حياة اخرى..

بارت 18

علي/حسين ولد صاحبي خطب رتاج مني وهو خوش ولد ومانحصل احسن منه انا ناوي اوافق انت شدكول
حسين/شنوو انت تحجي صدك علي لا وجاي تاخذ رأي هم شلون معقوله معقوله هيج مامبين عليه هااا احجي وياك مامبين عليه شكد احب رتاج واريدهه احجي
علي/ههههههاي
حسين/هاي شنو ليش تضحك
علي/والله صدك رتوجه كسرت غرورك
حسين/شنوو
علي/جذب ولك ماكو احد خطبهه
حسين/شنوو وليش هيج سويت ولك
علي/لان جنت حاس بيك وردت اتأكد بس ولك نذل شلون اتخلي علينك على اختي هاا ولك
حسين/لا علاوي لاتفهمني غلط والله رايدهه بالحلال بس متانيهه شويه تكبر وناوي اخطبهه منك
علي/هيج هيج يااخوي طلعت مو كد الخوه تطعن اخوك وتخلي عينك على اخته
حسين/انت شتحجي علاوي ماتعرفني انا شنو وروح امي رايدهه بالحلال و
علي/لا تكمل خويه اشاقه وياك انا اعرفك شنو وماالكه امن منك على رتاج ادري بيك راح ادللهه وادير بالك عليهه اكثر مني
حسين/وداعتك اعز من روحي رتاج
علي/ههه والله وحبيت طفله ولك هاي اذا اخذتهه اطيح حظك بطفولتهه
حسين/ايي ادري راح تشلع كلبي بس شسوي مو بيد الحب اعمه
علي/هههه
حسين/فرحت من عرفت علي مامعارض حبي الرتاج بس شلون راح اخليهه هي تقبل ادري بيهه تحبني هم بس مااعرف ليش هيج معانده اووف شسوي الهاي الطفله ...نزلت اريد اطلع لكيتهه كاعده بالمرجوحه بالحديقه ولابسه تراك وردي برموده وشعرهه شايلته مدري شلون والهتفونات بذانهه تقربت منهه اسمعهه تغني وصوتهه عذاب اصلا منظرهه كلهه عذاب
رتاج/يهنيالي ويهنيالي حبيبي يمي هنيالي
حسين/صرت وراهه وخرت السماعات وهمست بذانهه....انا تمنيت بكلبي بيت واعيشك بالكلب مالي..هي دارت وابتسمتلي خرب نوب طلعت الغمازه لااراديا خليت شفتي على خدهه وبستهه بخفه وبعدت صارت عيني على رجليهه طالعات بيض اخبلن والبرموده ضيكه مفصله على جسمهه تخبلت احس ماضل عندي عقل شلون هيج تفتر كدام احمد صحت بيهه...شنو هاللبس الخره لو مالابسه شي احسن روحي بدلي لااشكه عليج
رتاج/باسني برقه احس كلبي يريد يطلع من مكانه من الفرح وبعد بس شفته تغير منظره صار يخوف عيونه حمر وعروق رقيته برزت وصاح بيه انا من الخوف ضليت جامده بمكاني مصدومه
حسين/بصياح...احجي ويه الحايط انا كوووومي
رتاج/نزلن دموعي ورحت الغرفتي ركض ضليت ابجي صدك خفت منه منظره كلش اخوف وبنفس الوقت ضجت لان هيج صيح عليه ضليت ابجي لحد مانمت
حسين/رحت للشركه بس احس روحي طالعه مقهور عليهه لان صيحت عليهه خافت وبجت وبنفس الوكت ضايج من لبسه اغار مو بيدي مااريد احد يشوفهه بهيج لبس اووف هاي من هسه شالعه كلبي من تصير الي رسمي شلون والله جنهه راح اطيح حظ حظك حسين راح اضل كل عمرك تراضي بيهه ...خلص دوامي وانا راجع للبيت وكفت يم اسواق اخذتلهه علاكه حلويات واجباس وكلشي ترست العلاكه الهه كلشي تحبه وصلت للبيت سألت عليهه كالو من طلعت مانزلت عرفتهه زعلانه صعدت للغرفه لكيته نايمه...عسوله عسوله يلا كومي كعدي شنو هالنوم كافي
رتاج/مممم
حسين/ههه ولج كومي شوف الساعه يكولون من طلعت مانازله شنو هاي يلا كعدي
رتاج/مااا
حسين/دنكت عليهه وبستهه بخدهه بخفه هي كبل طفرت
رتاج/شنو هاي اطلع بره منو سمحلك تدخل وهيج اسوي
حسين/انا مسموحلي كلشي اسوي
رتاج/تخصرت...هلووو وبصفتك منو بلا
حسين/لفيت ايدي على خصره وسحبته الصدري صارت كلش قريبه عليه وعيونهه بعيوني وانفاسنه ختلطت...بصفتي حبيبج
رتاج/لا والله وخر عني ومنو كال انا احبك عوفني
حسين/شوفي عسوله ادري زعلانه على الصبح بس انتي الي وحدي ومستحيل اتكونين الغيري ومستحيل اقبل احد يشوفج هيج فهذا البس منا ورايح مااريد احد اشوفج بي مفهوم وهاج هاي العلاكه لان صيحت عليج الصبح
