حياة اخرى..

بارت 2

رتاج/لزم علي ايدي ودخلني للبيت قبل دخلو هذول الزلم الي ماعرفت شصيرون مني اول مادخلنه لكينه البيت متروح شباب وبنات ونسوان وزلم وكأنو جايين ينتضرون احد دخل الرجال الجبير وكال
كاظم/هاي هي حفيدتي رتاج بت جواد
رتاج/يعني هذا جدي وهذا ابوي امده حظي ثنينهم يخوفون راح اعيش بجحيم ليش ماما عفتيني ليش
رغد/اي جواد بعد شتريد رجعتلك بت حبيبت الكلب شعليك راح ادللهه من ريحت الغوالي هااا
كاظم/رغددد ولا حرف
رتاج/شويه واجتلي بنيه مبينه اكبر مني
مروه/هلو انا مروه بت عمج عمري ٢٠ سنه اتمنه نكون صديقات لان اكيد راح تبقين ويانه هنا هاا وعندي اخ اسمه احمد راح تتعرفين عليه بعدين
رتاج/اشرفت انا رتاج عمري ١٦
مروه/اووي فدوه مامبين عليج ١٦
رتاج/اخذتني مره فوك دخلتني بغرفه جبيره وكلش حلوه حلم كل بنيه كلشي بيهه وردي ومرتبه
مروه/شوفي حبي هاي غرفتج كلشي موجود يمج سبحي ارتاحي وغرفتي بصفج اي شي تحتاجي كولي انا من يجهز الغده اصيحج
رتاج/تمام شكرا ...نزلت مروه انا دخلت سبحت ومددت ضليت اكلب بالفون كلش نقهرت من اهلي حته مااتصلوا بس هم ميخالف حته لو همه مايردوني انا اريدهم اتصلت على فاطمه اكثر من مره ماردت دزيتلهه رسائله على النت تقراهن بس ماترد كلش تأذيت ضليت ابجي واشهك وانا اذا بجيت مستحيل احد يكدر اسكتني حته اهلي جانو تعبانين من هذا طبعي
حسن/اول مادخلت للبيت لكيت الكل مجتمع كلي جدي اجت بت عمك جواد انا كلت بداخلي عمي منيله بنيه بس مااهتميت مااحب احجي واخذ واطي عفتهم وصعدت حته ارتاح بغرفتي وصلت للغرفه سمعت صوت من الغرفه الكدامي احد يبجي بس مو بجي يكطع الكلب بجي طفل حارمينه من امه مااعرف ليش بس هذا الصوت ذكرني بروحي والي صار بيه رحت فتحت الباب علكيف ماشفت احد بس يم الميز بالزاويه مبينه بس رجلهه فتحت جهازي على اغنية (امل تألقى ورتقى)كلش هادئ تريح النفسيه اسمعهه من تتعب نفسيتي شغلتهه وخليتهه على الميز ورحت الغرفتي سبحت وبدلت وطلعت ماادري بس احس ضل بالي يم الشخص الي يبجي للعلم ماشفته اصلا حته ماادري ولد لو بنيه صغير لو جبير تقربت للغرفه ماكو صوت فتحت الباب باوعت يم الميز لكيت بنيه نايمه مامبين بس ظهرهه والشعر نازل طويل فاتحته بس مو شعر يخبل رخلت للغرفه امشي على كيفي رحت يمهه مبينه نايمه بس كسرت كلبي نامت ويه تبجي نوب بالكاع مدري شصار بيه تمنيت اواسيهه اصبرهه اعرف شبيهه شلتهه والشعر على وجهه ممبين بس من شلتهه صار وجهه يم صدري بس مو بنيه والله ملاك ونايم نوب طفله وجهه طفولي الى درجه هاي نايمه وهيج اذا فتحت عيونهه شلون شلتهه خليتهه على الجربايه وغطيتهه ماادري ليش بس لااريا خليت ايدي على شعرهه لمسته وبستهه بشعرهه اخذت جهازي وطفيت الضوه وسديت الباب وطلعت رحت الغرفتي نمت لان انا مااكل وياهم ابد...
