دار الأيتام

بارت12

الكاتبة نبأ
دار الايتام |
،،،،،،،،؛،،،،،،،
جان يوم خميس
كعدت ثاني يوم
كلت لامي منعي سجى ما تروح للجامعه
واني همين ما رحت
مااكدر اشوف صديقي وأخويه هناك واتصرف وياه كغريب
شهد جانت بالمدرسه
اتريكت وبدلت
تسوقت للبيت غراض ومسواك
رحت للحلاق وزينت
رجعت للبيت
لكيت ابويه وشيوخ وبيت عمي موجودين
دخلت سلمت عليهم
لاكتني سرى
لزمت ايدي
سرى: يوم الالنه حبيبي
جريت ايدي وخزرتها
سامر: باحلامج
صعدت بدلت
سجى وامي بالغرفه تحضر بيها
دخلت عليهم
سجى تبجي وكلساع يخرب المكياج
وجه تعبان واصفر
ضعفت كدامها وطلعت
رحت كعدت يم الشيوخ لحد ما كالو راح نعقد
خلص العقد واحتفلنا
سجى بس خلصنه العقد صعدت
ورة شويه
ثائر: عيني ام ماهر صيحي بتج خلي تجي تلبس الذهب
عفاف: هسه رايحه
صعدت امي
وراها ما سمعنه بس الصريخ
طفرت من مكاني
سويت الدرج بايتين
سامر: هااااااا يمه شكووو
رحت عليهم
دم!!!!
وسجى بالكاع
وامي تبجي
سامر: يمه لا تصفنين ما يفيد جيبي عباااايه خلي نولي
راحت امي جابت عبايه وأجت
لبستها
شلتها واخذتها للمستشفى
جانت منتحره بموس والشرايين مكطوعه
دخلوها لغرفه العمليات
جنت اكل بروحي على الي سويته
متندم على خايب
ما أنكر بجيت عليها
امي تولول يمي وتدعي
وبابا يروح ويرجع
ماهر حاط راسه بين ايديه ومدنك
اصبر روحي لو اصبرهم
طلع الدكتور والتمينه عليه
..الحمدللله عبرت مرحله الخطر بس يفك البنج تكدرون تدخلون عليها
رحنه يمها
لزمت ايدها وبستها
بقيت كاعد
امي يم راسها وتقرأ قران
جنت حاط ايدها ع راسي
ماهر وابويه راحو يجيبون اكل
حركت ايدها
باوعت عليها فكها البنج
فتحت عينها بصدمه
باوعت علي وجرت ايدها
ضلت تصيح
سجى: طلعوووو برا طلعوووووو براااا ما اريدكم ليييش ما متت ليش ليش اريد اخص منكم ومن هل دنيا ما أريد احد

سحبت نفسي من يمها
امي اشرتلي اطلع برا
طلعت وجنت كلش مختنك

ضليت كاعد ع الكراسي البرا
اجو بابا وماهر
ثائر: ليش كاعد برة
سامر: سجى طردتني وما تريد احد
ماهر: صحت يعني
سامر: يي موجوده جوه بس لا تدخلون ما تريد احد احتمال تنفجر عليكم
ماهر: ما مسوي شي اني ما ضريتها مو مثلكم
بعدنه دنحجي ودخل عليهم
ثائر: اختك سوت شي غلط واذا عرفو الناس ما نكدر نسكت
ونطم عارها من الاخير لا يغشك ملامحها الحزينه واحنه نحبها ونريد مصلحتها
وهيه مدللة ما نكدر ننطيها لواحد فقير
سامر: شسوي يابه حجيت وياها ردت اقنعها اغير رايها ماكو
ثائر: حقها سامر اني من حبيت امك كلها منعتني وقاتلت علمود احصلها وهيه جانت همين تحبّني واثنينه من زغرنه واحد يحب اللاخ وحاربت واخذتها مو هينه اليعشك
سامر: كلامك على الجرح والله
ثائر: احس عندك كلام تريد تحجيه
سامر: هااا لا ما بيه شي
