حياة اخرى..

بارت ١٩

رتاج/برطمت درت على حسين ونزلن دموعي..
حسين/حسيته ضربني بكلبي مو ضرب رتاج نوب هي برطمت ودارت عليه وبجت احس كلبي تكطع لزمت وجهه بأيدي امسح دموعه واحجي ..اشش اشش خلاص لاتبجي...درت على عمي.. عمي شلون هيج تضربه وليش
العم /لان مامؤدبه واضربهه واكسر راسهه هم وانت مالك حق تدخل
حسين /قسما بالله بعد الي يأذي رتاج بكلمه يلكاني بوجهه لو هسه ابوهه مو عمي ماااشي سمعتوني كلكم..بصياح
العم /وانت شنو بلا بصفتك شنو هيج دكول وشدعوه هالاهتمام الزايده هذا
حسين/بصفتهه راح تصير مرتي وام جهال ..درت على جدي وابو رتاج...جدي وعمي انا اريد اطلب ايد رتاج على سنة الله ورسوله وانا تعرفوني بعد ماكو داعي احجي لو اسألون ورتاج احبهه ومستحيل احد احبهه مثلي اتمنه توافقون لان مستحيل اخذ غير رتاج لو اخلي غيري ياخذهه
الجد/ههه ولك جاي تهدد جاي تخطب انت
ابو رتاج/عمي موافق موافق ليش اكو احد يكدر يرفض طلب الحسون
علي/ايي حسون واخيرا ارتاحيت مبروك مبروك
حسين/الله يبارك بيك بس بعدني ماارتاحيت
علي/هاا شتريد بعد ولك
حسين/اريدهه بغرفتي...وغمزت الرتاج
علي/ههههه
رتاج/من حجو هيج ماادري خجلت وضجت بنفس الوكت لان وافقو بدون مياخذون رأي انا مو مااريد حسين لا اصلا احبه بس فكرة البيت والمسؤوليه تخوفني عفتهم ورحت الغرفتي
حسين/حسيت برتاج ضاجت وخجلت ماادري ليش هاي البنيه راح تخبلني ماجاي افهمهه تريدني لو لا صعدت وراهه للغرفه..عسوله اكدر احجي وياج لو مشغوله
رتاج/لا عادي ماعندي شي
حسين/عسوله سؤال واتمنه اجاوبين بصراحه
رتاج/اوك
حسين/انتي ترديني يعني تحبيني لو لا
رتاج/.....
حسين/عسوله احجي محد يغصبج على شي حته لو احبج مااقبل اخذج غصب
رتاج/اي بس..
حسين/بس شنو...حسيتهه متوتره وخايفه وتفرك بأيديهه هاي هسه هيج بيوم العرس شصير بيهه هالطفله هاي...لزمت ايدهه ...عسوله انا حسين حسون مستحيل اذيج بشي لتخافين من شي بالعكس راح نتونس سوه نطلع ونسافر ونشتري كلشي تردي واعلمج سياقه راح اعيشج مثل الاميرات وعد
رتاج/بس مو لازم اطبخ وانظف واحظر ملابسك واكعدك الصبح للدوام
حسين/هههههه وانتي خايف من هذن خرب يومج يمعوده حته خدامه اجيبلج واذا ماتردين خدامه انا اشتغل عنج وانا اكعدج الصبح واجيبلج الريوك للفراش بعد
رتاج/😊
حسين /هههه فدوه الهل الخدود خرب حظي اذا مرتي هيج بتي شلون ..يلا هسه كومي بدلي مو حسبالج اتغلسين عن الدوام
رتاج/رحت للدوام من رجعت لكيت البيت هوسه والكل مخبوصين ..مروه مروه تعاي هاي شكو شصاير
مروه/ههه حبيبتي غير اليوم خطوبتج
رتاج/شنوو ومنو كلكم اشو انا ماادري شنو هاي
مروه/حسين هو الي كال اليوم
رتاج/شنوو ...رحت ركض الغرفة حسين فتحت الباب واحجي بعصبيه....حسين هاي شنو ليش كلهه تدري اليوم الخطوبه وانا الي المفروض اول وحده اعرف ماادري
حسين/فدوه للمعصب اروح انا لتعصبين حبيت اسويهه مفاجئة
رتاج/مفاجئه شنو هسه بلا شنو راح البس وشعري شلون اسوي هواي اشياء لازم احظرهه شنو تريد يكولون لان ماعدهه ام طلعت محلوه
حسين/من كالت ماعدهه ام حسيتهه ضربتني بكلبي....اششش شنو هالحجي كتلج مادام انا موجوده ماراح تحتاجين شي وراح اتكونين احسن وحده بالكل وكلشي حاظر انتي هسه روحي اكليلج لكمه وروحي نامي ارتاحه ب٣ يكعدون وشوفين شلون محظر الج كلشي تمام
رتاج/تمام
حسين/فدوه العسولتي
رتاج/رحت نمت شويه واحس هوسه فوك راسي فتحت عيوني لكيت بنات ووياهن مروه بالغرفه ..هاي شنو مروه شكو
مروه/كومي حبيبتي هذن البنات اجن حته يجهزنج حسب طلب حسين
رتاج/مروه دتحجي واندك الباب ودخل حسين وبيده هاي البدله

