- عايزنى ليه
-خد الكاميرا دى هتلاقي عليها فيديو عايزك تطلعلى احلا صور فيها
- ما خلاص بقا يا سامح
- خلااص خلاص أى ده انا مش عارف اتحرك والله ليشوفوا واه صح عايزك تتابعهم عايز كل أخبارهم عندي علشان اعرف ضربتى هتكون امته وهتوجع ازاى
- ماشي يا سامح يومين كده ويكون كل حاجه جاهزه
- ماامى
صاحت نور بها عاليا وهى ترتمى بحضن والدتها
- حبيبة مامى وحشتينى اوى
- جلست نور ووالدتها
- انتى مش بتسألى عنى ليه
- ما انتى عارفة باباكى مش عايزنى حتى ألمحك يا نور ده انا نفسي اخدك معايا بيتى هتطلق من جوزى ونعيش انا وانتى سوا عارفة أن ابوكى مشغول عنك اوى وسايبك لوحدك
نظرت نور أرضا بحزن على حالها
- بس بابى هيزعل يا مامى عالفكرة
- طب وان قولتلك ان باباكى مش فى شغل وقاعد هناك مع السكرتيرة بتاعته اربعه وعشرين ساعه
- نور باستنكار لا مستحيل بابى ملهوش فى الكلام ده خالص
- طب بصي عالصور دى كده
كان والدها وبجانبه سكرتيرته يضحكون بقوه
والصورة الأخرى وهى تضع طعام بفمه
- م ما هو ده حقه يا مامى اكيد عايز واحده فى حياته
- ما انا عارفة يا نور علشان كده عايزه اخدك تعيشي معايا عالطول اى رأيك
- مش عارفة يا مامى مش عارفة
- عالعموم يا حبيبتى فكرى فى كلامى وردى عليا
تركتها والدتها فى حيرة من أمرها ماذا تفعل
- حمد لله على سلامتك يا كريم يا ابنى
- تأوه كريم بشدة وامسك رأسه وهو يحاول التركيز مع أهله الواقفون ينظرون إليه فى قلق
- الله يسلمك يا بابا
والدة كريم بحنان وهى تجلس بجواره
انت كويس يا حبيبي تعبان أى بيوجعك
- لا يا ست الكل انا كويس هو بس شوية صداع
نظر كريم لصديقه الواقف بجوار الباب يستند عليه وينظر له ومنى الواقفه أمام سريره
- قربى يا منى واقفه بعيد ليه
- ل لا اا انا تمام هنا لا تستطيع منى رفع عيونها من الأرض تشعر أن أبيها واخيها سيكتشفون فعلتها اذا نظروا إليها
- بقولكوا أى بقا بما إن كريم بقا زى القرد أهو انا عايز اتجوز
- ابتسم كريم على صديقه وهو يعقد حاجبيه باستغراب اى ده انت قررت تتجوز ومين العروسة بقا
ابتسم والد كريم وهو يقول دى منى يا عم العروسة
تركت منى الغرفة وخرجت مسرعه وهم يضحكون يظنون بأنها خجلت ولكن الصواب انها لم تحتمل نظرات مازن لها
- قال مازن بصوت هادئ انا هروح أجيب المأزون هكتب كتابى عليها حالا
- أى ده يا مازن بالسرعة دى كده
- ما انت عارف يا كريم تعبك وظروفى وبعدين انا عايزها معايا بقا
- اتلم ياض دى اختى اللى بتتكلم عنها
- ما هى هتبقا مراتى الله
- انا اخدت رأى عمى وخالتى وهما موافقين أى رأيك انت كمان
- انت عارف ان انا عمرى ما أرفض لك طلب يا زومه
- بس أصبر حتى لما أطلع من هنا الأول
- لا يا عم لترجعوا فى كلامكوا انا رايح أجيب المأزون سلام ولم يدع لهم مازن مجال للنقاش