ثائر: خاف تحب من وراي وما ادري
سامر: يا ابو ماهر تعرفني راسي يابس مو اي وحده تعجبني
ثائر: ادري بيك ضام شي وما ترضه تكول
سامر: اففففه عليك يا بويه مو قصه اضم والله
ثائر:  كيفك بعد يرزقكك بت الحلال واشوف ولي العهد يترس حضنك
سامر:  الله يسمع من حلكك اول شي خلي اعرف واترس حضنك جهال
ثائر: امين امين
واحنه نحجي اجو عمي وأيمن
فاضل: هاااا شلونها سجى
سامر: تخطت مرحله الخطر بس ما تريد تشوف احد الأفضل ما تدخل الها
ايمن: هووو شنو كيفها ما تريد احد ترا مكبرين راسها احنه خايفين وجايين عليها
ثائر: صُم حلكك بله تهدي شويه وتشوفها لا تُلِّح
بقينه كلنا كاعدين برا
لحد ما نامت ودخلنه عليها
شفناها واطمنه وطلعنه منها
ثائر: اها هاي هيه شفتها روح هسه ارتاح بعد يومين عرسكم
ايمن: ان شاء الله عمو يلا اودعناكم
فاضل: مع السلامه اخوي
سلمنه عليهم وراحو
طلعت امي من الغرفه
عفاف: عيني ابو ماهر اخذ سامر وماهر وروحو اني اليوم ابقه هنا
ثائر: اني ابقه ما اكدر اعوف بنيتي
عفاف: خوش لعد علمود اذا احتاج شي انت موجود وسامر وماهر اتوكلو ولدي
سامر: ديرو بالكم يلا ما اوصيكم اني اروح
عفاف: الله وياكم عيوني
طلعت من المستشفى
رحنه للبيت
شهد ومرت ماهر والجهال بالبيت جانو
دخلنه لكيناهم يلعبون ختيلان
ماهر: شكبركم تصيرون بعد
مروة(مرت ماهر): عادي تجمعنه كلنا ولعبنه شحلاتها نبقى صغار
سامر: يمعود عوفهم يلعبون
اجت شهد جانت خاتله الاخت
مروة: خبصتني وين عمو ووين عمو
حضنتني وتعاتب
شهد: ليش عفتني وحدي هنانه بدون ما تكول وسجى أدور عليها يكولولي بالمستشفى
سامر: سمو الأميره شهد اعتذر لان عفتج حقج عليه وسجى مريضه وباجر تجي
شهد: لعد يلا اذا هيج خلي نلعب
سامر: تعبان والله
ضربتني مروة بعكسها وتغمز وتأشرلي العب وياهم
هيه عمرها 24 بس يبين عليها هلكد عمرها ولا عبالك عدها ثنين ولد
سامر: يلا لعد اذا هيج
لعبنه وخلصنه
سبحت وبدلت
رحت يم شهد قريت الها قصه ونامت
رحت لغرفتي نمت
*سجى*
من يوم الي اجو خطبوني
ضلمت الدنيا بعيني
حسّيت نفسي هاي هيه ضعت وانسدت بوجهي
بيومها من راحو ووافقو اهلي
خابرت سيف وكلت اله على الموضوع وشنو صار
تخبل وكال هسه جاي اني
اجه وجنت اسمع صياحهم جوه
نزلت ووكفت بباب الاستقبال اتنصت من وره
وي كل كلمه يكولها اخويه سامر انقهر اكثر
من كاله خلص حروح
فتحت الباب ودخلت
وحجيت وحجيت
وصار ثاني يوم العقد
كعدت مختنكه
اجو الشيوخ وبيت عمي
اجت امي علي ونزلتني
وبدت تحضر بيه
واني دموعي ما وكفت
دخل سامر علي شفت بعيونه ندم وجان مقهور
ما اهتميت همه وصلوني لهنا
صار وكت العقد
كعدوني على الكرسي
وبدو يرددون
من سألوني موافقه؟
غصيت وحسيت ريكي ثقل علي
ضَل الشيخ يردد موافقه
اخير شي طلعتها بالكوة