رتاج/ضليت ابجي واشهك شويه واحس شتغلت اغنيه بالغرفه بس كلش هادئه احسهه ريحت اعصابي  احس نفسي هدئت ونمت فزيت بالليل ماادري شصار طول اليوم الغرفه ضلمه وانا كلش اخاف انام وحدي بالليل مااعرف شفت الساعه ب١٢ بالليل ردت انام ماكدرت خفت رحت الغرفة مروه دكيت بالباب ماكو والباب مقفول عرفت نايمه نزلت جوه ماادري شسوي اخاف انام وحدي مو بيدي رحت للهول ماكو احد رحت للمطبخ ماكو احد باوعت من شباك المطبخ لكيت ولد بالحديقه رحت بسرعه وهمزين لكيته علي..
علي/هاا رتو شعندج هنا ليش مو بغرفتج روحي نامي
رتاج/ردت اكله اخاف انا وحدي بس خجلت نصيت وبرطمت
علي/شنو رتو احجيلي تخافين تنامين وحدج
رتاج/بخجل...اي
علي/ولج وليش خجلانه تره عادي بعدج صغيره مو عيب وبعدج مامتعوده على البيت حقج تعاي نامي يمي اليوم ...اخذتهه من ايدهه للغرفه نومتهه يمي علي الجربايه ضليت العب بشعرهه لحد مانامت مااعرف بس من اشوفهه كلش اتأذه حسيت بوحدته يمكن لان مريت بالي جاي يصير وياهه صح هي اختي من ابوي بس بس ماادري احس انا مسؤل عليهه وكأنو بنتي من شفتهه نامت بعدت ايدي عن شعرهه وانا هم نمت فزيت على صوت حسين خرعني..
حسين/كعدت الصبح رحت الغرفة علي طبعا علي هو الوحيد عندي علاقه بي من العائله علاقتي بي كلش قويه وكأن اخوي مو ابن عمي رحتله للغرفه حته اخذ الحاسبه عندي شغل بيهه بس لكيته نايم ويم نفس البنيه الي شلتهه البارحه ماادري ليش بس كلش ضجت صحت بصوت عاالي ..عليييي
علي/الله واكبر وسم حته سم شبيك
رتاج/ماااااما هاي شنو شنو صار انفجار ماما لحكيني ..سمعت صوت كلش عالي صاح علي كبل طفرت من الخوف طلعت من الغرفه اركض واصيح
حسين/من صحت كبل كعدت مخترعه وطلعت تركض واصيج خرب والله ضحكتني هاي شنو طفله والله
علي/شبيك
حسين/ولك منو هاي نايمه يمك نوب بالبيت شنو السالفه فهمني فوكاهه طلعت اصرخ وتركض شنو السالفه
علي/ولك شبيك هاي اختي الي كلك عليهه جدي البارحه
حسين/هاا بس شعدهه نايمه هنا تره ستوكم دريتو خوان شنو هالحنيه
علي/انجب ولك بس البارحه نزلت بالليل وتخاف تنام وحدهه فخليتهه تنام يمي تره هم حقهه
حسين/هاا يلا انطيني الحاسبه هم ياله الحك اسبح وابدل واطلع...اخذت الحاسبه ورحت للغرفه دخلت اسبح
رتاج/نزلت جوه شافتني مروه اول مانزلت كالتلي اصعد اجيب السله مات الملابس الوصخه من الغرفه الي كدامي رحت دخلت للغرفه مالكيت بيهه احد بس شفت بدله مات عروس على الجربايه بس مبين مديلهه قديم سبعينات مدري ستينات هيج مااعرف ليش بس حبيت اجربهه لبستهه وكلش حبيته عليه وكفت اشوفهه على المرايه ومتونسه بيه كأن طفله وجايبيلهه ملابس جديده شلون تفرحت بيهن وفجأ اسمع صوت وراي...
حسين/هااااااي شنو ...بصياح

شكرا الكل شخص علق على البارت السابق واتمنه يزيد التفاعل وتكتبولي رأيكم بالقصه بالتعليقات حته انزل البارتات اسرع كلما يزيد التفاعل💕💕💕