حياة اخرى..

بارت 14

رتاج/ واحنه نمشي بالمول شفت ابوي وامي وفاطمه لااراديا نزلن دموعي حجيت وانا مخنوكه...حسين
حسين/ها عسوله هاي شنو شبيج ليش تبجين
رتاج/وهي تبجي...اهلي
حسين/شنو اهلج شنو بس اهدي وفهميني فدوه
رتاج/حسين كدامي ويحجي وياي احاول يهديني وانا عيني عليهم هم انتبهولي اجت فاطمه تركض
فاطمه/رتاج هاي انتي معقوله ليش هيج شبيج ليش هيج كاعده
الام /رتو بنيتي شنو صاير بيج ليش كاعده على الكرسي
الاب/بابا شنو صاير فهميني مابطلتي هاي عادتج مات البجي
رتاج/وهي تبجي...هسه اذكرتوني لو سألتو عليه ولو لمره جان عرفتو الي صار بس اظاهر ناسيني اصلا ومتونسين حلو
فاطمه/لا رتوجه والله اجينه نشوفج وحته جاي ناخذلج هدايه
رتاج/هدايه هه ضحكتيني لااريدكم ولا اريد هداياكم
حسين انا تعبت اريد ارجع للبيت
حسين/ماشي تدللين ...اخذتهه للسياره وخابرت عليه كتله رايحين وحجيتله الي صار وهي بالسياره ماجت ولا كلمه بس تبجي حته مااعرف شنو اصرف وياهه...عسوله حاول تحاجيهم كل انسان والا ظروفه
رتاج/حسين تخلو عني ذبوني مارادوني ماكلفو نفسهم يحجون وياي ولو لمره وحده بس اي ظروف تحجي عنهه انت
حسين/والله مااعرف شنو اكلج ...وصلنه للبيت وديتهه الغرفتهه...تردين تنامين لو اكعدت على الكرسي تبدلين
رتاج/لا انام
حسين/خليتهه على الجربايه نومتهه وغطيتهه طفيت الضوه وطلعت رحت الغرفتي بدلت ومددت حاول انام بس ماكدرت ضليت لل١٢ كاعد طلعت حته اشرب ماي سمعت صوت حركه بغرفة رتاج رحت كلت خاف محتاجه شي فتحت الباب لكيتهه تريد تكعد على الكرسي ورادت توكع بس انا ركض عليهه ولزمتهه صارت بحظني ...عسوله ليش ماخابرتي عليه اجي اساعدج شنو تردين كولي
رتاج/تعبت
حسين/ادري والله ادري انا وياج لاتخافين مااعوفج لو مهما صار
رتاج/اريد انام براحه
حسين/ تعاي انا انومج ...شلتهه وخليتهه على الجربايه وكعدت يمهه مددت رجلي بس ظهر سانده على الجربايه سحبتهه وخليت راسهه على صدري وضليت العب بشعرهه هي لزمت بدي حيل شويه وحسيت بيهه نامت ماادري ليش بس بقيت يمهه احب قربهه الي احب انام على عطرهه ضليت العب بشعرهه لحد مانمت
رتاج/كعدت لكيت نفسي نايمه بحضن حسين.. حسين حسين هاي شسوي هنا كوم لا يجي علي
حسين/ها اي اي كمت اسف نمت بدون ماادري اساعدج لو تردين ترجعين تنامين
رتاج/بس خليني على الكرسي ...شالني خلاني على الكرسي وراح الغرفته رحت غسلت طلعت من الغرفه ردت انزل لكيت فاطمه كدامي...شسوي هنا
فاطمه/ماترحبين بختج
رتاج/ماعندي اخت
فاطمه/بابا جان مديون وهددو بينه انت لكه اهلج وانا رادو ياخذوني يزوجني واحد بدل الفلوس وبابا وافق وشرطي جان اجي اشوفج ياله اوافق
رتاج/شنو انتي غبيه شلون توافقين وديني الغرفة علي بسرعه
فاطمه /ليش
رتاج/بسرعه...ودتني الغرفة علي...علاوي علاوي عفيه ساعد اهلي
علي/شنو رتوجه بشنو اساعدهم بس كولي تدللين
رتاج/....هاي كل السالفه
علي/سهله وعيونج خلاص خلي يبقون هنا يمنه وانا احل هذا الموضوع يلا تعاي انزلج سلمي عليهم
رتاج/نزلني علي وفاطمه اصلا نزلت قبلي سلمت على اهلي اول ماحظنت امي بجيت وبابا هم حظني وضل يبجي صح هم مو اهلي الحقيقيين بس الاهل الي يربون مو الي يولدون كعدت يمهم وضلينه نحجي ونسولف وانا وفاطمه ومروه كعدنه بالحديقه نسولف ونضحك تونسنه سوه شويه ودخل حسين
حسين/دخلت ولكيت رتاج ومروه وياهن اخت فاطمه بس رتاج مبينه فرحانه عيونهه تلمع ونوب تضحك والغمازه مبينه خرب تموت ....ها عسوله دوم الضحكه
رتاج/حسون كلامك جان صحيح كل شخص عنده ظروفه
حسين/فهمت قصدهه على اهلهه خليت ايدي على شعرهه وخربطته...عفيه ام خدود ههه
رتاج/😒
حسين/هههه...صعدت الغرفتي بس خلاص بعد مااكدر اتحمل لازم اعترف لازم ابين الهه مشاعري اريدهه اريد احضنهه اريد اكلهه حبيبتي اريدهه تكون الي بعد مااتحمل
احمد/دخلت للبيت وشفت رتاج ومروه اختي وياهن بنيه اضحكن واسولفن بس شنو هاي البنيه ضحكتهه تخبل هي كلهه حلوه مو بس ضحكتهه ماادري حسيت اريدهه الي...هلا بالصبايه
رتاج.مروه/هلا بيك
رتاج/اعرفك فاطمه اختي فطوم احمد اخو مروه
احمد /اهلا تشرفت
فاطمه/الي الشرف
مروه/اجتني فكره ليش مانلعب الجرأ والصراحه صرنه ٣ بنات و٣ ولد
رتاج.فاطمه/ايي
مروه/بس رتاج انتي تقنعين حسين لان اكيد ماراح يقبل
رتاج/تمام...خابرت حسين وكوه اقتنع يلعب ويانه مروه واحمد حظرو مكان العبه وجابو اجباس وحلويات صارت الكعده كلش حلوه

اسفه على التأخير بس صدكوني مريضه وماكدرت اكتب وحته هذا البارت كوه كدرت اكتبه...شكرا الكل شخص يعلق وينتظر القصه❤