حياة اخرى..

بارت 15

رتاج/حظرو الكعده بالحديقه وكعدنه انا وكدامي حسين وفاطمه كدامهه احمد ومروه كدامهه علي
مروه/ممم يلا منو يبدي يفر البطل
احمد/انا...فريته واتمنه يطلع على فاطمه بس حظي مصخم طلعلي علي😒...اي استاذ علي جرأة لو صراحه
علي/صراحه
احمد/حاليا اكو احد بكلبك 😉
علي/ههه خرب يومك اي الصراحه اكو ...حجيت وعيني على مروه
مروه/علي يجي وعينه عليه من كال اي ماادري شصار بيه شويه وابجي بس مااعرف نظرته طمنتني وفرحتني ماادري شنو جان شعوري
علي/هسه دوري فاطمه شنو سويتي من اجت رتاج يمنه
فاطمه/ضليت اسبوع بس ابجي وبدون اكل
رتاج/شبكتهه...حبيبتي
احمد/اووف بيه ولا بيج
الكل/شنوو
احمد/هااا لا هيج مو وياكم
علي/تره مفضوح خالي😉😉
احمد/هاا بشنو شنو قصدك شكو
حسين/هههه شبيك وكل كمت ماتعرف تحجي
فاطمه/ماادري ليش ضجت لان هيج حرجو حاولت اساعده فحجيت...مم دوري هسه مو...رتاج شنو امنيتج حاليا
رتاج/دمعت عيوني...ارجع مثل قبل..من حجيت هيج الجو تغير والكل بين عليه الحزن وحسين باوعني بنظره انطتني قوه وكأن يكلي لاتضعفين...مم يلا دوري....مروه جرأة لو صراحه
مروه/جرأة
رتاج/ممم حلو معناهه كومي كفشي علي
مروه/هااا ولج
رتاج/يلاا
علي/خرب صدك فرحت لان راح تلمسني بس لو كايله حظني احسن😁...اباوع مروه صارت طماطيه واجت بسرعه كفشتني ورجعت المكانهه فديت الايد 😁
مروه/هسه دوري حسين جرأة لو صراحه
حسين/جرأة
مروه/ادنيت يم رتاج وهمست اجه وقت الانتقام ...حسين دكوم هسه تشيل رتاج ورتاج تحاوط ركبتك بأيدهه وادور الحديقه بيهه وترجع
رتاج/وهي اصك على اسنونه وتخزر مروه...مررروه
مروه/يلا😁
حسين/قحط ميت طلب مثل هالطلب
علي/هااا ولك
حسين/لااا قصدي رتاج خفيفه مو زين ماكالت اشيلك
علي/ههه...احس حسين معجب برتاج وهالشي مفرحني ماادري ليش بس مستحيل الكه احد امن رتاج ويا مثل حسين مرات احسه يخاف عليهه اكثر مني
حسين/شلتهه وهي حاوطت ركبتي بأيديهه بس عطرهه سطرني احس دخت اريد ادفن وجهي بركبتهه واملي رئتي من عطرهه بس ذول موجودين خرب يومهم ضليت امشي وانا شايلهه وهي عيونهه بعيوني صرت بعيد عنهم شويه عيني بعينهه همست...احبج
رتاج/هااا ههه لاتشاقه حسون شبيك
حسين/مااشاقه والله احبج
رتاج/من كال احبج ماادري شصار بيه فرحت بس ضجت بنفس الوقت ماادري ليش كتله...حب شفقه مو
حسين/اششش شنو هالحجي ولج لا غلطانه انا احبج لان رتاج مايهمني شبيج حبيتج من اول ما شفتج خلاص هسه راح نصير يمهه بعدين نحجي ...رجعنه يمهم كعدتهه وانا هم كعدت بس احسهه بغير عالم وانا صافن عليهه ماادري ليش هيج تفكر جرحتني من كالت حب شفقه
رتاج/انا تعبت اريد انام انتم كملو
مروه/لا اذا تعبتي حته احنه نكوم..فطوم اليوم تنامين يمي مو
فاطمه /اي عادي ورتاج انتي تنامين يمنه هاا
رتاج/لا اريد انا وحدي بغرفتي
فاطمه/استغربت اول مره رتاج تريد تنام وحدهه لان اصلا تخاف حسيت بيهه شي بس عفتهه لان ادري ماراح تحجيلي باجر اتفاهم وياهه عود
رتاج/صعدني علي خلاني بفراشي ور واحمد وحسين هم راحو الغرفهم ومروه وفاطمه راحن بغرفة مروه متمدده على السرير وصافنه بالسكف واحس الباب نفتح حسبالي فاطمه درت وجهي طلع حسين...هااا حسين هاي شسوي شتريد
حسين/لحظه لحظه هاي شبيج اريد احاجيج...رحت كعدت يمهه ..شوفي عسوله سمعيني ولاتقاطعيني رجاء ..بيوم جنت جاي من الدوام صعدت اريد ادخل الغرفتي بس سمعت صوت بجي مثل بجي الطفل  من الغرفه الي كدام غرفتي ماادري شنو صار بيه احس كلبي اذاني شغلت اغنيه دائما ترتاح نفسيتي من اسمعهه وفتحت الباب علكيف وخليت الجهاز وطلعت رجعت حته اخذ الجهاز شفت يم الميز بنيه نايمه بالكاع تقربت لكيتهه غافيه ماشفت وجهه شلتهه صار راسهه يم صدري وشفت وجهه بس لو ماشايفه احسن احس خلاص تملكتني من ذيج اللحظه اخذت كلبي صار الهه ضليت يوم عن يوم حبي يزيد الهاي الملاك الكلشي بيهه الطفولتهه البرائتهه
رتاج/بس هاي الملاك فقدت رجليهه
حسين/شسوي برجليهه وهي ملاك يعني عدهه جناحات
رتاج/حسون اسف
حسين/اشش لاتكملن ولاتحاولين مستحيل اعوفج لو اعوف حبج انا احبج وانتي الي فاهمه فلااتعبين نفسج وهسه يلا ياشطوره نامي
رتاج/بخجل..وديني الغرفة مروه
حسين/تخاف تنامين وحدج مو
رتاج/نصيت بخجل
حسين/وليش اوديج بغرفة مروه بلا انا انومج
رتاج/لا لا
حسين/بكيفج هو يعني ...مددت بصفهه وتغطيت خليت ايدي على عيوني...يلا نامي ولاخافين ماالمسج نامي براحه
رتاج/مااعرف ليش مااعترض يمكن لان وجوده يحسسني بالامان ماادري اذا احبه او لا بس مااريده يحب وحده صارت معاقه  ...شفته نام لزمته من البدي ونمت كعدت مالكيته يمي
حسين/كعدت الصبح وملاكي بحظني نايمه والشعر على وجهه احله منظر شفته بحياتي بعدت الشعر عن وجهه وبستهه بخدهه وغطيتهه ورحت الغرفتي بدلت وركبت السياره وانا بالطريق للشركه اتصل عليه صديقي الي بأمريكا وكلي خبر يمكن هذا اسعد خبر سمعته بحياتي ماادري شنو صار بيه من الفرحه فريت السياره ورجعت للبيت ...

اسفه على التأخير بس صارت عندي ظروف وماكدرت انشر ...شكرا الكل شخص يتابع القصه وينتظر البارتات واسفه على التأخير بس موبأيدي
💕💕💕