حياة اخرى..

بارت5

رتاج/ركضت بدون وعي مااعرف ليش بس خفت اي خفت راح يكتلوني طلعت من البيت اركض هم من سمعو الصوت مات الكلاص هم طلعو شافوني اركض ركض علي وراي
علي/رتاج بس اوكف لحظه خلي افهمج بس اوكفي وهي تركض اجه حسين يتمشه صحت عليه...حسين الزمهه لتخليهه تروح وهم زين انتبه ولزمهه
حسين/هاي شنو شبيج شصاير وين رايحه وليش تبجين
رتاج/عوفني عفيه يردوني يموتوني عوفني😭😭
حسين/ولج بابا اهدي شنو يموتوج وين كاعدين
رتاج/والله هم يردون يموتوني عفيه خليني اروح
علي/رتاج هاي شبيج بس خلي افهمج
رتاج/شنو تفهمني شنو اصلا انت اكبر جذاب ولي مااريدك انت مو اخوي بعد ولي اكرهك اكرهه😭
علي/رتوجه بس لحظه خلي افهمج ليش هيج اسوين
رتاج/ادري تردون تكتلوني تردون تموتوني عوفوني اريد اروح حسين عوفني عفيه😭😭
حسين/شنو السالفه احد يفهمني شكو
علي/بس خلي ندخل للبيت قابل نحجي بالشارع
حسين/رتاج الخاطري بحمايتي انتي والله بس خلي ندخل خلي افتهم شكو..دخلنه وحجولي قصتهه لان انا جنت بوكت الي هي نولد ونعرف زواج عمي امر بأصعب اوقات حياتي فماادري بس من حجولي نصدمت كلش قهرتني شلون راح تتحمل كل هذا
حسين/انتم شنو مو بشر شلون اسوون هيج لا فوكاهه تردون تكتلوهه وانت ياعلي مو اخوهه والحنون شلون هيج مدكلهه شلون هيج تعيشوهه بوهم حرام عليكم انتم شنو من بشر اذا ماتردونهه ليش جبتوهه هاا احجو ليش ساكتين
العم/اي منريدهه لان هي عار
حسين/تمام ماتردونه مو ماشي والله مستعد اخذه ونروح ولك حرمتوهه من عائلته كلبتو حياتهه تاليهه دكولون عار هي شنو ذنبهه الخطأ خطأكم خطأ عمي جواد المصون اي مااجرأ يوكف كبال جدي ويكله اريد ازوج وخطأ امهه الي ماتحملت نتيجة قراراتهه هيج شنو ذنبهه احجو شنو خلاص امشي رتاج انا اعيشج انا اصير ابوج واخوج وامج والله مااخلي شي ينقصج
رتاج/....
علي/حسين انت شدتحجي
حسين/الي سمعته اذا انت اخوهه ماتكدر تتحمل مسأوليتهه انا اكدر رتاج احجي ترحين وياي
رتاج/😭😭
علي/شنو تروح وياك حسين اتريد تحرمني من الشخص الوحيد الي حسسني عندي عأئله مثلي مثل غيري ولك هاي اختي تعرف يعني شنو ولك احس الدنيه ضحكتلي من لكيته من اشوفهه تتحرك كدامي مو كافي ابوي ماحاس بوجوده وامي محروم منهه ليش تريد تحرمني من اخر شخص بقه الي
حسين/مو انا الي اريد احرمك انت الي ضحيت بيهه انت لو صدك تريدهه جان ماخليت عمك ينطق كلمة عار عليه ولك شوفوهه طفله والله طفله ليش هيج اسوون بيه شنو ذتبهه بس فهموني
رتاج/خلاااااص كااافي كافي😭😭😭اكرهكم كلكم اكرهكم اكرهك انت لان ابوي وضحيت بيه اكرهك انت لام جدي وماقبلت تعترف بيه اكرهك انت لان دكلي عار وانت حسين كافي مااريد تشفق عليه مااريد  اكره امي لان ولدتني اكره رةحي اكره حياتي😭😭ياعلي ماراح اكدر اكرهك لان انت الوحيد الي حسسني بالسعاده ولو لايام وراح تبقه اخوي بس ليش ليش جذبت عليه 😭😭
علي/ماردتج تتأذين والله رتوجه ماتصورين شكد معزتج عندي مااتحمل اشوف دموعج مااتحمل اشوفج متأذيه على انسانه هي ضحت بيج
الجد كاظم/خلاص انا قررت اعترف ب رتاج حفيدتي ومن باجر جواد تروح ترجع ام رتاج كزوجه الك حته انسجل رتاج بنفوس العائله
العم/بس بويه
كاظم/كااافي رتاج حفيدتي وانظلمت هواي بسبب قراراتي وانا راح اعوضهه ان شاء الله عن كلشي
علي/من كال جدي هيج حظنت رتاج وهي خطيه ضلت بس تبجي وحسين طلع بدون اي كلمه الصراحه كبر بعيني اي هو هذا حسون ابن عمي اتمنه رتاج اترجعه النه   ..يلا رتوجه الحلوه روحي غسلي ونامي
رتاج/بس
علي/تمام نتظريني شويه واجي انام
رتاج/صعدت سبحت حته اهدء لان اعصابي كلش تعبت وبدلت ورحت انتظر علي اباب غرفته بس ماادري ضليت افكر بحسين والي سواه وياي وفوكاهه كتله اكرهك اووف شكد غبيه المفروض اشكره اووف ..ضليت انتظر علي بس ماكو تعبت من الانتظار واريد انام كعدت اباب الغرفه انتظر ..

