دار الأيتام

البارت 11

الكاتبه_نبأ
دار_الايتام
.................................
سامر
بعدما تقدموا لخطبه سجى
جان بداخلي بين الرضا حتى اخلصها من سيف
وبين الرفض لان هاي اختي ما اكدر انطي بيها

ابويه وافق والاهل وافقو
بقه قرار سجى ابويه يريد ياخذه حتى نبدي نحضر
ثائر: سامر امشي صيح اختك
رحت لغرفتها
شفتها تبجي
سامر: ليش تبجين ؟قابل شكو؟
سجى: سامر اريد اكمل دراسه ما اريد اتزوج ولا ارتبط
سامر: الولد كالج نتزوج وتخلصين دراسه وين المشكله
سجى: مااااا اريد افتهموو
سامر: ماكو ما تريدين يلا ترا ابويه يريدج
سجى: ما اروح وما اشوف وجهه
سامر: هووو شنو كيفج يلا امشي
سجى: شسواك هيج !! اخويه انت
من كالت هل شكل خنجر واجه بكلبي حسّيت نفسي دا اقسي بزايد
بس بعدين استوعبت ورجعت الأفكار براسي
سامر: محدً سواني هيج مصلحتج يلا كدامي
سجى: ما اعتب عليك
كامت من مكانها وراحت
ضليت افكر
كمت ضليت افتر بالغرفه
قبضت ايدي وضربت الكنتور
جنت حيل معصب
التفت
شفت شهد واكفه بالباب وصافنه
سامر: شهد!!!
دنكت راسها واندارت
رحت عليها
سامر: شبيج
شهد: ما بيه شي بس اول مره اشوف سجى هيج يعني انتو اليوم شبيكم سجى تبجي وانت معصب وتضرب بالكنتور وعمو احجي وياه يكلي عندي شغل صديقتي رحت الها طالعه مو ببيتهم يعننني وين اروح
سامر:اسف شهوده بس صدك احنه اليوم مشغولين اعذرينه حبيبتي بس وعد مني اليوم اجي بالليل يمج ونلعب ونقره قصص اتفقنه؟
شفتها برطمت
خرب بليسها غير تضم حلكها راح اسوي عمله
شهد: اوووك اتفقنه بس ابقه زعلانه منك
بستها بخدها
سامر: يدلل الحلو ..يلا على غرفتج ادرسي زين
شهد: حاااااضر
راحت لغرفتها
هل بنيه تطفي ناري دائماً ببرائتها
صحاني صوت صياح
نزلت على السريع
ايمن: بككككيفج ما تقبلين اننننهي عليج وحق هوه الله
سجى: يييي بكيفي ما احبكككك اني وتحلم اتزوجك حلممم حلمممم احلم
سامر: هيووووووو يجماعه شكووو
ايمن : اختك ما تريد تتزوجني وخلي بعلمها انهي عليها وتزوجها غصب واني هسه رايح و اريد اسمع خبر يرضيني
سجى: روحححح بله ملك الموت الياخذك
ايمن: رجال اني ما ارد على مره..يلا اودعناكم
جان ابويه رغم عناد سجى واصرارها بس باقي راضي
سجى صعدت وامي راحت وراها تقنعها
رحت اصلي لان جانت دنيا غروب وفاتت الصلاه بمشاكلنه
صليت ودعيت ربي يهديها وتعرف مصلحتها
لميت المصلايه وسمعت دكت باب الشارع كلش قووويه
بين ما فتحت باب الاستقبال تكسر الباب
سامر: يمعووود جايك جاااايك الباب راح ينخلع
فتحت الباب وطلع سيف
وجه احمر ويلهث ولازم رقبته
سامر: شبيك يمعود
ضربت على ظهره راح ينكطع نفسه
سيف: سجى سامر سجى
ضليت صافن شنو قصده
سيف: لا تضل صاافن بوجهي تعااال نتفاهم
كعدنه بالاستقبال
سيف: انتتتت اخويه وضلعي وتعرفني زين وا...
سامر: الزبده؟
سيف: الزبده اني جاي رايد أخطب سجى منك قبل ابوك
سامر: حبيبي سيف سجى انحجزت وانت جاي متاخر
سيف: ادررري متاخر ادررري بسسس اننني أريدها اريدها ولَك سامر احبها
سامر: تحبها؟؟
سيف: ومن زغري لحد ما شبيت ودا تشوفني كدامك اننييي احبهااا
سامر: متاخر حبيبي ما اكدر انطيها الك كتلك انحجزت والولد ابن عمها
كام من مكانه
سيف: بااااوع سامر سجى الي يعني الي احبها واعشقها وما تطلع الا وهيه عروس الي
سامر: احلم سيف احلم ما عندي بنيه الك
سيف: شناقصني سامر شناقصني وتنطوها لواحد مستخنث
سامر: اختي مدللة قابل تروح من الدلال للخراب وانطيها لواحد فقير ويكلي احبها
