حياة اخرى..

بارت1

رتاج/خلي احجيلكم عن عائلي او الي جنت اصور هي عائلتي ماما هدى ربت بيت بابا رائد موضف اختي فاطمه اكبر مني عمره ١٨  انا الصغيره بالعائله المدلله وانا طبعي طفولي كلش لهذا يخافون عليه حته للمدرسه مااروح وحدي اذا اختي مداوم حالتنه الماديه يعني ماشيه بابا موضف فعايشين براتبه بس طبعا احنه عايشين بالحله

الام/ولج يلا رتوجه كومي راح تتأخرين على الدوام
رتاج/ماما والله مابيه نعسانه
فاطمه /رتاج راح اموت والله ولج يلا تأخرنه عندي اضافي انا
رتاج/كمت وانااحجي...اهوو هسه انا شعليه اكعد من الصبح من وراج بلا اريد اشوفج من ترحين كليه اذكريني بدبدوب
فاطمه/كومي شكد تحجين
رتاج/كمت بدلت بسرعه اجه الخط ركبنه وطبعا انا كالعاده نمت بالخط من وصلنه كعدتني فاطمه هي راح تدري وانا رحت للصف كملت نومتي😁 بده الدوام وكالعاده ردوس ودوخه خلصنه رجعنه للبيت اول مارجعنه شفنه سيارات هواي كدام البيت الفرع متروح مبينين طاكين او مادخلنه امي فوتتنه جوه بسرعه ومبين عليهه ضايجه شويه وراحو الزلم اجه بابا
فاطمه /هاا بابا شنو منو هذول
رتاج/عزه بابا بس لا مثل المسلسلات وهذول يطلبوك فلوس وهسه اجو لو تنطيهم الفلوس لو يكتلوك
الام/ولج يمه سكتي شويه خلي نفتهم
رتاج/بابا شنو يردون فهمنه
الاب/يردوج
رتاج/😯 شلون يعني
الاب/كعدي بابا خلي احجيلج صار لازم تعرفين كلشي
فاطمه/بابا شنو تحجيلهه مسحيل
رتاج/شنو المستحيل فهموني
الاب/بابا انتي من جنتي صغيره بعدج بالكماط لكيناج اباب الامام الكاظم وسميناج رتاج لان هذا الاسم جان مكتوب على كماطج يعني انتي مو بتنه الحقيقيه وهذول الزلم هم ابوج وجدج وعمامج من لكوج اجو حته ياخذوج
رتاج/وهي تبجي...شنو انتم شنو تحجون مستحيل مستحيل شنو ياخذوني انا بتكم ماراح تنطوني مو بابا انا بنتك رتوجه ماراح تخليهم ياخذوني مو ماما احجي فدوه ماتنطوني مو عفيه ولج فاطمه فطوم سمعي يردون ياخذوني يعني ماعندج اخت صغيره فدوه لاتخلوهم ياخذوني مستحيل اكيد غلطانين انا بتكم انت اهلي لاتعوفوني عفيه 😭😭😭 عفتهم وصعدت للغرفه كعدت بزاويه الغرفه وضميت رجليه الصدري وخليت راسي على رجلي وكعدت ابجي ضليت ابجي لحد مابعد ماحسيت بروحي كعدت لكين نفسي بالجربايه كمت غسلت وجهي ونزلت لكيت الكل كاعد فاطمه وبابا مارايحين للدوام
رتاج/صباح الخير
الكل/صباح النور
الاب/يلا خلصي ريوكج بسرعه حته اتبدلين
رتاج/والله راح نطلع هييي
الاب/مو احنه بس انتي
رتاج/شلون يعني انتم تخافون عليه اطلع وحدي وين اروح
الاب/راح يجون اهلج ياخذوج
رتاج/شنو ياخذوني انتم اهلي شلون هيج تعوفوني شلون مامااحجي شي فدوه
الام/بنتي اهلج عليشين ابغداد وحالتهم زينه يعني هناك ترتاحين اكثر وتعيشين عيشه زينه
