رتاج/شنو يعني راح اشوف الي عافتني بالشارع لا مستحيل مااروح لو اموت اكرهه مااريد اشوفهه هي سبب تعاستي يربي شسوي حته رقم علي ماعندي خلي اشوف حسين دكيت على حسين اكثر من مره جهازه مغلق ومستحيل اروح وياهم لو اموت بدلت لبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ونزلت علكيف بدون مايحس بيه احد طلعت من الباب الوره اذكره مره علي كال اسم المستشفى الي يشتغل بيهه فقررت اروحله طلعت امشي على الشارع ردت اركب تكسي بس خفت ضليت امشي وكلما اشوف مره اسأله عن مكان المستشفى صار ساعتين امشي ومالكيته احس راح اوكع حته اكل مااكلت تعبت من المشي كعدت ارتاح شويه بحديقه عامه اجت يمي مره مبسن عمرهه بال٤٠ هيج المره/خاله شسوين هنا وحدج رتاج/هاا لا هيج كاعده المره/خاله انتي بنيه حلوه وصغيره وحته مبينه فاهيه رجعي للبيت لااطلعين وحدج الدنيه ماتتأمن رتاج/انشاء الله خاله هو انا رايحه الاخوي...ضليت اسولف ويه المره او هي اسولف وانا اسمع كلش حبابه وكعدت تنصحني ذكرتني بأمي الي ربتني ضليت احجي وياهه تقريبا ساعتين راحت وانا هم كمت حته اروح العلي ضليت امشي واسأله بس مالكيت المستشفى تعبت والوقت بده يصير رغروب .. علي/رجعت للبيت الظهر لكيتهم مخبوصين بعدين عرفت رتاج ماكو انا تخبلت وين راحت يعني طلعت ضليت ادور عليهه خرب نوم حته ماعندي رقمهه رحت للشركه كلت بلكي راحتلهه ماكو ...حسين رتاج ماكو مختفيه حسين/شنو وين رايحه يعني شلون مختفيه ..فتحت جهازي لكيت رقم متصل عليه هواي من جنت بالاجتماع بس جنت غالقه...علي هذا اكو رقم جوز هي لان انطيته رقمي كتلهه اذا ردتي شي وعلي ماكو اتصلي عليه علي/معناهه اتصل بسرعه حسين/تصلت على الرقم اكثر من مره الجهاز مغلق ..علي مغلق علي/بعصبيه..خرب يعني وين راحت وين وليش حسين/اهدء هسه ندورهه ونلكاهه علي/وين ندورهه صارت الدنيه غروب راح يصير الليل وهي ال١١ الصبح ماكو حسين/اشتغفر الله روحت انت دور عليهه وانا هم اروح وعندي صاحبي يشتغل بمركز المفقودين هسه اخابره هم يدور ويانه علي/ماشي امشي انا وياك ندور وهو هم حسين/رحنه بالسياره مابقه مكان مادورنه بي وكأن فص ملح وذاب وخابرت هذا صديقي هم جاي يدور عليهه بس انا احس كلبي راح يوكف مو بس خايف عليه لا ميت هم ماادري شبيه ليش هيج جاي اصير وياي احس راسي راح ينفجر واعصابي نار وكلبي وكف صار الي وهي ماكو كلبنه بغداد مابقه مكان مادورنه بي وماكو ماالهه اي اثر صارت ب١٠ بالليل وهي ماكو ياربي والله احس راح اموت هاي انا هيج اخوهه شلون خرب لو بس الكاهه لو اعرف شطلعهه علي/كلبنه الدنيه مالكيناهه احس روحي متت انتهيت مااريد شي بس اريد الكاهه سالمه صارت ب١٠ ونص وهي ماكو وصلنه بشارع ظلمه وضيك شفنه بنيه من بعيد ويمهه ولد اثنين مبينين يتحرشون بيهه ...حسين لك شوف هذول الانذال انزل لايسون بالبنيه شي...نزلنه رحنه عليهم ركض.. رتاج/ضليت امشي مابقه احد ماسألته كلش تعبت وجهازي خلص شحنه نوب اريد ارجع للبيت مااكدر ضليت امشي وصلت شارع ضيك واضلم مشيت بي وانا ميته خوف امشي ودموعي اصب وانا امشي اجو ولد ثنين ويطوطحون مو بعقلهم ضلو يذبون حجي ويردون يلمسوني شويه وسمعت صوت علي حسين/تقربنه طلعت رتاج هي البنيه علي كبل صاح بعلو صوته رتاج ..هي كبل التفتت واجه حظنته او لبدت بحظنه وتبجي مبين خايفه وتعبانه انا احس فقدت رحت على ذول الثنين نوب سكرانين ضربتهم ضرب كسرتهم تكسير وعلي حاظن رتاج واسكت بيهه لان مبينه راح تموت من الخوف علي/خلاص رتوجتي اختي الحلوه انا يمج لاتخافين اهدي اهدي ...اسكت برتاج وعيني على حسين اول مره اشوفه هيج يضرب احد احسه برد دمي بيهم حسين/كسرت هذول الثنين من الضرب اخر شي عفتهم راحو درت على رتاج وهي بحظن علي سحبتهه من زندهه من حظنه وظربتهه راشدي... رتاج. علي/.....
هذا بارت مفاجئه مثل ماطلبت وحده من المتابعات واسفه جدا لان مااعرف اسمج❤اتمنه يزيد التفاعل حته انشر اسرع لان التفاعل كلش قليل بالنسبه للمشاهده ليش يعني حبايب تره ميصير عليكم شي اذا كتبتو تعليق ولو كلمه وحده بس 💕💕💕