من مااعرف شنو شعوري بس كلش فرحت طفرت من الجربايه ورحت حظنت حسين ...شكرا شكرا شكرا
حسين/ههههه اروح فدوه الهل فرحه يلا جهزي نفسج مابقه شي ع الخطوبه
رتاج/بخجل ...تمام..طلع حسين وانا بدن البنات يجهزني من كملن حته انا نصدمت طالعه غير شكل
مروه/فدوه ولج طالعه تخبلين حقه حسين يتخبل عليج..يلا خلي ننزل
رتاج/نزلت والكل نصدم من شكلي وكلهه ضلت اصلي على محمد وعماتي يبوسن بيه وفطوم وماما هم جايات ماما ضل خطيه ضلت تبوس بيه وتبجي ...ماما كافي حبابه راح ابجي ويخرب المكياج
ام فاطمه/حبيبتي خلاص سكتت
رتاج/سوو حفله بسيطه وعقدلنه الشيخ وجه حسين
حسين/دخلت شفت ملاك كاعد مو رتاج لعابه وكاعده مات كرط رحت بستهه براسهه وكعدت يمهه ادنيت عاليهه وحجيت... شايفه الكمر طالعه احله منه بميت قاط لو بيدي اضمج من عيون الناس كلهه ومااخلي احد يشوفج اخاف عليج من عيونهم
رتاج/بتسمت ونصيت..شويه وكالت عمه تروح نكعد وحدنه شويه انا احس كلبي صار دمام اخذونه للغرفه اول ماطبيت حسيت حسين قبل الباب وحظني من وره وخله وجهه بركبتي ضل يشم بيهه...بخجل...حسين
حسين/حياته وعيونه خليني اشبع منج تره كوه جنت لازم نفسي ميت والله...حسيت عطرهه ملة رئتي بعدت وزمتهه من ايدهه كعدنه على الجربايه سحبتهه وخليت راسهه على صدري وحظنتهه هي مثل الجهال حاوطت خصري ضليت العب بشعرهه واحجي...وعد اخليج اسعد انسانه ومااخلي دموعج ينزلن ومااخلي شي يخوفج لو يضوجج وعد مايفرقني عنج بس الموت
رتاج/اسم الله لتحجي هيج
حسين/هههه فدوه للي تخاف عليه ..لزمت وجهه بأيدي وبس شفتهه بخفه وبست خدودهه وخشمهه ورجعت خليت شفتي على شفتهه وفجأ سمعت صوت...
.../هذا الزواج مستحيل يتم شنو انتم حته ازوجوهه بدون علمي....

كن لطيفا مع الكل فالبعض يعاني من وجع الحياة وانت لاتعلم.