منى : مازن مالك اى اللى عمل فيك كده
مازن وهو يحاول أن يتزن بوقفته
ملكيش دعوه يا منى
منى : مليش دعوه ازاى يا مازن تعال اقعد وامسكته من يده بعد أن جلس مازن
منى : استنا هشوف حاجه اعقم بيها ده شفايفك بتجيب دم
مازن : لا مش مستاهله
منى : أصبر بس دخلت منى غرفته تبحث عن أى معقم للجرح وجدت قطن ومعقم للجروح خرجت له منى وجلست أمامه وهى تضع المعقم على القطن ثم تضعه على فمه
كان مازن يتأمل وجهها وعندما رفعت منى وجهها له اقترب مازن منها استعدادا لتقبيلها
أغمضت منى عيونها مستسلمه تماما له ولكن مازن لم يفعل شئ فتحت عينيها وجدته يبتسم لها بسخرية
مازن : فوقى يا منى ده انا مازن مازن اللى رفضتيه علشان فقير وهو نفسه اللى اتجوزتيه بالغصب علشان متتفضحيش ولا يكون مفكرانى حبيب القلب اللى كنتى نايمه معاه
منى: مازن متعملش فيا كده ابوس ايدك ودموعها بدأت بالنزول على وجنتيها والله علشان كريم يتعالج بس شهقه عالية صدرت منها انا مش زى ما انت مفكر يا مازن
مازن : بقولك أى دموع التماسيح دى امسحيها عشان مش هتأثر فيا بحاجه
وتركها ودخل غرفته واغلق الباب اغمض عيونه بقوه منظرها وهى تبكى كفيل بألم قلبه ولكن سيظل يقول أنها تستحق
فى الصباح .....
عامل اى يا كيمو
كريم : زفت يا مازن خرجنى من هنا
مازن : تخرج اى بس يا عم لسه بدري
كريم : والله اهرب من هنا واللى يعرف مكانى يرجعنى تانى
مازن : هجيبك بردوا يخويا
كريم : اه صح يا مازن عامل اى مع منى واى اللى فوشك ده
مازن مقهقها ده بوكس بس محترم
- يخربيتك لتكون بتعاكس بنات تانى لا بقولك أى اتلم ده انت متجوز اختى
- لا يا عم انا توبت والله
كانت منى ستدخل الغرفه ولكن سمعت كلام أخيها
اه يا مازن الكلب بقا كنت بتعاكس بنات لا تعلم لماذا غضبت لهذا
فتحت الغرفة ودخلت لهم . انت بتعاكس بنات يا سي مازن
تفاجئوا بدخولها الغرفه ضحك كريم بقوه ههههههه إلبس يا عم
منى وهى متعمده لكى تجعل بينهم كلام
هاا يا استاذ رد
مازن : وهو يبتسم اه كنت بعاكس بس دى كنت هااا اما دلوقتى قرفت من صنف الحريم كله
كريم بضحك اوباااا قصف جبهة يا منى
يظن انهم يمزحون ولكن لا يعلم أن صديقه يتكلم بجديه
منى وهى تجز على أسنانها ماشي يا مازن وتركت الغرفة وخرجت
كريم : اجرى بقا يا عم صالحها
مازن : ماشي هطلع أهو وبعدها نازل شغل
- ما تسيبك بقا يا مازن من صاحب التاكسي بتاعك مش بيديك حقك وشوف حاجه تانيه
مازن : لا ما هو انا لقيت شغل تانى
كريم : شغل اى
حكى له مازن كل ما حدث ليلة أمس
كريم : ربنا يرزقك يا مازن يعنى هتسيب التاكسي
مازن : والله يا كريم بفكر اشتغل عالاتنين
كريم : ازاى يا ابنى لا ده تعب عليك
مازن : زى ما تيجى تيجى سايبها على ربنا يلا عاوز حاجه دلوقتى هخلص واجيلك
كريم : ماشي يا صاحبى
ذهب مازن وصعد بسيارة الميكروباص
مازن : بقولك اى يسطا
- اؤمر يا معلم
- شوفلى كده العنوان ده اروحله ازاى
- انت هتنزل فى موقف طنطا خد تاكسي واديله العنوان هيوصلك الطريق مش طويل
- تمام تشكر يا باشا
وصل مازن واخذ تاكسي وأعطاه العنوان
- الشركة اهى حضرتك
- تمام اتفضل واعطاه مازن المال وذهب
دخل مازن الشركه وسأل أحد الأشخاص
لو سمحت فين مكتب رئيس الشركة
- اطلع الدور التالت المكتب اللى على اليمين
صعد مازن للدور الثالث
- استنا يا استاذ انت رايح فين
- عايز اقابل أستاذ شريف
- فى معاد مسبق
بصراحة لا بس هو قايل لى اجيله
- طيب بس هو دلوقتى عنده اجتماع استنا حضرتك وبعد كده ادخل أسأله
- طيب ماشي
ساعه كامله وخرج أشخاص من مكتب شريف دلف السكرتير الخاص به للداخل
- ايوه يا أحمد فى اى
- فى واحد برا اسمه مازن عايز يقابل حضرتك
شريف : اه طبعا دخله
خرج السكرتير
- اتفضل يا استاذ مازن حضرته مستنيك جوه
دلف مازن للداخل
شريف وهو يسلم عليه نورت الشركه
مازن : منورة بيك طبعا
شريف : اتفضل اقعد
جلس مازن . انا كنت جاى لحضرتك علشان الشغل
شريف : والله يا مازن انت جيت لى فى وقتك بس مش هتشتغل فى الحسابات زى ما كنت قولت لك
أحمد السكرتير بتاعى جاى له سفر برا وهو مأجله لحد ما نلاقى حد غيره هو هيعلمك الشغل ازاى وبعد كده انت امسك مكانه
مازن : شكرا لحضرتك جدا
شريف : لا حضرتك اى بقا احنا أصحاب أو اعتبرنى اخوك الكبير
مازن : ده شرف ليا طبعا
شريف : تحب تبدأ حالا ولا من بكرا
- لا حالا لو ممكن
شريف : اكيد طبعا انا بحب اوى الشخص المجتهد والنشيط
رفع شريف سماعه الهاتف تعال يا أحمد
دلف سكرتير شريف للداخل
- ده هيمسك مكانك يا أحمد عايزك تعلمه كل حاجه قبل ما تمشي
- اكيد طبعا تحت أمر حضرتك تعال يا استاذ مازن معايا
ظل مازن يتعلم من أحمد كل اليوم حتى الساعه 2
أحمد : مش هتيجى تأكل يا مازن
مازن : لا يا أحمد روح انت انا هخلص الورق اللى انت قولت عليه ده
أحمد : ماشي يا عم انا هنزل انا سلام
