دکھ نفرتیں ازیتیں سب کچھ سہنے کے بعد . . .
ایک نیا سفر . . . . اپنی زندگی کو کسی کے نام کردینا . . کسی کی عزت بن جانا . . . کسی کا نام اپنے نام کے ساتھ جوڑ لینا . . کسی کو چاہے بِنا اپنا لینا . . . اپنا سب کچھ دوسروں کی خوشیوں کے لیے قربان کردینا . . . ایک عورت ہی کرسکتی ہے . . . ایک عورت ہی . . . مرد نہیں . . . مرد کو فوقیت حاصِل ہے . . مگر عورت کا رتبہ الگ ہے.. بے مثال ہے . . .
نرمل بھی ایک عورت تھی . . . جو آج اپنا سب کچھ ایک ایسے شخـص کے لیے قربان کرنے جارہی تھی جسے وہ پسند نہیں کرتی تھی وہ صرف اپنے ماں باپ کا مان رکھ رہی تھی وہ صرف رشتوں کی کچی ڈوریوں کو ٹوٹنے سے بچانے کی کوشش کر رہی تھی وہ صرف ایک سمجھوتہ کر رہی تھی اور زہر کا گھونٹ پی رھی تھی . . . شاید اُسے عادت ہوچکی تھی . . . شاید وہ خود بھی اب تھک گئی تھی . . . اسے بَھروسا تھا کے اسکا اللہ اسے رُسْوا نہیں کرے گا اگر یہی شَخْص اسکا نصیب ہے تو بس یہی بہترین ہے . . . . . .
آئمہ نے جالی کا کام دار پیچ کلر کا دوپٹہ اُس کے سَر پر رکھا . . . وہ آئینے میں خود کو یوں دیکھ رہی تھی گویہ جیسے پہلی دفاع آئینہ دیکھ رھی ہو . . . . پیشانی پر سجا سنہرے رنگ کا چمکتا ہوا ٹیکہ . . اونچی کھری ناک دیکھ کر ( پنوچھیو . . ) کسی کا دیا ہوا لقب اسے یاد آیا تھا . . . کانوں میں لٹکتے بُندے. . . گلے میں موتیوں کی مالا . . .
چھوٹی بھوری گھنی پلکوں والی آنکھوں پر ہلکا سا آئ شیڈ ، میک اپ سے تقریباً پاک چہرہ . . . سادگی اُسپے یوں جچتی تھی جیسے رات کو آسْمان پر چاند . ہاتھوں میں کنگن تھے مگر مہندی نہیں تھی . اسنے اپنی خالی ہتھیلیوں کو بہت غور سے دیکھا . . . .
(" . . آپکو مہندی پسند ہے ؟ . . . "
نہیں یخ . . . مجھے مہندی سے نفرت ہے . . . مجھے اسکی مہک سے الرجی ہے . . مجھے وہ ہاتھ بالکل نہیں پسند جن پہ مہندی لگی ہو . . .
" اگر آپکو نہیں پسند تو میں بھی اب کبھی مہندی نہیں لگاؤ گی . . . .
" وعدہ ؟
پکا وعدہ " . . . )
ایک آنسو چھلک کر اسکی تھیلیوں پر آ گرا . . .
" تم رو رہی ہو . . . ؟ " آئمہ نے اسکا چہرہ اپنے ہاتھوں میں لے کر اسکو پیار سے دیکھا . .
" کتنی پیاری ہو تم . . تمہاری آنکھیں نرمل . . . . تمہاری آنکھیں کتنی خوبصورت ہیں، . . . اِن آنکھوں میں آنسو اچھے نہیں لگتے اِن آنکھوں میں چَمَک اچھی لگتی ہے . . . خوابوں کی چَمَک . . . میں تمہیں دوست نہیں بہن مانتی ہوں . . میں تمہیں رونے نہیں دونگی . . . " آئمہ نے اُس کے آنسو صاف کیے اور خود بھی آبدیدہ ہوگئی . .
اُس کے یہ الفاظ سن کر نرمل کو وہ یاد آگئی . . . .
