دار الأيتام

بارت 16

#الكاتبة_نبأ
#دار_الايتام
...........................
*سامر*
مرت ثلاث ايّام
واحنه بالمستشفى
بتاريخ 2015/2/19
كاعدين على احر من الجمر
جنت كاعد على الكراسي
وراي صارت غرفه العمليات
جانت تسوي عمليه استئصال ورم السل الرئوي
وره ساعه تقريباً
انخبصت الدنيا بالمستشفى
الدكتور منا والممرضين منا يتراكضون
انخبصت وياهم وأصيح شكو
طلعو شهد بالسديه
وراحو على الانعاش
انعاش!!
اباوع على غرفه الانعاش من الشباك
جانو يسوون الها نتلات كهربائية
سمعت صوت نبضات القلب
وكف!!
اندار علينه الدكتور
نزل راسه
اعتذر من عدنه وحجه حجايه النهايه
..البقيه بحياتكم
ما تمالكت أعصابي
رحت عليها ملهوف
أهز بيها وابجي وأصيح بحركة
چن طفل ينده امه من الموت
راحت شهد وراحت وياها بهجتي وفرحتي
....................................
مرت سنه وشهرين
جنت اروح كل يوم أزورها ابقه يمها نهار كامل وارجع تالي الليل
اجرت شقه بالنجف
وهيج صارت قريبه عليه
جنت اروح يمها كأنما كاعده يمي
عايش بأوهامي بعالمي الخاص
مرات افرش فراشي وآبات يمها
ما اعوفها ابد
صار الشيب براسي وبعدني بعمر العشرينات
نسيت اهلي وأصدقائي
صرت شبه ميت
قطعتي السودة الي على جسمي ما نزعتها
عيوني دوم جانو مدمعات
لحيتي الي صارت لحيه رجل بالسبعين من عمره
ميت على قيد الحياة
صرت ادخن واخلص باكيت باليوم
جنت عايش على فلوسي الي تجيني من بيتي الايجار بالبصرة
اخابر اهلي بين كل شهرين لو اكثر
فد يوم خابروني
جنت كاعد يمها واسولف
دك علي ابويه
..سامر ابني حبيبي ترة مشتاقين لشوفتك تعال هنا يومين ما يصير هيج صار فوك السنه مشايفيك امك تعبانه والنَّاس تسال عليك وبيبيتك فخريه توها جايه من الهند مسويه عمليه تعال مر علينه يمعود اني ابوك بنفسه
سامر: الله كريم يابه هسه لخاطرك جاي اني
..ابني حبيبي هلا بيك راح اكولهم حتى يفرحون
بست قبرها وودعتها
جنت مسويلها غرفه وصابغها وردي واضوية بيها وحتى قبرها كلش حلو وبيه عطر يجنن
كمت من مكاني واني التفت عليها وأودع
سامر: حبيبتي ما أطول عليج ساعات وراجع بعد روحه لسامر
رحت بسيارتي
وصلت البصرة
دخلت منطقتنه ووكفت بالباب
أتذكرت اخر مره اجيت هنا من شيعنه جنازتها
اوف ما أريد اتذكر
باوعت للبيت مغيرينه ومرمميه
دكيت الباب
وطلع ابويه
حضني حيل ويبجي وياي
ثائر: هلا بروح ابوك هلا فوت بويه فوت
اجت امي تركض
حضنتني ودخلتني بالطرمه
بجت حيل جان مبين بمعالمها الحزن والشوك
عفاف: يمه وليدي شصاير بيك سودة عليه امداني يمه امداني
سامر: ماما لا تكولين هيج كافي الضيم الي عليه
باوعت للبيت ما اتحملت
معقوله كلهم طلعولي بس انتي شهد
وينج!