رتاج/شنو هاي ..يسسس عود شكرا بس لبسي مااغيره
حسين /وهو يصك اسنونه...استغفر الله اعنادج بطلي تره مايفيد وياي لاتخليني اغير اسلوبي وياج افتهمتي....وعفتهه ورحت الغرفتي كلشي ضوجتني بعنادهه يربي شلون اصرف وياهه هاي ماجاي تفهم انو انا احبه واريده الي بس انا واغار عليه هههه والله ياحسين تريد هاي الطفله تفهم حبك الهه صدك بطران ..نمت كعدت العصر طلعو ماشفتنن رجعت بالليل كلهه نايمه ماتحملت انام بدون مااشوفهه رحت الغرفتهه فتحت الباب علكيف لكيتهه نايمه ولامه رجليهه ومامتغطيه خرب حظي حته بهاي طفله شلون بيهه هاي رحت يمهه شفتهه عركانه وترجف لزمتهه مصخنه تخبلت غطيتهه ورحت جبت كمادات وكعدت يمهه على الجربايه واخليلهه كمادات كالت بهمس مثل الي تهذي بردانه كسرت كلبي ماادري ليش بس حسيت هي شكد وحيده حته ماعدهه ام تعتني بيهه مددت بصفهه وحظنتهه بت روحي لو بيدي ادخلهه بكلبي ضليت العب بشعرهه لحد مانمت
رتاج/حسين كلش ضوجني بحيث ضليت طول اليوم بغرفتي ماادري ليش هيج يعاملني ادري هو يحبني وانا هم معجبه بي بس مااعرف خايفه واخاف اتعلق بي بعدين يعوفني نمت بس احس نفسي تعبانه ومصخنه شويه ماهتميت اصلا ضجت لان حته محد صعد وسأل عليه وهاي الي مسويه روحه امي حته ماتدري بيه وين نمت بس بالليل حسيت احد يمي همست بردانه حسيت احد نام يمي وحظني عرفته حسيت من عطره امنت بحظنه ورجعت نمت كعدت الصبح بحظن حسين وهو نايم وشعره كفشهه كلش عجبني منظره سحبت جهازي علكيفي من جيبه واخذت سلفي بعدين كمت جبت حمره ورسمت على وجهه 😁 وفلتت جوه يمهم حته لا يعيط عليه نزلت لكيت الكل كاعد يترك رحت كعدت يم جدي ...صباح الخير ..مروه كومي انا اريد اكعد هنا
مروه /ليش كل يوم ادكعدين يم علي
رتاج/اريد هنا اليوم
مروه/وانا
رتاج/روحي يم علي
مروه/لا كلمن مكانه
رتاج/حبابه حبابه بس اليوم
مروه/زين ليش
رتاج/هيج اريد اكعد يم جدي ميصير
مروه /لا يمعوده يصير تفضلي
الجد/هله هله ب بزر الكعده
رتاج/😊😊
علي/طبعا مسويتلج سالفه وتردين اتفلتين منهه فعترفي شنو
رتاج/منو انا لا كلشي ممسويه ابد
علي/اييي صدكت ههههه
حسين/كعدت لكيت نفسي بفراش رتاج اذكرت شلون نمت وهي بحظني ابتسمت من الفرح نزلت كبل اتريك يمهم حته ماغسلت وجعي اريد بس اشوفهه
رتاج/شويه ونزل حسين طبعا الكل ستغرب لان هو ميكعد ويه العائله نزل والشعر كفشه والرسم على وجهه منظره كلش اضحك الكل انصدم من شافو وضلو كاتمين ضحكتهم بس علي فضحنه
علي/هههههه هاي شنو ولك منو مسوي بيك هيج
احمد/صدك ولك هاي شصاير ماشفت روحك هههه
حسين/شكو شبيكم شصاير
علي/روح شوف وجهك بالمرايه
حسين/رحت وشفت وجهي عرفتهه سوالف رتاج صحت...ولج رتااااج هاي شمسويه اليوم وين تفلتين
علي/هههه شوفو مو كتلكم مسويه سالفه
حسين/غسلت وجهي ورحتلهه....تعاي ولج هاي ليش انا اعلمج
رتاج/جدو جدو ضمني يمك
حسين/اي مو انتي لعبه حته يضمج محد يخلصج مني اليوم
رتاج/ضليت اركض بالبيت وهو يركض وراي
حسين/توكفين احسن تره اذا لزمتج تتندمين
رتاج/ماااا شتريد مني معليه انا
الكل/هههههه
علي/كافي ولكم شنو جهال
الجد/خليهم والله هالرتاج غيرت جو البيت واهل البيت
احمد/اي والله حسبالك جايبين طفله عمرهه خمس سنين هههه
رتاج/انا اركض وحسين وراي لحد مانظربت برجال ماعرفته وجان بيده عصير انكب على ملابسه
الرجل/بصياح....انتي عمي مشوفين شنو جهال شنو هالسوالف اتركضون بالبيت
رتاج/وانت منو بلا ...بطفوله
الرجل/مامؤدبه الظاهر انتي بس انا اربيج ....وضربهه راجدي
رتاج/برطمت ودرت على حسين ونزلن دموعي.....