حياة اخرى..

بارت11

رتاج/اخذني بطريق ثاني ومابي ناس قليل كلش وصلنه المنطقه بيهه بساتين دخل السياره ابستان اول ماوكفت السياره انا فتحت الباب واخذت جنطتي وضليت اركض بالغابه هو نزل وراي بسرعه وضل يركض وانا اركض واصرخ وصلت للشارع وانا اركض مامنتبهه ماسمع غير صوت الهورن مات السياره
احمد/خلي اعرفكم عن نفسي انا احمد اخو مروه عمري ٢٥ كابتن طائره جنت مسافر واليوم راجع للبيت سمعت عمي جواد لكه بته ومتحمس اشوفهه انا طبعي سبورتي واحب اسولف واضحك وانكت ويوميه ويه بنيه والبنات هم كاتلات نفسهن عليه شكلي طويل معضل بشرتي حنطي عيوني عسلي وعندي لحيه خفيفه وشعري عالي جنت راجع من المطار للبيت ومااحس الا بنيه لابسه ملابس مدرسه وشايله جنطتهه وتركض طلعت فجأ فسايق التكسي مالحك وضربهه صارت الضربه برجليهه يحيث طارت فوك السياره ووكعت بالكاع وره وكفنه نزلت بسرعه شلتهه وخليتهه بالسياره بس سبحان الله مو بنيه كلش جميله ومبينه صغيره بعدهه وجهه طفولي اخذت جنطتهه وضليت ادور بيهه بلكي الكه رقم احد من اهلهه وصدك فتحت دفتر صغيره لكيت بي رقم كاتبه عليه اخي كتبت الرقم بس الغريب طلعلي رقم علي ابن عمي معقوله هاي هي بت عمي بس شلون شجابهه الهنا وليش تركض ضل بالي يجيب ويودي لحد ماوصلنه للمستشفى اجو احذوهه بالسديه ودخلوهه للعمليات خابرت علي...علي لكيت رقمك بدفتر بنيه وهاي البنيه نظربت بالسياره وهسه احنه بالمستشفى
علي/شنووو رتاج لا مستحيل رتوجه..جنت يم حسين واتصل احمد من سمعته شنو حجه فقدت...ولك حسين رتاج رتاج
حسين/شبيهه احجي
علي/ضربتهه سياره.
حسين/من سمعت ضربتهه سياره ماحجيت شي اخذت السويج ورحت ركبت السياره وعلي هم اجه وياي وسقت بسرعه جنونه ٥ دقايق وصلنه للمستشفى احس كلبي راح دخلنه ركض كالو بالعمليات مرت ٣ ساعات ياله طلع الدكتور
علي/هاا دكتور خير طمني
الدكتور/الحمد لله المريضه وضعهه مستقر
علي.حسين.احمد/الحمد لله
الدكتور /بس
حسين/بس شنو دكتور كول
الدكتور/بس رجليهه متأذيه عدهه كسور احنه خلينالهه جبيره بس نسبه ٩٠ بالمية ماتكدر تمشي بعد
احمد/شلون يعني دكتور ليش
الدكتور /البنيه بنيتهه ضعيفه يعني ماتتحمل وحته مناعتهه ضعيفه فتأثرت الاعصاب الي برجليهه من الضربه هسه احنه نقلناهه بغرفه دكدرون ترحون يمهه تقريبا نص ساعه هيج وتصحه بس حاولو لاتعوفوهه وحدهه خاف تنهار من تصحه
علي/ضلينه يمهه كاعدين احمد مصدوم وحسين منهار كعد يم راسهه وساكت بس عيونه اصب اول مره اشوف حسين بهاي الحاله وره وفات اهله صار كلش بارد انا اخو رتاج مو مثله هو كلش تأذه عليهه احمد خابر مروه من اجت وشافت رتاج نايمه ورجليهه خاليلهن جبيره ولافين راسهه شبكتهه وضلت تبجي احس بجيهه كطع كلبي ماجنت متوقع هيج تحبهه
مروه/رتو لا حباب لااسوين هيج والله تعودت عليج لاتعوفيني ولج بدونج البيت فاهي والله انتي طفلتنه 😭😭
علي/كافي مروه ذكري الله مابيه شي كولي الحمد لله عدت على خير
مروه/😭موبيدي والله شلون اتحمل اشوفهه هيج نايمه وهي مثل الطفله اطفر بالبيت
علي/كلهه كم يوم وترجع مثل قبل هاي شبيج لازم اتقوينهه اذا صحت وشافتج تبجين شسوي ...بالكوه هديت مروه ضلينه كلنه كاعدين اجه جدي وعمي وابوي ومرت عمي والكل كاعد يمهه ساكتين بس نبجي
حسين/عسوله عسوله شنو كولي ...خليت ذاني قريب عليهه حته اسمعهه شنو تحجي لان كوه تحجي وبصوت ناصي سمعتهه دكول فطومه ضلت تردد بأسم فطومه لحد ماصحت عرفتهه اختهه لان من طلعنه للمدينه حجتلي عنهه شويه ضل ترجع الوعيهه شويه شويه واجه الدكتور فحصهه وطمنه على صحتهه
رتاج/صحيت لكيت الكل مجتمع ومن صحيت ضلون يبوسون بيه ويتحمدولي السلامه ماادري ليش بس هذا الشي فرحني حسيت بهتمامهم الي وخوفهم عليه بس حين ماحجه شي جان واكف يم راسي ودموعه اصب وساكت حركت ايدي كوه لزمت ايده...حسون ليش تبجي
حسين/...
رتاج/شبيج قابل متت انا
حسين/لا تحجين هيج اسم الله
رتاج/لاتخاف راح اصير زينه واروح وياك المدينة الالعاب متخلص مني
حسين/اخذج وين ماتردين بس صيري زينه
رتاج/😊...علاوي
علي/عيونه
رتاج/شوكت اشيلون هاي الي برجلي
علي/تنهد ...شهر وشيلو
رتاج/هففف بس يلا حته مااتحرك وكلشي اريد اسونه الي هلا هلا
علي/ههه تدللين انتي بس امري...ماردت اسألهه عن الي صار وشلون لان حالتهه مامستقره وخفت عليهه
رتاج/ضليت نايمه ضجت طلبت من حسين ياخذني بالكرسي للحديقه مات المستشفى طلعنه وكعدته نحجي
حسين/عسوله اسأل شي بس اجاوبين الصراحه وبدون خوف
رتاج/لاتسأل راح احجيلك والله راح احجي كلشي ومااجذب بشي
حسين/عفيه بعسوله احجي
رتاج/.....حجيتله كلشي من اول مارحت ويه الخط لحد الحادث
حسين/استغفر الله ماشي يصير خير انا اعلمه امشي عسوله خلي ندخل هسه كافي لاتعبين
رتاج/اخذني للغرفه وسمعت علي يحجي ويه الدكتور  مستحيل انسه الي كاله الدكتور صدمت حياتي حسيت خلاص هالمره صدك فقدت كلشي.....

شكرا الكل الي تفاعلو اتمنه من كل الي يقرون يكتبون رأيهم بالقصه لان الي جاي يتفاعلون قليل كلش واذا بقه التفاعل هيج قليل ماانزل بارتات تره كلمة كملي بس كافي حته اكمل كتابة القصه...💕💕💕