حسين/ضليت ادنه وهي ترجع لحد ماوصلت للجربايه ماكدرت تتوازن ورادت توكع لفيت ايدي على خصرهه وسحبتهه عليه صار وجهه بوجهي وجسمهه يرجف احسهه صخنت والخدود صارن حمر فدوه مات عض وانا صافن بعيونهه طلعت علبه من جيب الستره وخليته بأيدهه.. رتاج/بتوتر...هاي شنو حسين/فتحيهه رتاج/بس عوفني...بهمس حسين/عفتهه رتاج/عافني وانا ارجف فتحت العلبه لكيت بيهه كلاده هذا شكلهه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
من شفتهه بتسمت ورحت حظنته لا اراديا حسين/شافتهه حسيتهه فرحت وعيونهه ضلن يلمعن وطفرت عليه حظنتني خرب شلون حظن ونوب عطرهه يسطر وهي حاظنتني همست...اسف سامحيني والله حالة عصبيه رتاج/من حجه حسيت بعدت وضليت مدنكه والعب بطرف كصيبتي ..هاا اي عادي حسين/شنو عادي سامحتيني يعني رتاج/بهمس...اي حسين/اوووف واخيرا ولج متت بعد لاازعلين عليه رتاج/ههه حسين/هلا هلا نوب طلعت الغمازه اروح انا لاازعلج مره ثانيه رتاج/اوك حسين/بس تعاي البسج الكلاده ..اخذت الكلاده لبسته وانا اشم بعطرهه ارده يملي رئتي موتتني هالطفله هاي شسوت بيه شلت حالي غيرتني صدك كسرت غروري لبستهه ورحت لان اذا ابقه دقيقه بعد مااضمن روحي رحت للغرفه بدلت ومددت وانا احس كلبي مشروح من الفرحه اووف زعلهه هم وانزاح عن كلبي رتاج/فدوه هاي شنو عجبتني اووي حبيتج والله طلع عنده ذوق...لازمه الكلاده وتحجي ويه نفسهه علي/فتحت الباب حته اشوفهه نايمه لو لا ولكيتهه لازمه كلاده وهي بركبتهه وتحجي ويه نفسهه ....ههههه ولج شبيج خبله رتاج/بأبتسامه..طفرت من الجربايه ورحت يمه...شوف شوف شنو جابلي حسين شنو رأيك حلو مو علي/اي حلوه بالعافيه...صدك كسرت غرور حسين حته اعتذار خلته يعتذر هههه رتاج/كعدت العصر وانا مقرره اسوي كيكه ليش ماادري رحت المروه...مروه مروه عفيه امشي وياي للمطبخ مروه/ليش شنو تردين شي رتاج/اريد اسوي كيكه بس دليني على الغراض مااعرف وين مروه/انتي مسويه كيك قبل رتاج/لا هاي اول مره مروه/معناهه انا اسويلج خاف متعرفين رتاج/لا عفيه عفيه انا اريد اشوي مروه/تمام يلا رتاج/بديت اسوي بالكيكه طبعا طلعت الطريقه من النت وماخليت مره اتسوي شي بس الفرن لان كالت خاف تحتركين...اكلج مروه اشو هاي ما ارتفعت مروه/ماادري اول مره اشوف كيكه ماترتفع يلا لااضوجين اهم شي الطعم واكيد راح تطلع طيبه رتاج/اي ...واحنه بالمطبخ نزل حسين حسين/هاي شنو العسوله اليوم بالمطبخ شسوي رتاج/ابفرح...كيكه حسين/هاا حلو معناهه اليوم ارجع من وكت علمود الكيكه مو تاكلوهه قبل لااجي رتاج/اي اي ...ادفع بي واحجي ...يلا معناهه روح بسرعه حته ترجع من وكت...كملت الكيكه بس صارت كلش ضعيفه😁الله يستر من الطعم برشت فوكهه كاكو وزينتهه شويه يعني صار شكلهه ينبلع😁 شويه واجه حسين والعائله كلهه مجتمعه وعلي هم اجه شويت عصير واخذت الكيكه وديتهه يمهه كاظم/هاي شنو رتاج كبرانه صايره طباخه عفيه بحفيدتي جواد/والله شكلهه حلو اكيد الطعم هم حلو مثل رتاج علي/اكيد ليش اكو شي اسوي رتوجه موحلو العم ابو مروه/اشوقت اضوكه والله مرت العم ام مروه/انا هم مادام الحلوه رتوجه سوتهه اكيد حلوه مثله رغد/اي احجو احجو خلي نشوف اذا كدر احد يبلعهه حسين/مو مهم بالنسبه الي من هسه اكول طيبه لان اهم شي التجربه وعسوله هاي اول مره تدخل للمطبخ فأهم شي جربت مروه/يلا عوفو الحجي وخلي ناكلهه كاظم/انطيني السجينه انا اقطع كيكة حفيدتي ...بديت اقطع بيهه بس كوه تتقطع مروه/اباوع جدي كوه يقطع الكيكه قطعهه ووزعت الكل شخص قطعه كاظم/كح كح كح ...جدو حلوه عاشت ايدج بس شويه قويه جواد/بابا رتاج حلو عفيه بس شويه معجنه العم ابو مروه/لااضوجين عمو مثل ماكال حسين اهم شي المحاوله ام مروه/حبيبتي لااضوجين علجايات تصير احله وانا اعلمج بيدي بس هسه تعتبر كلش زينه لان اول مره ولان خلت حسين يكعد يمنه علي/اي والله صدك خلته يكعد ويحجي هم ويانه بس رتوجه لااضوجي اسفه بس هالمره مو هالكد بس اكيد الثانيه راح تكون احله رغد/مو كتلكم هاي الفاهيه وين تعرف اسوي شي هي هاي هم كيكه جنهه بلاستك وييع حسين/عسوله لااضوجين محد نولد يعرف كلشي واذا تردين انا اوديج الاحسن واحد يسوي كيك واخلي يعلمج بعد مروه/لااضوجين رتو ماشي رتاج/برطمت ودمعت عيوني حجيت وانا مخنوكه اريد ابجي ...انا اروح انام باجر عندي دوام ...رحت للغرفه ضليت ابجي بعدين رحت بغرفة مروه لان ضليت انام بغرفة مروه اخاف وحدي وعلي كال احس انام يم مروه نمت كعدت يوم ثاني رحت للمدرسه وهذا الخط نفس الشي يحاول يلمسني بأي طريقه خلص الدوام وانا راجه للبيت بالخط كل يوم اوصلني بالبدايه بس اليوم خلاني اخر وحده مااعرف حسيت بشي غريب نظراته الي كلش غريبه اخذني بطريق ثاني غير طريق بيتنه كلش خفت والطريق مابي ناس قليل كلش.....
شكرا الكل شخص تفاعل وشكرا الكل شخص علق بكلام حلو مثله💕اتمنه من كل الي يقرون يكتبون رأيهم بالقصه ...واسفه لان نزلتهه بوقت متأخر بس مالحكت وهسه سهرت حته انزل بارت ملاحظه/الي تعرف اسوي كيك خلي تكتبلي بالتعليقات لان التجربه الفاشله الرتاج بالكيكه نفس تجربتي 😁😁
