دار الأيتام

البارت 7

#الكاتبة_نبأ
#دار_الايتام
بارت مفاجئ للسهرانين

{...........................}
فاجأتني امي بالموضوع
سامر: سرررررى!!!
عفاف: ي يمه سرى شبيك
دفرت الطبله برجلي وكمت ع حيلي
رفعت إصبعي على امي وعليت صوتي
سامر: قسماً بذات الله اذا فكرتي بالموضوع مره لخ اسوي شي ما يعجبج
تريدين تزوجيني وحده ملعبه وحقيره مثل سرى كل عقلج ابنج  ما لكيتي اله وحده بس هاي حرام عليج يمه عمري ما حبيتها ولا راح احبها تحلمين أتزوجها من ثامن المستحيلات
درت ظهري وصلت للدرج وحجت
عفاف: شتريد يمه ازوجك وحده زعطوطه لا عبالك ما شايفتك شلون ملهوف عليها زلات لسانك واهتمامك غير شي
هنا حسّيت  بنغزه بقلبي درت عليها بتفاجئ
سامر: شنو هل حجي شهد مثل اختي واتبنيتها حتى اعوضها الي فات ماكو من حجي الي تحجيه عيب عليج تفكرين بيه هيج رجال اني
عفاف: بس تتزوج بت عمك يعني تتزوجها انتو محجوزين من صغركم مو علكت بت عمك بيك وتريد بلايه رأي تعوفها وتروح
سامر: اعتقد ماكو داعي اعيد الي حجيته واني مو احبها وعلكتها بيه لا تجيبين حجي من نفسج ثانياً اني مو بنيه وتغصبيني وغير هل حجي ما عندي
ضلت تحجي وياي اخذت سويج السياره وطلعت
ضليت افتر ما اعرف وين اروح اختنكت شلون امي تحجي هيج
معقوله كلامها صح ووكعت بشهد مستحيل
اريد اسال كلبي تحبها لو لا ما اعرف لا اني احبها ولا اكرها
رحت ع الشط
خابرت سيف خل يجيني
اجه وكعد يمي
سيف: خيرك ضلع شبيك؟
سامر: برأيك امي تسوي هيج
سيف: شنو الموضوع غير افتهم
حجيتله الي صار
سيف: دخيلك يمعود كول غيرها مو بنيه انت تغصبك عليها واعتقد كلامها صح على انو انت تحب شهد
سامر: صدوك جذب ما اعرف مشاعري متخربطه بعدين اني بعينها سند الها وأب شلون اكدر أغير نضرتها مستحيل تفكر هيج ولا اني
سيف: عادي اني هل وكعت بالحب من صغري والي هسه وفِي
سامر: ادري بيك حب طفولتك الي ما ترضه تحجي عنه عود هاي اني الروح بالروح وياك
سيف: عوف ما تفيدك الموضوع بيني وبين ربي اني رايدها بالحلال احاول أتقرب الها بس ما اعرف شلون
سامر: هسه يلا عرفت انو اني وياك حايرين وعدنه مشاكل بس كل واحد ومشكلته
سيف: الله كريم وداعتك ما يخذل عبده
سامر: ونعم بالله سيوفي احس نفسي من فرغتلك ارتاحيت
سيف: اخويه سامر حبيبي اصيرلك نفس شوكت ما تختنك
سامر: ونعم منك ضلع هههههه
دك تلفونه امه متصل بيه
سيف: يا ماما يم سامر اني جان ضروري اجه شسوي ...ديلا يلا جاي اني
سامر: شكو شبيها امك
سيف: من خابرتني طلعت مستعجل وعبالهم صاير شي وتعرف امي تخاف علي
سامر: اففففففهه عليك سيف شلون ما تكول الهم وتبلغهم
سيف: هو غير صوتك مجان يبشر بالخير واجيت ركض اقصد بسياره ههههه
ضربته علابيه وحطيت ايدي ع كتفه
سامر: مخبل هههههه
سيف: يلا اترخص اني الوالده يضل بالها
سامر: الله وياك
راح سيف وبقيت وحدي جريت نفس وكمت
خطر ببالي بيت جدي اروح يم بيبي فخريه ماكو بس هيه حلاله المشاكل
رحتلهم استقبلني عمي الجبير فاضل
بيت جدي مكون من فاضل وعامر وعمتي طيبه وثائر الي هو ابويه الصغير
جدي متوفي من زمان
فاضل عايش وي بيبيتي وعنده بنيه وحده و عامر الي هو ابو أيمن عازل واحنه همين عازلين
عمتي طيبه متزوجه بس مصار عدها خلفه
لكيت بيبي فخريه كاعده بالصاله
سامر: السلاام عليكم
بيبي فخريه..هلاااااا بسلطان العشيره
تسميني سلطان العشيره لان حفيدها المميز من بينهم كلهم
ورادت تسميني سلطان بس مصارت
سامر: هلا بيج جده ..بست راسها وأيديها ونمت بحضنها
بيبي فخريه: يمه سوده عليه شبيك
سامر: يا جده يغاليتي ..سولفتلها هيج وهيج السالفه
بيبي فخريه: اشو احنه ما عدنه علم بالفرخه يسلطان
