دار الأيتام

البارت 6

#الكاتبة_نبأ
#دار_الايتام
||||||||||||||||
واني اركص شفت سامر منتجي على الحايط ويباوع على شهد
أكلها بعيونه
ضليت اركص بحركات خفيفه ورحت باتجاه الديجي
وطفيته
شهد: لج هاي ليششش
سجى: مو اكو ناس انسحرت بجمالج اخاف عليهم يصرفون نظر ..جنت احجي واباوع ع سامر
شكله افتهم ألي حجيته راد يطلع
شهد: مراح تكلي تصبحين ع خير مثل كل يوم
دار عليها شفته ابتسم
سامر: تصبحين ع خير وسعادة
تركنه وراح
رحت بلهفه كعدت يم شهد ع الجربايه ضربتها بفخذها خفيف
..لج انتي عندج شكم موهبه اشو رسمج حلو ركصج حلو بعد شراح تصخمين
شهد: والله ما اعرف
انتبهت عدها شوارب وحواجبها مخربطه
باوعت ع الساعه
سجى:ما طول بعد وكت خلي احفلك جبار
شهد: شنـِو احفلك؟ما اعرف
سجى: ي حقج حقج ما تشني ع هل بيئه يعني تشيل الشعر الي بوجهج منا وهيج مدارس عيني
شهد: وشلون هسه
...انتضري هسه اجي
رحت جبت من غرفتي خيط وشمع
شهد: شنوووو هاي
سجى:معليج يمه هسه اخلص وشوفي وجهج بس ها اتحملي ترا يوجع
كمت كل ما اخذ خيط تكمز لحد ما تعودت ومشت وياي
سويتلها شمع عزا وهيه منا بشرتها تجنن دخيلك ربي
لحد ما خلصت طلعت تخبل وجه فوك ما حلو زاد جمال
سجى: روحي باوعلي على روحج بالمرايا
راحت شهكت وحطت ايدها ع حلكها
شهد: اجنن
سجى: باجر اجيت شيره اسوي رجلج وايدج عيني
شهد: الله يستر منج يمكن اذا أضل ع ايدج أنجلينا جولي ما تلحكني
سجى: ههههههه يلا حياتي نامي اني حروح تصبحين ع خير
طلعت ردت ادخل لغرفتي بس رحت لغرفه سامر
فتحت الباب نايم حرامات ردت اسولف وياه
رحت لغرفتي ونمت