- خرج مازن من الغرفه وجدها تستند على الحائط وهى شاردة ألقى عليها نظرة طويلة وذهب لإحضار المأزون لعقد قرانهم
- بارك الله لكما وبارك عليكما وجمع بينكم فى خير لم يفق مازن إلا على هذه الجمله أطلقت حميدة زغروطه عاليه
- بس يا حميدة احنا فى مستشفى
- يووه يا حج فرحانه
- مبروك يا زومه مبروك يا منى كبرتى يا منى وبقيتى عروسة
- الله يبارك فيك يا كريم
خرج الجميع ليتركوا كريم يرتاح قبل أن يغلق مازن باب الحجره
- مازن خليك شوية انا عايزك
- فى أى يا كريم عايزنى اساعدك فى حاجه
- تعال بس اقعد وقول لى مالك
- مالى أى بس يا عم ما انا حلو أهو وبعدين فرحان أن انا اتجوزت فكرت نفسي هعنس وابقا زى البنات وضحك مازن بقوه
ظل كريم يتطلع إليه
- فى أى يا عم بس بتبص لى كده ليه
- انت عارف انك مبتعرفش تخبى عليا حاجه بس هسيبك براحتك يا صاحبى واعرف انى موجود لو عايز تتكلم
- اومأ مازن له وخرج من الغرفه
مازن فى نفسه المره دى مش هعرف احكيلك حاجه يا كريم
- يلا يا منى روحى مع جوزك
- حاضر يا ماما
- تعالوا انا معايا التاكسي برا هوصلكوا بيه فى طريقى
- لا يا ابنى احنا هنفضل احنا مع كريم روحوا انتو خلى بالك منها يا مازن
- حاضر يا خالتى سلام عليكم
- وعليكم السلام
كانت منى تسير بجواره وعيونها بالأرض
- والنبى بلاش الاحترام الزيادة ده أصل انا هبدأ أصدق
- وأسرع فى خطواته وهى تجاهد أن تلحق به
- فتح مازن باب السيارة وجلس ومنى ذهبت لتفتح الباب الخلفي وجلست هى أيضا انتظرت قليلا ولم تتحرك السيارة رفعت نظرها له
- كنت سواق ابوكى انا اطلعى قدام
- انت قولت لى قبل كده مقعدش جنبك
- كويس والله انك لسه فاكرة انى بقرف منك بس دلوقتى اتحسبتى عليا مراتى ولحد ما اطلقك اتنيلى اطلعى اقعدى جنبى
اخلصي
انتفضت منى من صراخه عليها واسرعت بالنزول تجلس بجواره
منى فى نفسها يا الله كم اهانه سألقاها
- دلفوا إلى المنزل
دى اوضتك هتفضلى فيها الشهر ده ويا ريت مشوفكيش كتير براها انتى فاهمه
- منى بعناد لا هتشوفنى وكتير كمان انا مش هتحبس
- امسكها مازن بقوه وثبتها على الحائط
تأوهت منى من ألم ظهرها الناتج عن دفعه لها
- انا لما اقول كلمة تقولى حاضر انتى فاهمه يا منى
- تطلعت منى له وعيونها أدمعت طيب انت بتوجعنى يا مازن
- لم يستمع مازن لما قالت بل ظل ينظر لشفتاها وهى تتحرك
- ابتعد مازن عنها فجأه وهو يحاول تهدأت نبضات قلبه دخل الغرفه المخصصه له وأغلق الباب بقوه انتفضت على أثرها منى
- ذهبت منى أيضاً للغرفه التى خصصها لها وأغلقت الباب
- يعنى اى اتجوزها
- معرفش يا سامح عرفت ان اخوها بقا كويس وكتبوا كتابهم فى المستشفى وخدها على بيته
- لا الواد طلع راجل بس يا ترى اخوها وأهلها عارفين
- معرفش
- يبقا تعرفلى انت فاهم
- طيب حاضر هحاول اعرفلك
فى المساء
- منى تمسك بمعدتها التى تصدر أصوات دليل على جوعها الشديد
