في الحلال جنه

في الجامعه

في احدي الجامعات المصرية كان يجلس كلآ من امير وفاطمه وسلمي وهبه وعمر وكريم علي احدي سلالم كلية التربيه قسم اللغه الانجليزيه
قام امير بإقتراح الذهاب الي احدي دور العرض بعد انتهائهم من الامتحانات بغرض التنزهه وبعض من المرح وافق الجميع علي الاقتراح ولكن فاطمه حاولت التحجج بأي شئ لكنها في النهايه وافقت وبعد انتهاء الامتحانات قامو جميعاً بالذهاب الي دار العرض ليشاهدو احد الافلام الرومانسيه لكونهم ثلاثة اولاد وثلاث بنات واضافة الي ذلك انهم في سن المراهقه
انتهي الفيلم في تمام الثامنه والنصف تقريباً ثم ذهب كلا منهم من حيث اتي عادت فاطمه الي منزلها في تمام الساعه العاشره والنصف لبعد المسافه وعدم وفرة المواصلات في الليل
دخلت فاطمه منزلها والقت عليهم السلام فرد والدها السلام ثم سألها عن سبب التأخير فاضطرت فاطمه انها تكذب علي اهلها وقالت
فاطمه : اصل النهارده كان اخر يوم امتحانات التيرم الاول وكنت مع زميلتي عندهم في البيت اصلها هتوحشني اوي وكمان هي اللي اصرت اني اقضي معاها اليوم النهارده.
الاب(ياسين) :ماشي يا حبيبتي خشي اتوضي وصلي علي ما امك تحضرلك الاكل .
فاطمه بكل براءه: حاضر يا بابا
الاب:ربنا يحضرلك الخير يا بنتي ان شاء الله
الام(سعاد) : امين يارب ويهديكي ويكرمك يابنتي يارب انتي واخواتك
فاطمه:امين يا أمي ..
ذهبت فاطمه لتتوضأ وتصلي ما فاتها من الفروض عندما كانت تعصي الله وهي تعلم تماماً انها تعصاه...
بعد نصف ساعه كانت انتهت من صلواتها  وتناولها الطعام دخلت الي غرفتها ونامت في ثبات عميق....
نروح بئي للخمسه اللي هما سلمي وهبه وامير وعمر وكريم
سلمي وهبه كانو من مكان واحد وكانو جيران
ذهبو الي منزل هبه وبعد ما دخلو بالتأكيد لم يسألهم احد عن سبب التأخير لأن هذه هي طبيعة حياتهم دخلو غرفة هبه وظلو يتذكرو في احداث هذا اليوم وتعالت الضحكات الي سمعتهم مني شقيقة هبه الكبري وهي معيده بكلية العلوم وكانت متفقهه جداً جداً في علوم الدين الإسلامي وكانت متدينه جداً وكانت متفوقه جداً في دراستها لان بينها وبين الله عمار ولأنها تخشاه في كل عمل تقوم به فأتت اليهم ودخلت عليهن الغرفه وتسائلت عن سبب الضحك الهيستيري
مني :يا تري اخواتي الحلوين صوتهم عالي اوي كده ليه وممكن يضحكوني معاهم ولا مش ممكن 😍
هبه وسلمي في وقت واحد بنضحك عادي ايه المشكله يعني
مني: مفيش مشكله يا لمضه منك ليها وبعدين ربنا يسعدكم كمان وكمان بس انا مش عارفه اركز في شغلي منكم وبعدين تعالي هنا انتي وهي انتو صليتو فروض ربنا النهارده
هبه بكل برود : لا لسه هنصلي بكره
مني: يا بجاحتك انتي وهي وليكو نفس تضحكو وتهزرو وانتو مش مديين ربنا حقه يا ويلكم والله وانتي بئي يا ست اللمضه انتي ضامنه وعارفه اذا كان ليكي عمر لحد بكره ولا لأ علي العموم انا مش هكلمكم في موضوع الصلاه ده تاني عشان انتو مش صغيرين انتي يا انسه انتي وهي في تالته كليه كلها سنه ونص وتتخرجو وبعدها بسنتين تتجوزو وبعدها بسنه ولا اتنين تخلفو
تقدري بئي انتي او هي تقولولي ازاي هتربو اولادكم صح ؟
وازاي اولادكم هيحترموكم ويحترمو العلاقه اللي بينكم وانتو اصلا مش محترمين العلاقه اللي بينكم وبين ربنا عن اذنك يا ست هانم انتي وهي سلامه عليكن وربنا يهيديكم يارب..
سلمي لهبه : ايه ده يا بنتي انتي مستحملاها ازاي دي .
هبه : والله ما عارفه الله يسامحها حرقتلنا اليوم كله المهم دلوقتي سيبك منها دي خنيقه ومعقده نفسياً اصلآ اهم حاجه دلوقتي مش عاوزين حد يعرف خالص باللي حصل اللي النهارده ده ماشي احسن نسمع لنا كلمتين الحكايه مش ناقصه كفايه اللي سمعناه من مني دلوقتي وبعدين فكك بئي بس كان يوم جميل خدتي بالك من الواد عمرو وفاطمه شوفتيهم بيبصو لبعض ازاي شكلهم بيحبو بعض جداً وانتي الواد كريم شكله كده هيموت ويكلمك..
سلمي : باستغراب ممزوج بالفرحه بجد يا هبه
هبه :بخباثه الله الله يا ست سلمي انتي واقعه اوي كده دا انا مكنتش عارفه انك خفيفه اوي كده علي العموم مش مشكله الواد برضو مز ويتحب 😂😂..
سلمي : بإرتباك شديد ها انا مبحبوش يا بنتي هو مجرد صديق واخ بالنسبة لي بس مش أكتر
هبه : مش مصدقاكي ياسملي بس ماشي قومي اتخمدي بئي عشان دماغي مصدعه والساعه دلوقتى 3 الفجر
سلمي : ماشي يا رخمه تصبحي علي خير
هبه : برخامه وانت من اهله يا كيمو 😂😂
سلمي : والله العظيم انتي رخمه واتخمدي بئي عشان مشدكيش من شعرك
هبه : خلاص خلاص ماشي هتخمد اهو..
اطفأو الانوار وذهبو في ثبات عميييييييييق من النوم.....
اما بالنسبه للشباب فيومهم كان عادي لا يوجد به ما يذكر ذهبو الي ديارهم ونامو وانتهي يومهم هكذا (كريم / امير)
ظل هذا اليوم عالقآ في ذهن عمر قليلاً لأنه كان يحب فاطمه جداً ولكنه لم يخبرها علي الرغم من انه يشعر بأنها ايضا تميل اليه ولكنه يخشي ان يصارحها فتذهب من بين يديه تنهد تنهيده طويله ثم قال يارب يا فاطمه
اغمض عينه ونام بسرعه البرق وانتهي يومه علي ذكريات يحبها....
وهكذا تنتهي احداث الفصل الاول