احجي بيني وبين نفسي
طول موتتها واني بعدني ما مصدك
كمت طلعت بالباب
ثائر: ها بويه بعدنه مشبعانين منك
سامر: بويه امشينه لبيت جدي ما اتحمل ٲٍنٍـّي أفوت هنا
صاح لامي لبست عبايتها ورحنه لبيت جدي
دخلت كلها سلمت علي ومستغربين من شكلي
رحت على بيبي فخريه بغرفتها
رغم ضعفها رفعت ايدها وتلكتني
كعدت يمها على الجربايه
بست ايدها وراسها
نمت بحضنها
جنت محتاجها كلش
من صغري ارتاح بحضنها
اجو العائله كلها
تجمعو علينه
كعدو يسولفون واني على كد السؤال اجاوب
عفتهم يسولفون ونمت
كعدت على شخير بيبي فخريه ههه
كمت للطرمه
دنيا غروب
جنت بالحديقه مال بيت جدي
طلعت جكايري وبالي يم شهد
كاعد على المرجوحه واورث جكارتي بكل قهر
صافن وما اشوفلك
بس امي وابويه طالعين من الصاله يتراكضون
صيحت عليهم ولكم خير شكو
طفرت وراهم
اخويه ماهر برا وهمه صعدو
لا ارادياً صعدت وياهم
حركو السيارة وابويه يصيح وامي تبجي واني ما مفتهم شكو
طبكنه يم المستشفى
استغربت
نزلو يتراكضون
امي صاحت : سجى يمه سجى
عرفت الموضوع يخص سجى
وكفنه يم غرفه العمليات
شاب ملامحه مو غريبه علي ابد
شافني وبقه صافن ودموع بعينه
تقرب علي
ركزت بشكله باوعت بعيونه وعرفته
سيف؛
درت ظهري ولزمني من جتافي
جريت نفس
دراني عليه
باوع بعيوني
سيف: سامر
بقيت اباوع عليه
حضني حيل
جانت رده فعلي بارده
ما سويت شي
سامر: سجى شبيها وليش انت هنا
سيف: والله يا صديقي تعال اسولفلك
*سيف*
من يوم الي تزوجت سجى
طلعت من المستشفى بدون علم احد
جان عندي صديق من الكليه يم بيت ايمن رجلها لسجى
ضليت كل يوم أراقبها وين تروح وين تجي
عيني عليها ما افاركها
جنت لابس على راسي شفقه ووياها كلو القمصله ما يُبين وجهي ابد
صرت كل اسبوع اشوفها تطلع من البيت ودموعها بعينها وهو وياها
جنت ادعي عليه بقلبي الله لا يطيه ولا يوفقه
ضليت سنه اراقبها من يوم عرسها
ما شايف اهلي بس اخابر عليهم
وطول هل سنه ما شفتهم بس مرتين
وصيت المندوب الي ويانه يا فلوس يقبضها يوديها الهم
مره من المرات
رحت وراها دخلت لمستشفى
وطلعت منها تبجي
شفتها وجه بوجه دموعها تارسه عيونها التلالي
باوعتلي وحضنتني لا ارادياً
سجى: سيف سيف الحكلي
سيف: شكو لج احجي حبيبتي انتي
اخذت ايدها ورحنه كعدنه بحديقه المستشفى جوه الشجره
سجى: سيف اني حامل وهذا ما اريده لان يربطني بيه
اجه الخبر مثل الصاعقه ومر بيه
وكفت على حيلي
سيف: ميخالف ميخالف هذا الوضع ما يدوم ووعدتج قبل وهسه روحي على بيتج حبيبي
سجى: سيف باقيه احبك اني
مرت الايام
اجه اليوم
وشفت عصابه دخلت على بيتهم وياهم ايمن
ضليت أراقب وصار الطلق
انخطف قلبي شصاير
انتظرتهم يطلعون لان قلبي راح يوكف حبيبتي جوة
طلعو بس هل مرة ايمن مو وياهم
ركضت بكل سرعتي
دخلت للبيت صاير خراب
شصاير هنا
وصلت لغرفتهم
شفت منظر يا ريت ما شفته
حبيبتي بالكاع وملثمه ومليانه دم!
