كريم بعد أن جعل أحد رجاله يخرج الرصاصه وربط كتفه بالقميص الذى كان يرتديه
كريم : علاء خد الشنطه للريس وشحنة الاسلحة كمان خليها عنده الحاجه فى رقبتك يا علاء
علاء : أمرك يا معلم متخافش
يلا يا رجاله وذهب الجميع وبقى كريم فقط مع نور
كريم : انتى ازاى تيجى هنا انتى غبية ازاى اصلا عرفتى المكان ده
نور : لما انت ادتنى هدومك كان فيها ورقه مكتوب فيها العنوان
ظل كريم يشتم بصوت عالى على غباءه
كريم : وجيتى هنا ليه ما انتى كنتى المره اللى فاتت عايزه اروح لبابى عايزه اروح لبابى وأخذ كريم يقلدها بصورة مضحكه
ضربته نور على كتفه وهى غاضبة منه
كريم وهو يتألم لأنها خبطته مكان الرصاصه : اه يا بنت ال
نور : اى ألفاظك البيئة دى لوكال اوى عالفكرة
كريم : وحيات أمك إى اللى جابك هنا
نور وقد ادمعت عيناها
كريم : بقولك أى اخلصي والنبي مش فاضيلك
نور : بليز انا عايزه أعيش معاك
كريم : نعم يختى تعيشي مع مين
حكت له نور كل ما حدث لها وأنه آخر أمل لديها
نور : لو سمحت كام يوم بس انا معايا ليسانس إدارة أعمال هشتغل وهجيب فلوس أرجوك
كريم : ليه يختى شيفانى ملجأ روحى يا حلوه شوفيلك مكان تانى
اخفضت نور نظرها للأرض
وقف كريم وتحرك بعيدا عنها
كريم وهو يحدث نفسه : أى اللى انا بعمله ده
كان كريم قد ابتعد عنها
أما عند نور
وضعت رأسها على ركبتيها وهى تجاهد ألا تبكى لا تعلم أين تذهب
ولكن شعرت أحد يقترب منها
كريم وهو يضع يده على شعره : قومى يلا تعالى معايا
رفعت نور رأسها ورأته أمامها
نور : لا شكرا مش عايزه انا هتصرف
كريم : قومى بقا بلاش دلع هتروحى فين حالا
نور : لا ميرسي ليك
كريم : براحتك
وابتعد عنها وهو يعد 1....2.....
نور : احم مبحبش حد يتحايل عليا انا جايه معاك
ضحك كريم بخفه عليها
ذهبوا تجاه سيارة كريم
نور : شنطتى
كريم وهو يعقد حاجبيه: شنطة إى
نور : اللى فيها هدومى
كريم : بقولك إى انا مش قادر امشي مش هرجع تانى
نور وهى تنظر للطريق المظلم: طيب هروح اجيبها بسرعه واجى
ذهبت نور لإحضار حقيبتها ولكن سمعت صوت كلب
لم تهتم وظنت انه بعيد وعندما اقتربت من مكان الحقيبة رأت من بعيد كلب أتى
لم تفكر بشئ وأطلقت قدميها للرياح وهى تصرخ بقوه
وجدها كريم أتيه من بعيد وهى تجرى وورأها كلب يجرى بسرعه
نور: هموت هموت هش هش
ظل كريم يضحك عليها اما هى اتجهت لكريم وتخطته وركبت سيارته بسرعه وأغلقت الباب
رأى كريم الكلب وهو يقترب
أمسك مسدسه وأطلق رصاصه عاليا فخاف الكلب وجرى
اتجه كريم لسيارته وجد نور بداخلها تحاول تشغيلها ولكن تضع المفتاح بالخطأ من الرعب
فتح باب السيارة وصعد جوارها
كريم : واطيه عايزه تسيبينى مع الكلب وتجرى
نور : بخاف منهم ده كان هيموتنى
كريم : وفى واحده عاقلة تقول للكلب هش وهى بتجرى
نور : والله اللى طلع فى دماغى بقا وبعدين خد شغل البتاع دى
كريم : طيب انزلى واركبى اللمه التانيه
نور : لا عمرى ما هنزل
نزل كريم واتجه جهة مقعد السائق
وهى ابتعدت وجلست على المقعد المجاور له
انطلق كريم بالسيارة
بعد فترة
كريم : جعانه اجيبلك أكل
ولكن لم يسمع منها رد
نظر جواره وجدها نائمه ابتسم وأخذ جاكيت كان له فى السيارة ووضعه عليها
نزل واشترى لها ثياب
وصعد للسيارة مره اخرى وانطلق للبيت
