علي/دكتور مستعد اسفرهه الاي بلد بس كون اطيب الدكتور/اسفه بس حالة اختك ماالهه علاج راح اضل طول عمرهه مقعده رتاج/من سمعت الي كاله الدكتور مااعرف شنو صار بيه انصدمت درت على حسين حجيت بصوت مخنوك....صدك حسين/.... رتاج/جذب مو هذا الحجي مو عليه مو كول مو عليه عفيه حباب حسين/عسوله هدئي راح اطيبين معليج انا مستعد اخذج الاخر العالم حته ترجعين تمشين رتاج/وهي تبجي...بس هو هو يكول مستحيل ماكو امل بعد ماامشي حسين/مانيأس صدكيني لابد مانلكه علاج بس انتي كوني قويه لاتنهارين رتاج/ضليت ابجي واشهك حسين/تحجي وهي مخنوكه اخر شي ضلت تبجي وتشهك احس دموعهه مثل السجاجين بكلبي حضنتهه وضليت اطبطب على ظهرهه وامسح على شعرهه واهدء بيهه هي دفنت راسهه بصدري ولازمه قميصي حيل وتبجي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حسين/اش اش راح اطيبين صدكني انا وياج مااعوفج وعد شو شو خلي اشوف عيونج...بعدتهه ضليت امسح دموعهه واحجي...يمه يمه شوف العيون شلون صارن حمر خلاص الخاطري سكتي لاتبجين عفيه الحلوه رتاج/مسحت دموعي دخلني حسين للغرفه شالني على خلاني على السرير نمت بدون مااحجي شي حسين/نامت وانا طلعت احس الدم صعد براسي الا اندمه على النذل على سوايته والله لاكرهه بعيشته ركبت السياره ورحت بوجهي البيتهم فتحلي الباب هو سحلتهه من ياخته ونزلت بي ضرب السايق/هاي ليش شنو صاير شبيك حسين/لك نذل تريد تلمس شرف بت عمي والله الا اندمك مالكيت غيرهه ولك شخلصك مني بعد..شبعته ضرب كسرته تكسير وجهه صار خارطه سحلته من الكاع خليته بالجنطه مات السياره عدنه بستان وبيت مابي احد ولايروحله احد اخذته هنا ربطته وقفلت عليه البيبان ورجعت للمستشفى علي/هاي شنو حسين شصاير ليش قميصك هيج بي دم حسين/شويه اريد احجي وياك علي/شنو احجي هنا حسين/لا خلي نطلع خليهه نايمه علي/ماشي حسين/....حجيتله الي كالته رتاج والي سويته انا علي/شنوو لا يانذل انا اله الا اكرهه بعيشته والله حسين/لا علي انا ماقصرت وياه ردت اروح اشتكي عليه بس خفت على رتاج اصير كلمه بحلوك الناس علي/هاا اي والله صحيح زين هسه شنسوي والله احس دمي فار مااكدر اعوفه حسين/علي صدكني سويت الازم واكثر واصلا هسه حابسه اخلي كم يوم يتأدب واعوفه علي/حسين شنو تعوفه لاتخبلني ولك بسبيه اختي بعد ماتكدر تمشي تعرف يعني شنو اختي هاي اختي ولك حسين/اعرف والله اعرف بس هسه لازم نهتم برتاج اهم منه هو اخذ الي يستاهله بس رتاج هسه محتاجتنه لازم نبقه وياهه ونساعدهه علي/اووف ماشي امري لله بس والله اذا شفته موته على ايدي حسين/صلي على محمد ابو حسين شنو السالفه هذا انت العاقل عود علي/اكول الدكتور كال اخذوهه للبيت اذا اضل للمستشفى تتعب نفسيتهه اكثر حسين/ماشي انا اروح اكمل اجرائات الخروج وانت روح جهزهه حته نطلع علي/حسين راح وانا رحت للغرفه...رتوجه رتوجه يلا كعدي خلي نروح للبيت رتاج/تمام ...شالني علي خلاني على الكرسي ونطاني الملابس ووداني للصحيات علي/اساعدج رتاج/لا علي/براحتج رتاج/راح علي وانا اريد اغير ملابسي مااكدر صعب مامتعوده رجلي مجبره ومااحس بيهن ضليت ابجي وكوه بدلت ...