حياة اخرى..

بارت7

حسين/سحبت رتاج من زندهه وضربتهه راجدي
علي/حسين
رتاج/😭😭😭
حسين/ليش طلعتي هاا احجي ليش طلعتي وحدج مو انطيتج رقمي ليش ماانتظرتي اخابرج ليش اصرفتي ويحدج شنو الي خلاج اطلعين احجييي...بصياح وعصبيه
رتاج/وهي تبجي وتشهك...لان مااريد مااريد اشوفه اكرهه هي ذبتني مارادتني مااريده انا هم مااريدهه😭😭
علي/امشو نحجي بالسياره ..واحنه بالسياره..شنو رتوجه احجيلي شنو صار
رتاج/ابوك صاحني الصبح كال امشي نرجع امج ونسجلج بالنفوس انا مااريد اروح وياهم لان هم ثنينهم ضحو بيه ومارادوني فخابرت حسين اكثر من مره مغلق فطلعت حته اروح للمستشفى الي تشتغل بيهه ضليت امشي واسأله ومن اتعب اكعد ارتاح لحد هسه
علي/خلاص رتوجه لاتبجين ماصار شي وانا اروح وياج مااخليج ترحين وياهم وحدج
حسين/لا يمعود انا عندي عرف بالنفوس وهي بالبيت يخلصلنه الشغله بس بالبصمه انا اخذهه تبصم وارجعهه بس اريد افتهم انتي غبيه شلون اطلعين بمكان ماتندلين منه شي شنو هالعقل العندج
رتاج/برطمت
حسين/استلم برطمت عمي اسفه اعتذر بس انتي شعلتيني من القلق مو زين مشيتهه براجدي
علي/يلا يمعودين خلي انروح للبيت تعبنه
رتاج/وين ليش للبيت جوعانه
حسين.علي/ههههه
حسين/يمعود خلي نروح المطعم حته انا هم جعت
علي/هاا تاكل ويانه انت هم
حسين/ليش متريد
علي/لا لا يمعود هلا بيك....هاي شنو صدك رتاج راح تغير حسين من جنه صغار لسه مااكل ويه احد ..رحنه للمطعم واجه الاكل طبعا رتاط من تاكل نازكه بس شنو جنهه طفله والله
حسين/ رتاج كاعده كدامي وتاكل بس خرب شلون تاكل بنزاكه نوب هي طفله والعيون حمر ومورمه من البجي خرب شنو هاي من ابنيه راح تخبلني انا ليش هيج جاي اصير وياي
رتاج/رجعنه للبيت رحت سبحت وبدلت وكالعاده نمت علاوي لان اخاف انام وحدي كعدت الصبح ويه علاوي لان اليوم ارجع اداوم بالمدرسه بدلت و نزلنه نتريك جوه شويه ونزل حسين
حسين/رجعنه للبيت نمت وكعدت الصبح بدلت حته اروح للشركه بس مااعرف ليش اول مره هيج اكعد فرحان ومرتاح احس بس اريد انزل حته اشوفهه بس كون الكاهه كاعده نزلت ولكيتهه كاعده تتريك ولابسه ملابس مدرسه...صباح الخير هاي شنو عسوله اليوم بملابس المدرسه
رتاج/بفرح...اي علاوي كمل نقلي وراح ارجع اداوم..بيني وبين نفسي هاي شنو شبي فرحان ونوب اكلي عسوله هاي جديده شو
علي/حسين انا تأخر ع المستشفى وصل رتوجه بطريقك
حسين/اي تدلل يلا كومي
رتاج/ اي روح وانا جايه وراك..شفته مااكل والظاهر هو يوميه يطلع بدون ريوك اصلا من اجيت لسه مايوم شفته اكل ع الوجبه ويانه سويتله لفه واخذتله عصير ورحت للسياره...هاك تريك
حسين/هاي شنو لا مااريد
رتاج/مو بكيفك ماما جانت دائما دكلي الي مايتريك يصير غبي ومايكدر يفكر..وانا احجي دمعت عيوني لان اذكرت ماما
حسين/هاي شنو يمعوده لا لا لاتبجين انطيني اكل وتدللين بس لاتبجين انتي...اخذت اللفه والعصير احس احله ريوك بحياتي وهي كاعده يمي مثل الطفله وصلتهه للمدرسه وانا رحت للشركه خلصت شغلي من وكت خابرت العلي كتله انا اروح اجيبهه رحت وكفت اباب المدرسه ادور عليهه بس هي قزمه ماتبين ضليت واكف شويه واجت تركض خرب هاي مات عداديه روضه هواي عليه
رتاج/هاي شنو ليش انت اجيت
حسين/هاا شنو مامرحب بيه انا
رتاج/لا هيج ..رحنه للبيت ودخلنه لكيناهم يتغدوه
كاظم/هلا يلا تعالو تغدو مازال الاكل جاهز
رتاج/انا رحت بس حسين ولا يمه راد يصعد للغرفه رحتله ركض لزمت ايده اسحبه منه...وين ماسمعت الاكل جاهز مو كتلك اذا متاكل اصير غبيه نوب تخسر الشركه وتروح وينتهي شغلك واضل متسول وشعرك منكوش ولابسك وصخه
حسين/خرب يومج كافي امشي امري لله انتي منين طلعتيلي دخيل الله رحت كعدت على السفره لاول مره بعد الي صار بس كالعاده مرت عمي ماتمشيهه
رغد/والله زين كدرت عليك رتاج تخليك تكعد ويانه بعد ما قتلت......
حسين/ضربت الخاشوكه بالصحن وكمت بعصبيه ....

شكرا الكل شخص صوت وتفاعل❤واتمنه من كل الي يقرون يكتبون رأيهم بالقصه واحداثهه
💕💕💕