رتاج/ليش شبيهه عيشتي هسه ماما السعاده مو بالفلوس انتم اهلي شلون انطاكم كلبكم تتخلون عني بهاي السهوله انا بتكم رتوجه شلون تعوفوني فطوم مو تدرين بيه اخاف انام وحدي شلون تقبلن اروح منو ينام يمي بعد بابا لاتعوفني لاتخليهم ياخذوني عفيه
الاب/بصياح كااافي
رتاج/كعدت بالكاع وابجي واشهك مثل الجاهل الي عايفته امه شويه وسمعت صوت سياره راح ابوي فتحلهم الباب نزل منهه رجال جبير ووياه واحد بكد ابوي تقريبا دخلو للبيت من شافوني ابجي ضلو ساكتين بعدين حجه الرجال الجبير
كاظم(الجد)/يلا بنتي كومي حته نروح للبيت
رتاج/من حجه هيج زدت بالبجي...مااروح هذا بيتي هذول اهلي الله يخليك عوفني انا موبتكم اكيد غلطانين عوفوني فدوه
جواد(اب رتاج الحقيقي)/لا انتي بنتي متأكد يلا كومي حته نروح لاتخافين صدكيني راح تتونسين وتكونين سعيده يلا بابا
رتاج/حجه هيج واجه لزمني من ايدي حته يكومني ضليت ابجي واصرخ...مااااا عوفني مااريد اروح عوفوني ماما لاتعوفيني فدوه مااا اريد اروح مااريد😭😭😭
كاظم/استغفر الله جواد روح صيح ابنك بلكي يعرف يتفاهم وياهه بما انو هي اخته
رتاج/راح بره شويه واجه وياه ولد شاب عمره بالعشرينات مبين طيب وحباب اول مااجه سلم وعينه بعيني بعدين اجه كعد بالكاع كدامي لزم ايدي ويحجي
علي(اخ رتاج الحقيقي)/يلا حبيبتي انا علي اخوج لازم ترحين للبيت ويانه هسه وانا اوعدج وعد شرف شوكت مدكليلي وديني للحله اجيبج واذا مارتاحيتي ارجعج هنا ولاتخافين محد يأذج انا موجود مااعوفج وحدج يلا ورده كومي عفيه الحلوه
رتاج/من حجه وياي هيج مااعرف امنت درت على بابا وكتله...بابا اذا على الفلوس مستعده مااكل وماالبس واشتغل بس خليني ابقه يمكم
الاب/ابرود...روحي ويه اهلج انتي مو بتي
رتاج/من حجه هيج كلش تأذيت حسيت بخيانة اقرب ناس الي حته امي وفاطمه ماحجن وكأن قابلات اروح ماادري اذا جان عناد او زعل بس لزمت ايد علي ورحت ويا حته بتراكي مابدلت طلعنه صعدنه بالسياره ردت اصعد وره
علي/لا كعدي كدام يمي خاف ماتردين ادكعدين يم ابوي وجدي
رتاج/صعدت كدام الطريق كله انا ابجي واشهك بصوت عالي
جواد/كاافي شنو جاهله شجاج مادكليلي قابل راح نذبحج احنه
علي/بابا علكيفك مو هيج حقهه تره
جواد/استغفر الله
رتاج/خليت ايدي على حلكي وضليت ابجي حته مااطلع صوت
علي/اباوعلهه شلون خلت ايدهه على حلكهه وتبجي كسرت كلبي والله بعده طفله الي صار الهه هواي عليهه شلون راح تتحمل بس لا انا راح اصير مو بس اخوهه راح اكون ابوهه واخوهه وامهه راح اكون الهه كلشي خسرته
رتاج/طول الطريق انا ابجي حته ماشفت شي من الطريق لحدما وكفت السياره كدام بيت بس مو بيت قصر كلش جبير ضليت صافنه لحد مااجه علي فتح الباب ولزم ايدي ونزلني وضل لازم ايدي ودخلني للبيت

شنو تتوقعون راح يصير الرتاج؟ وشنو ضامتلهه الحياة بهذا القصر؟ وليش اهله ذبوهه من جانت طفله..؟؟

اتمنه تتفاعلون وتكتبون رأيكم بالقصه وكلما يكون التفاعل اقوه انزل اسرع 💕💕