سامر: يجده موضوع بعد هذا بحث إخر هسه الكيلي حل
بيبي فخريه: يسلطان هيه امك وحده من تزوجها ابوك والي هسه ما مرتاحتلها ما تشوف هل عازل بيها جانت ام المشاكل وهسه هاي مشكلتك انت رجال وتكدر تمنعها انت مو طلي حتى تتحكم بيك مريه ابو ضاي انت مو كيفها
سامر: بس انتي دوت لجروحي فديت كلامج يجده
بيبي فخريه: چا يمه سلطان غير احبك انا
سامر: ما يصير اليوم انام يمج وبحضنج
بيبي فخريه: الحضن وصاحبة الحضن جاهزين انت بس نام
ومن صدك ضلت تسمح ع راسي ونمت ما ادري بالدنيا
كعدت شابع نوم لكيت روحي ع القنفه نايم وجدتي جانت كاعده يمي تقره قرآن
انتبهت علي سدت القرآن وتصدقت باسته وحطته ع صفحه
بيبي فخريه: صح النوم سلطان كعدت من وكت وياي اليوم غباشين نمت من وكت
سامر: ي والله يجده شبعت نوم ارتاحيت
بيبي فخريه: ما جوعان يمه خلي اروح اسويلك ارويك
سامر: اي احلى ريوك اليوم
بيبي فخريه: عساك ع ريوك يسلطان من عيوني
رحت غسلت جانت ببالي شهد ضليت اباوع ع روحي بالمرايا وأفكر
قطع حبل افكاري صوت جدتي تصيح علي
سامر: هااااا يجده
بيبي فخريه: تعال نتريك انا وياك سلطان
سامر: جاي جاي جده
وصلت لباب المطبخ وطكتني الريحه
سامر: وووووووف هاي شنووو تعرفنيني اضعف كدامها يابه يا بويه باكله بالدهن
بيبي فخريه: وهاي هم رحت جبتلك كيمر عرب وسويت وياها بيض سلك
سامر: بعد شتريد يسامر مدلل اليوم مدلل
بيبي فخريه: دومك بعد جدتك ورويحتها
اكلت وبكل لكمه احس بطاقه
خلصت واجت ببالي شهد
سامر: يلا جده حروح اني
بيبي فخريه: هُـُـا يمه وين
سامر: والله عفت شهد وحدها خطيه انتي تعاي اليوم العصر وشوفيها راح تحبيها
بيبي فخريه: اتوكل يمه محروس بالله
بست راسها وطلعت
لكيت سجى حاركه التلفونات علي وابويه هم الظاهر بالهم يمي
ركبت سيارتي ورحت لبيتنه
جانت الساعه ب8الصبح وبدايه شته وبارده
انفتح الباب تفاجأت بيها
حضنتني حيل وتبجي استغربت
شهد: ليش تروح وتعوفني عمو اتفقنه تبقى يمي لو شيصير
سامر: اسف شهودة والله طلعتلي شغله ورحت
تربعت يمها ومسحت دموعها
شهد: الليل كله ما نمته وهاي اني ع هل حطه ما نمت الي هسه منتضرتك
صدك انفطر قلبي عليها
مسحت على راسها
سامر: المره الثانيه ما تنعاد وعد
مدت اصبعها الخنصر
شهد: وعد؟
سامر: وعد وابتسمت
شهد: احلى عمو بالدنيا
سامر: وانتي احلى اميره بالعالم ... يلا الجو بارد خلي ندخل
دخلت والبيت يصوصي سجى نايمه ع القنفه
شهد: سجى سهرت وياي بس غلبها النوم وبقيت وحدي
سامر: سوده عليه بقيتو تنتضروني
شهد: ضَل بالنه يمك
سامر: خطيه متكسره ع القنفه نايمه وخريلي هيج خل اشيلها
شلتها ..يلا تعاي نامي انتي هم
وديت سجى على فراشها هل قزمه وزن الريشه
طفيت الضوه عليها سديت الباب
لكيت شهد وراي
سامر: ليش ما رحتي على فراشج
شهد: اقرالي قصه قبل لا انام يلا عقاب الك
سامر: احلى عقاب يلا تعاي
تمددت وكعدت ع حافه الجربايه وحجيت الها قصه
سامر: كأن يا ما كان اكو بنيه صغيره كلش حلوة وتشبهج جانت ببيت كلش حلو بس هذا البيت صاحبته شريره وبس تكتل بهل بنيه بس هيه جانت قويه واكبر من هل شي بعدين البنيه من كبرت شويه راحت لحديثه المدينة ولابسه فستان زيتوني قصير وشافها واحد ودخلت قلبه غصبن عليه من تعرف عليها اخذاها للقصر مالتهم وصار هوه الامير وهيه الأميره وهيه طفله بس هو يحبها ويريد ينساها لكن هو مجبور يتعايش وي هل شي
بعدين من كبرت وانتضرها تكبر تزوجو وعاشو عيشه سعيده
خلصت القصه وهاي راحت بسابع نومه
بستها برأسها وغطيتها طفيت الضوه وعفت ضوه خفيف
تذكرت لازم اروح اكمل أوراق شهد واوراق كليتي
بدلت وطلعت

...............
يٌتبع......🖤