حياة اخرى..

بارت16

حسين/فريت السياره ورجعت للبيت طاير من الفرحه اول مادخلت ضليت اصيح من الباب..عسوله عسولتي وينج ..صعدت الغرفتهه لكيتهه نايمه ...عسوله كومي كافي نوم ولج كومي يلا
رتاج/وهي نايمه...شنو شكو
حسين/كومي عسوله كومي عندي الج خبر اخبل
رتاج/شنوو
حسين/صديقي الي بأمريكا خابرني اكو امل ترجعين تمشين
رتاج/شلون
حسين/عمليه
رتاج/شكد نسبة نجاح العمليه
حسين/هاا
رتاج/مااريد اروح
حسين/عسوله انتي شتحجين ليش متروحين
رتاج/العمليه مو اكيد تنجح يعني ممكن تكون روحتي بدون فائده مجرد تعب وخساره اصلا ممكن يصير وضعي اسوء
حسين/عسوله لاتحجين هيج ليش هيج دكولين راح ترحين وتتعالجين وتنحج العمليه وترجعين تمشين صدكيني وراح نكون سوه الخاطري روحي مو ماقبلتي على حبي لان ماتمشين خلاص ماالج حجه بعد روحي تعالجين وانا هم اروح وياج
رتاج/خليني وحدي اريد انام بعدني نعسانه
حسين/اووف ماشي فكري براحتج وعلى كيفج...طلعت كلش ضايج صح العلاج مامضمون بس ميصير هيج اسوي ضجت من رد فعلهه توقعت تفرح رحت العلي للمستشفى..
رتاج/طلع حسين وانا ماادري شنو اسوي اريد اتعالج بس ماكو علاج مضمون مااريد انصدم مره ثانيه لان اذا رحت ومانجح العلاج مستحيل اكدر اتحمل بعد تعبت من التفكير رجعت نمت

حسين/علي.....حجيتله كلشي
علي/شنو صدك تحجي انت والله مستعد اخذهه الاخر العالم حته لو مو اكيد العلاج ناجح
حسين/بس هي ماتقبل
علي/وهي بكيفهه يعني مثلا
حسين/والله ياريت تقنعهه لان انا حاول ماكدرت ومااريد نجبرهه
علي/خلاص يمعود تدلل انت لاتشيل هم انا اقنعهه
حسين/ياريت والله...مرت ٣ ايام ورتاج مااقتنعت تسافر معانده انا وعلي والكل حاول وياهه بس هي ماكو قافله ...علاوي اكدر احجي وياك وحدنه
علي/اي اكيد امشي نروح الغرفتي
رتاج/مرت ٣ ايام وانا احس ايست من الحياة مااريد اسافر عندي احساس العمليه راح تفشل ليش ماادري بس اكو شي بداخلي يكول راح يصير شي موزين اذا رحت جنت كاعده بالغرفة على الكرسي ضايجه قررت اروح الغرفة علي حته اكله ينزلني يم مروه وفاطمه وصلت للغرفه وانصدمت من الي سمعته..
حسين/علي خلاص انا قررت ناخذ رتاج غصبا عليهه تقبل ماتقبل مو مهم اهم شي صحتهه
علي/بس حسون انت تعرف وضع الشركه هسه بحاجتك واذا سافرت انت ويانه احتمال تنهار الشركه
حسين/الشركه ماتهمني
علي/حسين اصرف بعقلانيه رجائا الشركه على حافة الافلاس وانت الوحيد الي تكدر تنقذ المشروح اذا رحت ويانه راح يفشل المشروع وتفلس الشركه
حسين/مايهمني مايهمني كلشي مايهمني غير رتاج حته لو تفلس الشركه مااهتم اهم شي رتاج تتعالج
رتاج/من سمعت هيج حسيت راح اخرب كلشي بعنادي قررت اتحمل فشل العمليه دكيت باب الغرفه
علي/منو
رتاج/انا رتاج
علي/رحت فتحت الباب..هاا رتوجه شنو محتاجه شي
رتاج/لا بس اجيت اكلكم انا قررت اسافر اتعالج
حسين/والله عفيه عليج عسوله جنت ادري ماراح تخيبيني عفيه الحلوه اي هيج من البدايه
رتاج/بس عندي شرط
علي/موافقين على كلشي بس انتي سافري
رتاج/تروح وياي بس انت ومروه
حسين/شلون يعني
رتاج/يعني نروح بس انا وعلي ومروه محد يروح ويانه
حسين/عسوله انتي شتحجين
رتاج/اذا ماتوافقون مااسافر
علي/خلاص هاي هيه باجر الصبح احجز ونسافر
رتاج/تمام انا اروح الغرفتي هسه
حسين/علي شلون هيج وافقت
علي/خلاص حسين هذا الصح انت لازم تبقه وسمعتهه مخبله هاي
حسين/ماشي ...طلعت بعصبيه ورحت العرفة رتاج دخلت وركعت الباب جانت كاعده على الكرسي كدام الشباك رحت يمهه كعدت على ركبي كدامهه صرت بمستواهه حجيت بعتب...ليش ليش هيج اتعذبيني رفضتي حبي وطلعتي حجتج بمرضج وهسه من لكيت العلاج ماتقبلين اكون وياج ليش هيج تحبين عذابي
رتاج/كلامه مثل السجاجين بكلبي بس اكيد راح يسامحني من يعرف ليش هيج سويت ....الصبح علي راح حجز وبالليل طيارتنه حسين ماشفته بعد حظرت غراضي وفاطنه ساعدتني هي وامي او امهه طبعا يحظرت بغراضي وبجن وانا وياهن ومروه وعلي هم حظرو الجنط والعصر طلعنه عيني ودعنه الكل والكل يودعني وبجي واكثر شي جدي ماجنت متوقعه هالكد يحبني حته احمد ضل يبجي بس مرت ابوي تتفرج علينه اكثر شي اذاني ماشفت حسين زعلان مني الا درجه حته ماودعني ركبنه بالسياره وانا عيني على الطريق اتمنه بس المحه وصلنه للمطار وهي ماكو كملنه الاجرائات وجه الوكت الي لازم نصعد بي للطياره حسيت خلاص انتهه كلشي بعد ماراح اشوفه اكثر شي اذاني هو الاحساس الي يكلي بعد ماراح اكدر ارجع والي اكدلي انو خلاص خلشي انتهه نداء الطياره الاخير وكأن النداء الاخير النهاية حياتي.....

شكرا الكل شخص يتابع القصه واتمنه تتفاعلون ويزيد التفاعل
💕💕