علي علي خلصت علي/هاا رتوجه شبيج ليش عيونج حمر اكو شي يأذيج احجي رتاج/لا خلي نروح بسرعه ..اخذني للسياره شالني وكعدني وره هو كعد بالصدر واجه حسين رحنه للبيت وطول الطريق الكل ساكت وصلنه شالني علي وخلاني على الكرسي اول مادخلت الكل اجه يتحمدلي السلامه جدي والي المفروض ابوي وام مروه وابو مروه ومروه بس رغد واكفه على جهه وتباوعلي ومبتسمه وكأن فرحانه بالي صار الي و اكو ولد مااعرفه احمد/الحمد لله على السلامه بنت العم رتاج/الله يسلمك احمد/اكيد ماعرفتيني مو انا احمد اخو مروه......وهيج تعارفنه بس اريد افتهم ليش جنتي تركضين رتاج/من سألني دمعن عيوني حسين/يلا احنه نترخص تعبانين ورتاج هم لازم ترتاح مروه/اي حظرتلهه غرفه جوه اخذوهه الهه رتاج/لاا اريد ابقه بغرفتي علي/لا رتوجه جوه احسن ترتاحين اكثر رتاج/لا عفيه مااريد اريد ابقه بغرفتي علي/ماشي براحتج رتاج/شالني علي صعدني للغرفه وحسين صعد الكرسي خلاني علي على الجربايه علي/بس اروح ابدل واجيج مااتأخر رتاج/لا روح ارتاح انا راح انا علي/ماشي براحتج...ماردت اضغط عليهه مخليهه براحتهه مااريد احسسهه صارت عاجزه رتاج/علي وحسين راحو الغرفهم وانا ضليت متمدده على الجربايه احس نفسي مخنوكه اريد اصرخ اريد ابجي ضليت ابجي وانا على الجربايه حسيت بوحده غريبه احساس الوحده والعجز صعب مستحيل احد يتحمله ضليت ابجي وخاله ايدي على حلكي لاول مره ماردت احد يسمعني وانا ابجي مااريد احد يحس بعجزي وضعفي شويه وانفتح الباب ودخل حسين حسين/لا لا هاي شنو ليش ليش شنو تريد بس كليلي وانا اجيبلج كلشي تريدين بس مااريد هاي العيون الحلوه تبجي رتاج/حسوون حسين/عيونه شنو احجي رتاج/تعبت😭😭 حسين/ادري والله ادري بس شسوين هذا امر رب العالمين ولازم نرضه بالي قسمه النه وانتي بنيه حبابه وقويه مااريدج اضعيفن لازم تكونين قويه حته توكفين على رجليج مثل الاول واحسن وهسه يلا نامي ارتاحي رتاج/مااكدر😭 حسين/تعاي تعاي...رحت كعدت على طرف الجربايه وخليت راسهه على رجلي وضليت العب بشعرهه واحجي...يلا غمضي وبس سمعي راح احجيلج قصه رتاج/مم حسين/كان في ماكان جان اكو طفل عمره ١٠ سنوات...من كلت هيج لزمت ايدي وانا ضليت العب بشعرهه بأيدي الثانيه...هذا الطفل بيوم من الايام ماتت امه ومات ابو نفس اليوم حس بالضعف والعجز هو طفل حس انو فقد كلشي اكتأب وضعف ونهار حبس نفسه بغرفته مايحاجي احد ولا يقبل يحاجي احد وبيوم من الايام دخل عليه للغرفه ابن عمه جان من اقرب الناس الا حاجا خله عنده حافز حته يوكف على رجلي قرر هذا الطفل يكون قويه ومايخلي شي يكسره درست وكمل حياته وشتغل وصار شخص ناجح ومعروف بس بيوم دخلت الحياته طفله اووف شسوت بي شلت حاله ضل يحس انو م...باوعتلهه لكيتهه نايمه خليت راسهه على المخده وغطيتهه طفيت الضوه وطلعت ...اووف همزين نامت جان اعترف هاي شبيك حسين سيطر على نفسك شنو هاي رحت الغرفت علي وشفته .....
شكرا الكل شخص تابع القصه وتفاعل واتمنه يكون التفاعل اقوه💕💕💕
