ذهب كريم ومازن للدكتور ليقوم كريم بدفع الفلوس
كريم : معلش يا دكتور اتأخرت عليك روشتة العلاج اهى واتفضل بقيت الفلوس
الدكتور : خلى يا ابنى
لا يا دكتور تسلم اتفضل ... يلا سلام عليكم
مازن : بقولك اى يا كريم خلينا نلف كده شوية وبعدين نطلع على شغلنا
- ماشي يا مازن بس هتصل بمنى الأول اطمن على بابا واسألهم أجيب لهم أكل أى
- ماشي يسطا وبعدين اوبااااا اى ده يا عم
- فى أى ياض
- انت شايف اللى انا شايفه دى مزه فحت من فوق لتحت بقولك أى شوف انت هتعمل اى وانا هروح أخد رقمها واجي
- ههههه ده اذا بصت فى وشك يا ابنى
- عيب عليك يا كريم بغمزه بس من عنيا الزرقه دى هوقعها فحبى
- طب روح يخويا أما نشوف
- مازن : الجميل لوحده كده بيعمل أى
بصت له البنت ومردتش عليه
مازن فى نفسه انا جبهتى طارت كده ليه احمم احم عايزه اى مساعده يا قمر اعملها لك مالك بتتقل عليا ليه بس
اتفاجئ مازن بحد حط أيده على كتفه فبيبص لقى واحد واقف
كريم فى نفسه يلهوى يخرابى انا عامل زى إبنه كده ليه ده مين ست الكل اللى قدرت تولده دى
احم انا لو معملتش نفسي شهم وبطل المزه هتطير منى
مازن : بص يا اخينا مش عشان انت طويل شوية أقصد طويل خالص وعامل زى العجل المعلوف كده تتشطر عليا لا بقولك اى انا اللى شفتها الأول مش هسيبها لك انت فاهم
- شفت مين يا حيوان انت دى مراتى
- م م مراتك انا كنت بسألها الساعه كام بس وحيات خالتي
- عمل لك حاجه يا حبيبتي
- ايوه يا بيبي كان بيعاكسنى
مازن : هو البغل ده يتقال له بيبي احم مكنتش اعرف أنها تبعك يا معلم اهدا بس كده
مازن : ااااه انا فين الساعه كام
كريم :هههههههه لالا مش قادر والله هههههه بطنى
كان لازم اخدلك لك صورة وانت بتنضرب ههههههه
مازن : كده يا كريم كده تسيب اخوك ينضرب وانا انادى عليك تقول لى شكل حضرتك غلطان فى الاسم مكنش العشم يخويا والله
- ههههههههه طب يرضيك ادخل أضرب الحيطه دى يرضيك
- أهو الضرب كان هيتقسم علينا مكنتش هاخده لوحدى قومنى يخويا قومنى أصل حاسس انى عامل زى الواحده الوالده كده
كريم بعد ما كان بيسند مازن وقع على نفسه من الضحك ومازن وقع على وشه
مازن : اه يا كلب يا واطى قومنى يا كريم إلهى تنستر مش شايف
- ههههه استنا اوقفلك توكتوك مش هقدر اشيلك كل ده لوحدى
- لا طلعت ونعم الصحاب والله يخويا بقولك اى هو وشي متبهدل اوى
- انا شايف خريطة مصر فيه حضرتك
- ااه يا حلاوتك اللى ضاعت يا مازن
-طب يا حلو انت يلا اركب وقفتلك توكتوك أهو
- وانت رايح فين يا كيمو
هجيب للبيت شوية طلبات كده وهجيلك ماشي واشتريلك حاجه تخفف وشك ده
- ماشي يا كريم
ذهب مازن للمنزل أما عند كريم اتصل بأخته
- ايوه يا منى اشترى أكل اى واجيب للبيت طلبات أى وبابا لسه نايم ولا صحى
- هات يا كريم اى حاجه نأكلها .. واه بابا صحى
- حاضر يا منى يا حبيبتى خلى بالك من بابا وماما على ما اجى يا منى ماشي
- حاضر يا كيمو ولما تيجى عاوزاك فى حاجه
- اااه
- كريم كريم فى اى الو الو كريم رد عليا والنبى
يا رب يا رب اى الصوت ده يا رب
أعادت منى الاتصال بأخيها رنه واثنين اتاه صوت احدهم ولكن لحظه هذا ليس صوت اخيها
- الو حضرتك صاحب الموبايل ده عمل حادثه احنا هننقله على مستشفى البلد وقفل
منى : ل ل لحظه هو قال أى ازاى يعنى حادثه ازاى وصرخت منى لااااا إستمرت منى بالبكاء دخلت أمها فى اى يا منى فى اى واتى والدها يسير ببطئ اللهم ألطف بينا يا رب
- كريم يا ماما كريم عمل حادثه لازم نروح المستشفى بسرعه يلا
ركع والد كريم على ركبتيه ولم يستطع الوقوف
- بابا قوم اقف
فى مكان بعيد تماما عن هذه القريه الصغيرة فى مدينة نصر وتحديدا داخل فيلا فيها
تفتح فتاه باب الفيلا وتدخل
يا داده يا كريمه
كريمه: كده يا بنتى من امبارح وانتى برا البيت
نور : يووه يا داده بقا خليكى إيزى يا جميل كان فى حفله ونمت فى بيت صحابى عادى المهم بقولك أى بابى هنا ولا برا
- جيه يا بنتى امبارح بليل وسأل عليكى وفضلت اتصل بيكى كتير مبترديش
- أوف دلوقتى يعمل لى دور الأب الحنون
- وهو انا مش حنون يا ست نور ولا منفعش فى دور الأب
- بابى سورى مقصدش بس يعنى
- بلا يعنى بلا زفت كنتى فين
- يووه يا بابى ما انت عارف كنت سهرانه وحفله وكده فيها أى يعنى
- أول وآخر مره انتى فاهمه ولا لا
- فى اى يا حضرة معالى الوزير عادى يعنى ما انت بتقضي لياليك برا وسهراتك ولا بلاش اقول بتقضيها مع مين تفاجأت نور بالكف الذى نزل على وجهها
وقعت على الأرض
- انت ازاى تضربنى انا بكرهك انت عارف يعنى أى بكرهك أخذت حقيبتها وصعدت لغرفتها تبكى
الدادة كريمه : ليه بس كده يا بيه دى بنتك الوحيده فهمها بالراحة
معتز الخولى: اسكتى انتى وروحى شوفى شغلك
- حاضر عن اذنك يا بيه
.........