واسمع الهلاهل  تعزف على جروحي
الكل فرحان بس اني
الي جنت افكر بسيف وبالي يمه شنو صارله
خلصنه العقد
صعدت فوك
ما تحملت طلعت الموس
وبكل قوتي
ردت اموت بلحظتها واخلص من الحياة
ما فتحت عيني الا اني بالمستشفى
جان سامر لازم ايدي وامي تقرأ آيات
من شفت سامر
جريت ايدي حيل
واستهترت ما اعرف شلون أُوصِّف شعوري
حسّيت اخويه السند مالي صار عدوي الي يكرهني
ما ردت بوكتها اشوف احد
طلع وبقت امي
ضليت ابجي بحركه
دخل ماهر
الوحيد الي جان واكف بصفي وما سوه شي غلط
رغم مجانت علاقتي بيه كلش قويه
جابلي اكل الي احبه
كعد يوكلني ويسولف وياي
شويه وراح وبقت امي يمي واشوف بابا برا كاعد على الكرسي
نمت
وبالليل صحيت على ايد تتلمس شعري ووجهي
وصوت ونه بس ناصي
فتحت عيني بصدمه
سيف!!!!!!
حضنته لا ارادياً
بدّي من شده حضنتي اله ادخله جواي
جانت اول مره احضنه
بجيت على صدره
جان لابس لبس ممرضين ووياه بعد ولد بس داير وجهه
جنت كاعده على الجربايه
وهو تربع كدامي ولازم ايدي ويبوس بيها
سيف: سجاوي ما اعوفج والله عمرج لا تنسين احبج اني واعشقج
انتي حبي السرمدي الي لا بدايه اله ولا نهايه وشايفه هل مشاكل كلها اعبرها واوصلج
جنت مكتفيه بالبجي واباوع بعيونه الي تلمع من الدموع 
باوع على ايدي
سيف: تدرين من سمعت هيج سويتي تخبلت وردت فرصه حتى اشوفج واطمن عليج
مخبله ليش هيج تسوين تردين تموتيني صيري قويه واتقبلي الواقع وعد وعد تصيرين الي عسى ما نشيب اني الج سيف مسجل بإسمج ومراح يعوفج
سجى: احبك
سيف: مشتاق لهل كلمه بكد رحمه الله تحطيها على الجرح
سجى: لا يشوفك احد حباب روح
سيف: لا تخافين شويه ورايح اجيت اطمن عليج حبيبتي
سجى: الي وياك منو
سيف: اخوج ماهر
سجى: عزاااااا صددك
دار وجهه علي
ماهر: اخوج الزود وحزام ظهرج شفت بعيونج محنه ومجرب هل شي اني ما اعوف اختي تتعذب وحدها وجبت الج سيف حتى ترد روحج شويه
سجى: مشكور ما قصرت حبيبي
سيف: هاي شنو ترا اغار ميصير
سجى: الحب كله انت
جانت ضحكاتي مرسومه وي جروحي
عبالك احلم وسيف كدامي وأتمنى ما يخلص هل حلم
ماهر: يلا سيف تاخرنه خاف امي تكعد انوب
سيف: ي ي يلا هسه شويه
سجى: حتروح
سيف: شسوي نلتقي شوكت ما تصير فرصه وخلي كل كلامي الي كلتلج اياه ترجيه باذنج سيففففف لسجى وسجى لسيف
سجى: حبيبي
حضنته حيل قبل لا يروح
سيف: تصبحين على خير اميرتي نامي
سجى: دير بالك على نفسك
جان لازم ايدي
كام من يمي
راد يطلع ودار علي
نطاني بوسه بالهوى
وبادلته
جانت بعيونه نظرات شوك وحب
رجعت على فراشي
ارتاحيت من شفته
ونمت واني افكر بعد يومين عرسي...
__________________________
هلاو حبايبي الحلوين
شلونكم♥️
تعذروني على التأخير
احاول بوكت فراغي اكتب والله
تحملوني
احبكم💗