سيف: مع الأسف عليك تعيرني هيج وهذا الي كالك احبها صديقكك وأخوك حرامات عليك الزاد والملح وهانت عليك العشره
بسسسسس وعد مننننني اخذها اخذها وانت الندمان
سامر: ما عندي بنيه الك وآخر كلام
ابتسم ابتسامه نصر ع حزن
سيف: الله وياك ضلعي الي تعودت بكل ما أودعك اكولها الك
سامر: ضلعي يحب اختي يحب اخت صديقه ويخونه
سيف: ما خنت والحب حلال واليعشك بنيه بوعد زلم ما يخون
سامر: سيف اطلع احسن ما اسويها عركه
سيف: طالع اني الله وياك
بقيت بمكاني وهوه بعده بباب الاستقبال اباوع عليه
سمعت صوت بجي
التفت سجى واكفه بالباب الي بين الصاله والاستقبال
سامر؛ شعندج هناااا لج
سيف: سجى!!
سجى: سامر حرام عليك احبه اننننييي وهو يحبني وحبنه حلال ما ردنه بس نعيش سوه ونشوف حياتنه وجاهل يترس بيتنه ويصير علامه على حبنه وننجمع ونعيش للأبد بلا مشاكل بلا وجع راس حبي اله حلال و...
نرفزني كلامها وضربتها راشدي وجانت اول مره اضرب اختي بيها
سيف: سااااامر ايدك اكسرها
لزمته من ياخه قميصه
سامر: اكسر راسكككك اذا اشوفك هنااااا يلا برااا
فتحت باب الشارع وطلعته وسديت الباب وراه
رجعت للصاله هاي كاعده بعدها وتبجي
لزمت فجها وعرصته حيل
سامر: تحبينه مووووو تحبين صديق اخوج ثنينكم خاينين
وهذا ابويه الي ما رباج عدل اني اربيج
لزمت شعرها
وضربتها وين اليوجعج
اجو امي وابويه يفكوها مني وارجع اضربها
سامر: عوفوني اني الها هل عااااار تصادق من ورانه وفوكاها منوسيف صديق الطفوله
عفاف: كااااااافي يمه كافي
عفتها بالكاع والدم بحلكها
ثائر: شنوو قصدك بكلامك يعني تحب سيف
سامر: تحبه وتعشكه وتتمعشكه من ورانه
ثائر: باعي ولج من باجر عقد سيد انتي وابن عمج ما اريد بنيه هيج
اجت امي سندتها وراحت
صعدت لغرفتي
ضليت افكر
احس نفسي تسرعت
شلون اضرب سجى حبيبتي وصديقتي وتوأمي اختي جوهره العائله
وسيف صديقي واكثر من اخويه اطرده وانهي علاقتي وياه شلون؟
بس وين سامر خانوك من الطرفين وحبو من وراك
الي جنت واثق بيهم
لزمت المزهريه الي بصف الجربايه وشمرتها وانكسرت
ماكو شي يطفيني
نار بداخلي تاكل بيه
كمت فتحت الكنتور بقوه
بدلت واخذت سويج السياره
نزلت صارت بوجهي امي
عفاف: وين رايح
ما رديت عليها جنت كلش ضايج
طلعت بالسياره
افتر ما اعرف وين اروح
رحت للمكان الي دائماً كل ما اختنك بيه اروحله
الحديقه الي تطل على نهر الفرات
كعدت وافكر وسالفه تجيبني وسالفه توديني
صرت حاير بأفكاري
تذكرت من اخير مره اجيت هنا وجنت مخنوك وخابرت سيف
استرجعت ذكرياتنه سوة
اكلتنه سوة
لبسنه سوة ... ننام سوه...نروح الكليه سوة
كلشي نسوي سوة
جررريت حسره جبيره
فتحت تلفوني شفتها ب11
شلت نفسي ورحت رجعت للبيت
فارغ ومحد بيه
صعدت وتذكرت وعدت شهد اليوم
رحت لغرفتها ما هيه ماكو
خفت هاااي وين راحت
دخلت لغرفه سجى
جانت نايمه
كرهت نفسي وطلعت
نزلت جوه دورت ماكو
يا ربي هاي وين
رحت للحديقه ماكو
امي نايمه زحمه اكعدها واسألها
قلبي ضَل يأكل بيه
رحت لغرفتي
وجانت موجوده
تفاجأت لان دورت البيت كله
جانت نايمه على فراشي
بريئة ..طفله..خجولة ..جميله
نايمه كأنها ملاك صغير
شلتها ووديتها على فراشها
ضليت اباوع عليها وأتأمل
صدك تكبرين وتصيرين الي؟
صدك تحبيني مثل ما اني احبج؟
راح تتغيرين علي لو لا
اناظرها وافكر
ضليت اباوع على غراضها
طفيت الضوة
وطلعت
رحت لغرفتي نمت ...
...........................................
يٌتبع♥️