يا رب بقا انا هموت من الجوع وده معندهوش إحساس خالص طلع برا وسابنى ومفيش حتى أكل هنا
- خرجت منى تجلس على كنبة بالصاله تنتظره وستطلب منه طعام
- دقيقتين ودخل مازن من الباب يحمل أكياس نظر لها بهدوء وأغلق الباب ودخل
- هتأكلى
- لا شكرا مش عايزه وهى تقول فى بالها يا رب يتحايل عليا شوية أو حتى يطلب منى تانى
- طيب براحتك وفتح الأكياس وجلس يأكل منها
- يعنى انا كان لازم اتشك فى لسانى وارفض
دقائق وأصدرت معدتها صوت عالى يدل على مدى جوعها
- وضعت منى يدها على معدتها وهى تبتسم بإحراج
- ولكن مازن لم يعيرها إهتمام
- أوف ده قلبه قاسي اوى
جلست منى عالارض أمامه تفاجأ مازن بها
- انا قولت يعنى مش عايزه احرجك علشان طلبت منى أكل معاك
- جاهد مازن ألا يبتسم ولم يعيرها إهتمام أخذت منى تلتهم الطعام بقوه وهو ينظر لها فقط انتبهت منى على نفسها وفمها ملئ بالطعام
احم أصل الأكل طعمه حلو فشدنى ليه
- وقف مازن وهو ينفض يداه
- مش هتكمل أكل
- مش قولتلك ان انا بقرف منك لما تعوزى تأكلى ابقى خدى أكل وروحى فى اوضتك
- توقفت منى عن الأكل بعد كلامه وهى تجاهد أن لا تبكى هى حقا فعلت هذا من أجل أخيها لما لا يفهم
- وقفت وتركت الطعام وذهبت لغرفتها تبكى
- شعر مازن بالذنب من كلامه هكذا ولكن هى تستحق هذا
خرج مازن من المنزل يسير على غير هدى فجأه وجد رجل على الأرض وأشخاص يقومون بضربة
- صاح مازن انتو بتعملوا اى سيبوه حرام عليكوا
- أبعد من هنا احسنلك
- بقولكوا ابعدوا عنه
- وذهب مازن ليساعد الرجل الذى على الأرض
ولكن تفاجأ بمن يسحبه من ثيابة وهو يضربة بقوه فى وجهه
- تألم مازن من شدة الخبطه وهو يضع يده على فمه يمسح الدماء
- انا كنت بقول ابعدكوا بالذوق بس انتو مبتتعاملوش غير بالدراع ورد مازن نفس الخبطه لهذا الرجل فسقط على الأرض
دخل مازن بينهم يضربهم بكل قوه يخرج غضبه بهم
لم يعد الثلاثه رجال يشعرون بشئ فقدوا الوعى
- حاول مازن أن يتوازن وذهب للرجل يحاول مساعدته على الوقوف
كان رجل فى سن الأربعين أو أكثر قليلا
- انت كويس
- اه شكرا اوى ليك شكرا مش عارف اقولك اى
- لا شكر على واجب بس انت عملت لهم اى خليتهم يعملوا فيك كده
- انا عندى شركة ولأنى كسبت صفقة واللى باعت دول خسرها بعتهم يضربونى
- الحمد لله أنها جت على قد كده
- اطلب أى حاجه اعملها لك
- لا شكرا
- اطلب بس
- أمم هو انت ممكن تلاقى لى شغل
- طبعا انت معاك كلية أو حاجه
- اه معايا كلية تجارة
- انا عايز موظف حسابات فى شركتى تعال اشتغل معايا
- طيب اجى لك امته
- خد ده الكارت بتاعى وفيه العنوان تعال عالعنوان اللى فيه بكره الصبح
- طيب شكرا ليك اوى
- اسمك أى
- مازن
- تمام يا مازن وانا شريف
- انت هتعرف تروح بيتك
- اه هسيب عربيتى واشوف حد يوصلنى
- ماشي عن اذنك انا
- سلام
