابي شي اهدي انتي
..سماره..عبالك جان حلم وكعدت منه بهاذا الموقف اي هوه بنسبه الي حلم وبس اريد اتنفس بس مجاي اكدر رحت ركض على الحديقه باوعت على السمه جان الجو كلش حلوو كعدت على الكرسي ودنكت دموعي كامت تنزل بوحدها ماعرف ليش وشنو السبب اني جنت اعرف من البدايه هوه مزوج واكيد راح انحط بهاي المواقف بس ليش كلبي مجاي يفهم ليشش شنو السبب سماره معقوله حبيتي لا مستحيل افكر بهاي الطريقه اصلاً هوه يعتبرن خدامه الهم وبعدين تصرفاته وياي محلوه ليش حبيته ليش حسيت ايد نحطت على جتفي رفعت راسي بسرعه باوعت شخص غريب ماعرفه
سليم(ابن عم عمر)..ليش كاعده بوحدج بيج شي ؟!
سماره ..مجاوبته ردت ادخل للبيت جرني من ايدي صحت بي وكتله شنو هاذا التصرف ماتستحي عوفني
..انتي شنو اسمج وشصيرين منهم مشايفج قبل
..ونته شعليك عفيه عوفني اريد اروح دفعته وركضت دخلت للمطبخ تلكتني ياسمين
..ها خيه شبيج وجهج صاير اصفر شصاير وياج
..مابيه شي ركضت ردت افوت الغرفة الحجيه وجان انضرب بعمر باوعت عليه عرفته عصبي صاير ردت اعوفه ومشي اشو هاذا جرني من ايدي ودخلني بغرفة الحجيه ضليت صافنه عليه فرك وجها وكلي شعندج ويا سليم
..كتله يا سليم ماعندي شي ويا
..شنو ماعندج شي ويا وجنتي واكفه تحجين ويا بالحديقه
كعدت احجي ويا خلود واصبرها بس طكت روحي اكلت كلبي اكل اريد ابني واريده يعني عبالك انه ماريده وكفت قريب على شباك غرفتي ونتبهت سماره واكفه تحجي ويا سليم ابن عمي تخبلت كلت بكلبي هاي شعدها وياا هاذا الكو___نداريت على خلود وكتلها هسه اجي بس عندي شغله اخلصها وصعد ماحجت شي عفتها ورحت نزلت وجان صير سماره بوجهي بسرعه جريتها ودخلنه الغرفة الحجيه اريد افهم شعدها ويااا
..ولله ماعندي شي ويا اصلاً ماعرفه بس سئلني شبيه وليش كاعده بوحدي
..راح انعل والديج سماره لا تخبلين ولد متعرفي تاوكفين ويا وتحجين شنوووووو مكرن اني وبعدين كم مره كتلج انتبهي على لبسج لج امة محمد كلها كاعده هنا ونتي ماخذه راحتج شوفي اذا شفتج خاطيه خطوه خارج البيت احركج حرك سمعتي لو لاا
..نرفزني كلامه كتله لا ولله ونته شعليك احجي ويا الي يعجبني ليش تدخل انته بكيفي وبعدين انته معليك بيه اني هنا وجودي اخدمكم بس اني مو زوجتك واتمنه تفهم هاذا الشي عفته ومشيت
..اني صاير نار وهيا هيج حجت وياي تخبلت بزايد كمت جريتها من شعرها ودفعتها على الحايط كتلها السانج اكصه اذا تحجين وياي بهاذا السلوب مره ثانيه لج تردين تكو___ بيتي واسكت لا ولله ما اسكت اني كلت العندي ونتي مره وتصرفي غير تصرف شوفي شراح ايوي بيج عفتها ورحت شفت البيت هوسه واني مضايق حيل مو مال اكعد اجامل واني روحي طافره خليت وطلعت ضليت اخابر على الولد اريد احصل خبر على نمر