زوجها الدون بالزاوية مكتول
تفلت عليه
لا ارادياً شلتها
لا سيارة جوة ايدي ولا شي
شلتها على جتافي
وركضت بيها لأقرب مستشفى
وصرت الهث من الركض والجو بارد
راسن الممرضين جابو السديه
ودخلت عمليات
تنهدت ووكعت بالكاع وصرت ابجي رجلي ما شالتني
اخاف حبيبتي تروح
خابرت ماهر ..تخبل من سمع بالسالفه
وره شويه اجو اَهلها
شفته لسامر
وين هذاك الولد الضخم
شفته عباره عن رجال تجاوز عمر السبعين سنه
عيونه عباره عن بركة من الدم
ذبلان
جنت كلش مشتاقله
رحت عليه باوعتله وحضنته
اتحملته لان ما حضني
بعدها نضرته علي ما تغيرت
سألني على سجى وكعدت اسولفله واسولف الكم
.................................
*سامر*
من حجه الي السالفه
دمعت عيوني وضليت ارمش
شلون هيج فكرت بسيف تفكير
باوعت عليه ونزلت عيوني
كمت وكام وياي
انداريت عليه وحضنته
سامر: سيف اني ما اعرف شلون فكرت هيج بيك والله اسف واعتذر كلش صديقي الصدوق متندم حيل الله شاهد
سيف : لتحجي هل حجي هسه اني من زمان مسامحك حبيبي انت
سامر: مشتاقلك ضلعي
سيف: اوف هل كلمه مشتاق اسمعها منك
باثناء حجينه
طلعت الدكتورة
..عندي خبر يفرح وعندي خبر مو حلو الخبر الحلو مضروبه برصاصه بكتفها والحمدلله من جبتوها بسرعه وما فاقده دم هواي وهسه خيطنه الجرح وطلعنه الرصاصه الخبر المو حلو فقدنه الجنين وحاله الام حالياً تعبانه ويحتاج ترتاح
سيف: اكدر ادخل عليها بس اطمن
..ماكو مشكله اذا دخلتو حتى لو كلكم بس يا ريت ما تطولون يمها
سيف( رحت عليها حبيبتي نايمه وتعبانه ووجه شاحب بس تضل ملاك بعيني كعدت يم راسها ولزمت ايدها حطيتها على حلكي نزلت دموعي وضليت اغني ..
صغيرة جنت وانت صغيرون
حبنه بدة بنظرات العيون
كالو ترا هذولي يحبون
ومن الصغر لما يكبرووون
مثل نجمه والكمر
كبر حبنه وازدهر
سيف: اوف حبيبتي محدً خله حبنه يزدهر كلهم وكفو ضدنه
قبضت ايدها بايدي غمضت عيني وبست ايدها
فتحت عيني لكيتها تباوع علي وتبتسم
حسّيت احد لزم كتفي
التفت
سامر: محدً راح يمنعك هل مره تاخذ اميرتك
سيف: شحده غير اكسر راسه الي ياخذها بعد
ثائر: سامر ابن عمك ايمن مات وسجى راح تطلك وبس تخلص عدتها ان شاء الله تجي تخطبها سيوفي عمو اصلاً احنه نشكرك وجداً اعتذر منك
رحت على عمو بست راسه
سيف: صدك تحجي عمو بتكم اذا تنطوني اياها كلش كافي شرايد منكم قابل
ثائر: اعتبرها زوجتك من هل لحظه سجى بإسمك
سامر: سيوفي حبيبي بالعافيه عليك وهذا ايمن الدون خلصنه منه
لو باقي عايش بالحالتين ينكتل
سيف: راح اخابر على اهلي يجون مشتاق الهم وهمين يجون
يشوفون سجى ويتصالحون وياكم

......................................................
يُتبع♥️
هلاو يا حلوين شلونكم حبيباتي
القصه ما بقه بس اربع بارتات قصيرة وتكمل
اتمنى ما أكون مقصرة وياكم
احبكم هواي♥️