سامر
من شفت هل غضب تركص كدامي دين ماضل براسي
صحيح جنت اركص وياها حسّيت ع نفسي اريد أتقرب الها وتراجعت للحايط تعوذت من الشيطان شسوي شكلها يجذب
سرحان بيها وبتمايل جسمها بت اللذين تكطع والشعر للخصر وعسلي
ع غفلة طفت الاغنية وصحيت ع نفسي
سجى ضربتلي بسمار هل خبله
ردت اطلع تفاجأت من شهد كالت ما كلتلي تصبحين ع خير بس بنفس الوكت فرحت ما اعرف ليش شعور غريب
طلعت منهم
ضلت ببالي ونمت
ثاني يوم
كعدت متكسر وعبالك مفجورة عبوة بوجهي
نزلت حتى بدون ما اغسل وجهي
لكيت امي تسوي ريوك وبابا طالع للشغل
عفاف: شبيك يمه كالب وجهك
سامر: شمدريني كعدت مدري شبيه مغثوث بلا سبب
عفاف: عادي الظاهر مشابع نوم
سامر: والله ما... انربط لساني
نزلت مبدله والوجه شهل جمال هل بنيه يوم عن يوم تزيد حسن
ما عرفت احجي وعيوني صارت تتابعها شلون تمشي
تحجي وياي وصافن بوجهه
شهد: هييييي هلاوووو الو الو وين
سامر: هااا
شهد: ووجع وين صافن
سامر: غير على اميرتي قابل وين صافن
شهد: هاااا شنو
هزيت راسي وصحيت ع نفسي
سامر: هيج هيج بس شمسويه بنفسج
شهد: ما مسويه شي بس البارحه سجى حفتلي
سامر: اكلج يمه هاي وينها ووين هل سوالف
عفاف: خليها يمه من حقها همين بنيه ومراهقه حالها حال اختك
سامر: سويتيها مراهقه وبكد سجى طفله يمه طفله
عفاف: بس حجيها وعقلها اكبر من عمرها لعلمك صحيح مصار الها أسبوع عدنه بس اكتشفت بيها هواي اشياء
قاطعت حديثنه دخول سجى مبدله مبينه تريد تطلع
عفاف: يمه على وين ناويه
سجى: لازم اروح اقدم على كليه راح تبدي الجامعات تداوم واني بعدني
سامر: ي انتي نحجي من السادس بمعدل 97 راح تقدمين صيدله مو
سجى: ي صيدله عيني صيدله
سامر: موفقه واني هم هل سنه اتخرج
باوعت لشهد تباوع لسجى شكلها ما داخله قبل مدرسه
سامر: وانتي يحلوة ليش ما تسجلين مدرسه
شهد: اني واصله صف ثالث وبطلت بوكتها ماما جيهان ما قبلت اكمل علمود الشغل
سامر: راح اقدملج على سادس خارجي وتمتحنين بس راح تفوتج سنه
شهد: يعنننننني راااااح اداوووووم
سامر: ييي لعد شناقصج
شهد: يااااي شكراااااا عمو
اجت حضنتني حضنتها عفويه مال طفل
سجى: يي علمود نلعب اني وياج جولة ونشتري غراض للمدرسه
شهد: شًكرا سجاوي فرحتوني
سمعنه صوت سياره برا
سجى: يلا حروح اجت لجين صديقتي
عفاف: موفقه حبيبتي
تريكنه وخلصت
بدلت حتى اطلع للشركه
نزلت شفت شهد تشتغل وي امي
سامر: يمه لا تتعبين شهد صيحي الخدامه تشتغل وياج
عفاف: هيه لحت علي والخدامه تنظف بالباب
سامر: شهد عوفي الي بيدج بعدج صغيره
شهد: شنو على راسي ريشه عاجبني اشتغل وي خالتو عندك مانع
سامر: يي عندي مانع ايديج الحلوه تخرب حبيبتي
ما اعرف شلون طلعت مني زلت لسان مو وكتها
هاي بقت صافنه بوجهي وامي تباوعلي بنظرات استغراب
سامر: يمعودين زلت لسان سبحانه الي ما يغلط
عفاف: يلا يمه توكل ابوك وحده بالشركة
كمت من مكاني قبل لا اطلع التفت عليها
سامر: شهد تحتاجين شي
شهد: لا سلامتك بحفظ الله
عجبني كلامها ابتسمت وطلعت
وصلت هناك ولكيت المغثه سرى
امشي وتباوعلي ما اهتميت الها
دخلت لمكتبي دا اشوف السجلات
اجت دكت الباب ودخلت
سامر: منو سمحلج تجين
سرى: عفيه لا تصعبها علي ونبي من حٍٍِْــبي الك سويت هيج
سامر: لا تكعدين تبررين بله اني الي يحبني ما يأذي ناسي الاحبهم وهسه تفضلي بلا مطرود
سرى: والله اخاف منها تاخذك مني وسويت هيج
سامر:ههه اخر تفكيري احبج اني وأفكر اخذج بس انتي احلامج واسعه
سرى:بس
قاطعتها بزمخه وكمت على حيلي
سامر: كتلجججججج اطلعي براا
وجهه ضل يكلب ألوان
عافتني وراحت ما اتحملها اكرها
خلصت شغلي قفلت الشركة وطلعت
رحت للكراج ركبت سيارتي
شفتها واكفه بالشمس ومدنكه راسها
فتت من يمها
سامر: شعندج واكفه هنا ما تنقلعين
سرى: شسوي السائق تاخر ودا انتظره احتمال ما يجي
سامر: متحاربين ع اخوج ايمن يجيج
سرى: ما يكدر يجي خابرته يكلي اني يم أصدقائي حباب وصلني وياك
سامر: صعدي بس لا تعتبريها حباً بيج لا بس غيرتي ما تسمح اعوف بت عمي هنا
سرى: تروحلك بت عمك وعشيرتي فدوة الك
استغفر الله نرفزتني
مشينه الدرب بطوله ساكتين وصلنه نص الطريق
سرى: انت هسه زعلان مني
سامر: باعي سرى اني ما تشيل بقلبي ع احد بس الي سويتيه غلط واني مسامح الكل وبقت يمج بعد
سرى: فدوة لقلبك حبيبي
وكفت السياره
سامر: شكم مره كتلج اني مو حبيبج ولا احبج بس هو مو صوجج صوج الي ينطيج مجال
سرى: خلص اسفه مو قصدي
وصلتها لبيتهم ومناك اشتريت حلويات لشهد رجعت لبيتنه
تلكتني شهد بالاحضان
شهد:الله يساعدك عمو
سامر: كواج الله شهدو هاج هاي الج
شهد: ليش تتعب نفسك وتجيب
سامر: قابل شجايب هسه وتعبج راحه
شهد: شكرا لاهتمامك عمو
سامر: يلا ليش واكفين هنا خل نفوت
لكيت امي صابتلي غده
سامر: الله يساعدج ام سامر
عفاف: هلا وليدي يكويك الله حبيبي
سامر: بابا ما رجع سجى وين
عفاف: ابوك عد بيت عمك وسجى اجت ذبت روحها جفت ونامت
سامر: خطيه ههههه حروح أبدل واجي
بدلت ونزلت تغديت وغسلت
رحت كعدت بالصاله يم شهد تباوع ع التلفزيون
اجت امي ومبين عدها كلام
عفاف: يمه شهد روحي لغرفتج عندي موضوع وي سامر
شهد: اوك
سامر: خير يمه شكو؟
عفاف: سامر يمه انت كبرت واني كبرت وأريد افرح بيك
سامر: احنه كم مره عدنه هل موضوع كتلج ما مفكر بالزواج ابد وأريد اتخرج
عفاف: اخطبلك ولمن تتخرج اتزوج قابل بعيده هيه
سامر:ما يهم ما اريد اني
عفاف: لا تريد وبت عمك سرى حاضره وتحبك
سامر: سرررررى!!!!

\\\\\\\\\\\\\\\\\\\\|
يتبع......
عذروني ع التأخير ♥️ عندي ظروف
ع كد فراغي انزل الكم عندي مسؤوليات هوايه
قدروني
احبكم