( " تمہاری شادی پر تمہیں خود اپنے ہاتھوں سےسجاونگی . . میرا ہر خواب سَچ حو رہا ہے نیرمی . . مجھے یقین نہیں آتا کیسے . . . میں تمہیں سجاؤنگی اپنے ہاتھوں سے دلہن بناونگی ، پہلے تم صرف میری سب سے اچھی دوست تھی اور اب تم . . . میری کچھ اور بن جاوگی . . . اور پھر وہ ہنس دی تھی . . . . " )
نرمل سے ضبط نا ہوا . . وہ ایک ہاتھ منہ پر رکھ کر دوسرا ہاتھ آئمہ سے چھڑوا کر واشروم کی طرف بھاگ گئی .
آئمہ حیرت زدہ بس اسے یوں بھاگ کر جاتے دیکھتی رہی نرمل کا یہ رویہ اُس کے لیے بالکل نیا تھا . . آئمہ کی الجھنیں مزید بڑھ گئی . . . .
* * * * * * * * * * * * * * * * * * * * * * * * * * * * * * * * * * * *
ہاشمی گارڈن کی وہ عالیشان حویلی آج خوشیوں کے رنگوں سے رنگی ہوئی تھی . . . سفید لال پیلے ہر طرح کے پھولوں سے سجا وہ محل نُما گھر پھولوں اور مہنگے عطر کی خوشبو سے مہک رہا تھا . . . لونج میں کافی رونق لگی ہوئی تھی نرمل کی دوستیں ، قریبی رشتےدار ، ارحم کے گھر والے سب کے سب خُوش گپیوں اور کچھ ہی لمحے بعد ہونے والے نکاح کی تیاریوں میں مصروف نظر آ رہے تھے . . رحمان شیخ جو کے سفید کلف لگی شلوار قمیض کے اوپر سیاہ واسکٹ پہنے بہت ہی خُوش دکھائ دیتے تھے لونج میں صوفے پر ٹانگ پر ٹانگ چڑھائے کان سے فون لگائے بیٹھے تھے اور ساتھ ہی ساتھ گھڑی پر بھی نظر ڈال لیتے . . . مغرب ہونے والی تھی مگر ارحم اب تک نا پہنچا تھا . . . . اتنے میں پروین چائے کی ٹرے لیکر آگئیں ساتھ روبینہ تائی بھی تَشْرِیف لے آئیں . . . " ارحم كب آئیگا ؟ . . . " پروین نے چائے کا کپ رحمان کو تھاماتے ہوئےفکرمندی سے پوچھا . .
" میرا فون نہیں اٹھا رہا ہے یہ لڑکا . . . " . . رحمان کی نگاہیں فون پر ہی جمی تھیں . . .
" کیا ؟ . . خیریت تو ہے نا.. آپ دوبارہ ملائے نمبر کیا پٹا سگنل کا مسلہ ہو کچھ . . . " پروین پَریشان نگاہوں سے دیکھ روبینہ کو رہیں تھیں پر گویہ رحمان سے تھیں . . .
" آ . . ارے . . بے صبری . . . آرہا ھوگا میرے ساتھ بھی یہی حَرْکَت کرتا ہے جب راستے میں ہو نا تو فون نہیں چوکتا . . . " روبینہ رحمان کے غصے سے واقف تھیں اسی لیے بیٹے کی غلطی کو مسکرا كے ٹال رھی تھیں . . .
" میں چلتا ہوں مولانا صاحب کو لینے جانا ہے " . . . . رحمان گویا خواتین کی باتیں نظر اندازِ کر کے وہاں سے اٹھ گئے . . . . . پروین بھی " جی اَچّھا " کہہ کر ٹرے دوبارہ اندر لے گئی . . مگر روبینہ کو "دال میں کچھ کالا ہے" والا احساس کھانے لگا . . . .
YOU ARE READING
میرا مرض مستمر
Spiritualمیرا مرض مستمر اب آپ پڑھ سکتے ہیں اردو میں بھی ۔۔ایک ایسی کہانی جو ہم سب کو زندگی کی حقیقت دکھاتی ہے۔۔عشق اے مجازی سے عشق اے حقیقی کا سفر طے کرنا سکھاتی ہے۔۔۔
