عمر..دخلنه للمستشفى اريد اخذها للدكتور ماكو اصيح وين الدكتور محد يجي
لكم كووا___لمن تموت ياله تجون ماكو واحد بيكم خير وين الدكتوووووور
..ممرضه..استاذ لا صيح انته بمستشفى مو بشارع صلي على النبي وكول شبيها لبنيه
..عليه افضل الصلات والسلام عمي وكعت وهيج صارت ماعرف شبيها كل الي اعرفه هيا تمرضت فلاونزا ورتفعت حرارتها
..زين خلي خليها على السديه وانته اوكف هنا
..خليته على السديه اخذوها ودخلو للغرفه كمت اروح وارجع ومتوتر ضليت بس اباوع على الغرفه سمعت صوت اميره نداريت عليها
اميره..هااا خويه بشر شصار
..ماعرف ولله اخذوها ودخلو للغرفه جاي انتضر انشالله مابيها شي
..انشالله خويه نشالله انته اهده
..صاحتني الممرضه كتلها هااا شبيها
..استاذ لبنيه متعلك عندها فقر دم والحراره مرتفعه هم يعني طبيعي جداً تصير بهاي الحاله وتوكع شنو متاكل ليش هيج عايفيها المهم هسه علكنالها مغذي راح اضل بالمستشفى تكدر تطلعها بليل متشوف شر
..نداريت على اميره وكتلها ولله هاي ناويه تجلطني بنت الكلب الثلاجه مليانه ومتاكل يصير خير بس خلي نطلع دخلت للغرفه شفتها شي بداخلي كام يحترك واعصابي تلفت اريد ارزلها وبنفس الوقت احضنها راح تخبلني رحت كعدت يمها وخليت ايدي على راسها وكتله شلون صرتي هسه طمنيني
..سماره..ردت اكوم لان احس دخت والدنيه كامت تفتر بيه بس مكدرت حسيت اطرافي بردن حيل وعيوني وغوشت بعدها فقدت ما حسيت بس على روحي واني بالمستشفى فتحت عيني شفت عمر واكف فوك راسي ويسئلني على وضعي لمن حط ايده على راسي بعدت راسي واشرت الاميره وكتلها اريد مي ضليت اباوع من الجهه الثانيه ماريد اباوع عليه كافي بعد مابيه حيل ابجي وانقهر وانذل بعد وصلت المرحله الي يريد يضربني اكوله ممنونه جابت اميره وضلت تحجي عليه لان ما اكل وعرفت معلك عندي فقر دم قوي ووو خلص كلبي بعد كل هاذا وكلتلي ما بيج غير العافيه ماكتلها بس شكراً وهاي هيا عمر دنك عليه وكال
.. راح اروح اجيبلج معلاك واجي انتي ارتاحي هسه
..سماره..محجيت شي نداريت وغمضت عيوني
..عمر..احجي وياها مجاوب عرفت زعلانه من موقف البارحه اني هم ما لحيت عليها لان مو وكتها خليها براحتها
..سماره ..قبل ميطلع صحت عمرر
..عمر..سمعتها صاحتني نداريت عليها وكتلها هاا بيج شي دختي تردين شي
..سماره ..كتله اي اريد احجي ويا عمتي عمر حتى واذت خمس دقايق حيل محتاجتها الله يخليك لا ترفض