اتصال...
علي./الو حسين اريد منك معروف
حسين/تأمر شرايد بس كول
علي/اتنام يم رتاج
حسين/شنووو
علي/مو هي كلش تخاف تنام وحده وانا خابروني المستشفى لازم اروح ومااكدر ارجع وماكو غيرك أمن بي
حسين/بس
علي/حسين انا لو ماواثق بيك مااطلب منك ولوما مجبور مااخليك بهيج موقف صدكني حته مروه ابيت خالتهه وماكو احد امن بي
حسين/اتنهدت...تمام تدلل ...سديت الخط وطلعت لكيتهه كاعده اباب غرفت علي...رتاج شسوين هنا
رتاج/انتظر علي كال اجي بس اتأخر
حسين/كومي نامي خابرو المستشفى ماراح يكدر يجي
رتاج/شنو بس شلون انام
حسين/لاتخافين انا اناميمج هو خابرني وكلي نام يمهه
رتاج/تمام
حسين/يلا كومي ..صدك طفله حته ماخافت مني او فكرت غير تفكير ماشايف هيج بشر بهاي البرائه رحنه للغرفه هي نامت على الجربايه وانا جبت فراش فرشتي يم جربايتهه بالكاع شويه ومدت راسهه صار وجهه بوجهي وشعرهه نازل خرب شنو هاي ملاك والله
رتاج/اكول عادي اسأل شي
حسين/شنو
رتاج/علاوي وين امه ليش هيج كال مساع
حسين/ماادري اذا الي حق اكلج بس امه هم طلكهه ابوج
رتاج/ووويع هذا شنو كليوم مطلك وحده
حسين/هذا ابوج ميصير هيج تحجين
رتاج/لا مو ابوي انا من يوم الي تخله عني بابا رائد وامي صرت ماعندي لا اب ولا ام زين وانت
حسين/انا شنو
رتاج/اهلك وين
حسين/تنهدت بحسره والم اووف هيجت الامي بسؤالهه خليت صبعي على كصتهه ودفعت وجهه ...كافي لغوه نامي ..خليت ايدي على عيوني بس ماكدرت انام من التفكير كالعاده اصلا صالي من عمر ١٠ سنوات مانايم براحه حسيت بيهه نامت بس شويه وكامت انا ماتحركت سويت نفسي نايم  اشو هاي اجت سحبت ايدي مدتهه ونامت عليهه وضمت راسهه بحظني وتكرفصت همست ...شبيج
رتاج/خايفه شفت حلم يخوف
حسين/شنو شفتي
رتاج/شفت هذا عمك موتني
حسين/خليت ايدي على شعرهه العب بي حته تهدء واحجي...خلاص خلاص لاتخافين انا هنا نامي
رتاج/لاتروح
حسين/تمام تمام مااروح نامي..شويه حسيت نفسهه نتظم عرفتهه نامت اووف ليش هيج اصير وياهه والله بعدهه صغيره على هذا الحزن ايي حسين هاي انت اطمنهه حته لاخاف من الكوابس بس انت منو يطمنك منكوابيسك..ضليت افكر لحد مانمت بس اول مره انام بهيج راحه بعدالي صار وياي كعدت الصبح لكيتههنايمه بحظني واناحاظنهه بس مو بنيه ملاك طفل ونايم من شفتهه نايمه بحظني بتسمت لااراديا بعدت من جواهه شويه شويه حته لاتفز وبقيتهه نايمه بالكاع خفت اشيلهه للجربايه وتكعد غطيتهه وماادري ليش بس بستهه بشعرهه  ردت اطلع لكيت على الميز اوراق ملاحظات اخذت وحده وكتبت بيهه (لازم اروح هسه عندي شغل مو دكولين عفتني ورحت بالليل لا تره ب٧ الصبح ياله كمت وهذا رقمي اذا احتاجيتي شي وعلي ماجاي اتصلي بيه)ولزكت الورقه على كصتهه وطلعت رحت بدلت ورحت للشغل
رتاج/كعدت مالكيت حسين رحت اغسل لكيت وركه على كصتي قريته ماادري بس ابتسم حفظت رقم حسين بجهازي بقه يس رقم علي صدك من يجي اكله ينطيني رقمه شويه وصاحوني
جواد/رتاج رتاج يلا بابا نزلي خلي نروح على امج حته ارجعهه واسجلج بالنفوس
رتاج/.....

شكرا للي علقو وكتبو رأيهم بالقصه ❤واتمنه من كل الي يقرون القصه ستفاعلون لان التفاعل كلش قليل وهيج ميصير لي واهس انشر واذا ضل التفاعل قليل انشر كل اسبوع بارت بعد
💕💕💕