دار الأيتام

البارت 8

هلاو
والله جداً اسفه ادري بنفسي مقصره وياكم
امتحانات ووكت جداً ضيق
عذروني ♥️
..................
بعد ما طلعت من البيت
رحت للدار حتى اخذ جنسيتها لان من تبنيتها نسيت اخذها جنت مستعجل
تفاجأت ما عدها مستمسكات اصلاً
ندبت حظي وجريت حسره
رحت لكليتي سويت الأوراق مال المرحلة الرابعه اخيره
استلمتهم
رحت لساحه الكليه
لكيت أصدقائي سلمت عليهم من صدك هذولي اخواني عشت وياهم احلى ثلاث سنين
طلعت من الكليه
رحت بوجهي للبيت
جانت الساعه ب3 الظهر البيت فارغ
لكيت شهد كاعده بالصاله
سامر: كومي بدلي دنروح اخذلج صور
شهد: ليش
سامر: لج لا تسالين امشي بدلي
انتظرتها بالصاله
نزلت
جانت لابسه تيشيرت وتنوره قصيره وفاتحه شعرها
عيوني ما شلتهم .. سيقانها استغفر الله تكول قالب ثلج لو كيمر السده بت اللذين
وعيت ع نفسي
سامر: اكلج ليش ملابسه حجاب ؟
شهد: اني مو محجبه
سامر: سجى وين؟خليها تلبسج حجاب
شهد: نايمه خطيه بعدها
سامر: هاي التمبل ..تعاي وياي
رحت لغرفه سجى كعدتها وكلت الها ضليت انتظر تخلص
طلعت بت الحلو كلشي تلبسه حلو عليها اشتعلو اهلج
صدك لو كالو البنيه تاجها الحجاب تجننن يربي
شهد: هسه رضيت
سامر: ييي يلا امشينه
صعدت بالسياره شفتها صعدت وره
سامر: شنو صاعده تكسي وكاعده ليوره تعاي هنا مو غريب اني
شهد: اجيت اجيت لتعصب
صعدت وحركت السياره
طول الطريق ندور ع مصور يكون رجال جبير لان عيب يصورها شاب ويباوع
لحد ما لكيت اخذتلها صور انتظرت يطلعن
خطرت ببالي فكره
سامر: شنو رأيج نصور اني وياج صوره بين ما يخلصن هذني
شهد: ييي كيفك بعد احسن تكون ذكرى حلوه
اخذنه صورتين اني وياها جنه بس واكفين ووحده هيه كاعده ع الكرسي واني وراها
خلصن الصور واستلمتهم
كلش حلوات جانو
رحنه خلصنه المعاملات مال جواز وجنسيه وبطاقه سكن وكلشي
جنت ماخذ شهادات الوفاه مال ابوها وامها
بقه بس استلمهم بعد أسبوع
رجعنه بالليل اكلنه بالطريق
دخلت لكيت بيبي فخريه موجوده وبيت عمي
سلمت عليهم سرى الغثه ما شالت عينها شكد صلفه
بيبي فخريه: هلااااا بسلطان هلا بجواد العشيره
سامر: هلا بيبي هلا بيج يلغاليه
رحت بست ايدها وكعدت يمها
شفت شهد بعدها واكفه يم باب الصاله خزرتها تدخل
وصلت يم باب المطبخ وصاحتها بيبي
بيبي فخريه : يل فرخه تعاي هنا ادري بايكينج بوكه يحلوه
شهد بتردد: هااا هلا خاله
بيبي فخريه: خاله ي خاله صغرتني هاي ولج شيباتي بكد عمرج بمرتين
سامر: شهد تعاي بوسي ايدها وكعدي يمها
باست ايدها وكعدت
عرفتها عليها وحجيت الها
بيبي فخريه : هلا باليجي يسلطان احسن قرار اخذته وليدي چا هيه غير تخبل صح صغيره بس مره وداعتك ..يحرسج الله حبوبه من كل عين
بيبي تحجي واني عيني ع أيمن
أكلها بنضراته لو بيدي اروح اخنكه
قبضت ايدي وعضيت شفايفي
سامر: امشي لغرفتج يلاااااا
بيبي فخريه: هُـُـا يجده شصار خليها كاعده
هاي بقت كاعده
سامر: لج اني شكلت الج يلااا
كامت ع السريع وراحت
بيبي فخريه: ليش ولَك حبيتها اني خليها كاعده
همست الها ...
سامر: يجده شلون يعني ما تشوفين حفيدج الدون الي كاعد هناك يباوع عليها
بيبي فخريه: ما شايف وشاف وتعرفه نسونجي وسوالف وراه
سامر: ا...
دا احجي وحجت امي
عفاف: مثل ما اتفقنه احنه وحجينه بالموضوع وكلت الكم بتكم النه أَحنه ما عدنه مشكله
وهذا ابني جاهز واحنه موافقين وشوكت ما تردون تصير الخطبه مباشره وراها العرس حتى ما نطول
ضليت صافن ع كلام امي !شدتحجي
طفرت من مكاني...
سامر: شتحجين انتي اني مو كتلج زواج ما اتزوج وانتي مو من حقج تأخذين قرار من وحدج مو بنيه اني تغصبيني ع وحده ادبسز وبلا اخلاق ما تعرفون عليها شي مجرد بحجه بت عمي وعايشه وياي اول وآخر ما الكم حق تزوجوني اني حر بالي اختارها مو كيفكم
فاضل: وشبيها بتي الي ما عاجبتك
سامر: اكرها!افتهمو اكرها ما أريدها وكلمتي الاخيره زواج ما اتزوج خلو حركتكم الكم
كمت من مكاني وهمه يحجون
صعدت مريت من الغرف
سمعت صوت احد يبجي؟!
رجعت الصوت من غرفه شهد معقوله دتبجي!
دكيت الباب ودخلت
ثانيه رجلها ع صدرها وراسها مدنكته وتبجي بشهكات
فزعت من شفتها هيج
بدون تردد وخرت ايدها ومسحت دموعها وكعدت مقابيلها واني لازم راسها
سامر: شبيج!؟
شهد: ما بيه شي اطلع برا
سامر: اني اني تطرديني!
سحبت نفسها ودفعتني
شهد: مثل ما طردتني اطردك افتهمت
جريت نفس مسحت وجهي
سامر: جنت خايف عليج لان أيمن جان كاعد ويباوع عليج ترضيها انتي
شهد: ييييي ما ارضاها بس ع الاقل اشرلي ليش تفشلني هيج
سامر: حقج والله اني غلطان بس شسوي اغار احد يباوع لشهدي اسف شهوده
شفتها ابتسمت وباوعتلي
شهد: اعتذارك مقبول
سامر: فديت الي تعذرني طفلتي الصغيره المدللة
حضنتني كلعاده درت وجهي
سامر: يلا تصبحين ع خير
طفيت الضوه وطلعت

*مرت ثلاث اشهر*
صارت شهد من الأفراد العائله المهمه
واكتشفت خلص اني وكعت بحب طفله عيونها بريئة
امي ما كفت مشاكلها مني
واليوم تاريخ 12/19
عيد ميلاد شهد ......
________________
ادري البارت قصير بس تحملوني شسوي☹️💔

يلا احبكم🖤......