- بعد أن تم نقل كريم إلى المشفى الخاص
اندفع والد كريم للطبيب المشرف على حالته
- هاا يا دكتور هيبقا كويس هيخف أمته
- براحه يا حاج احنا لسه هنعمل له التحاليل تانى ونقيم حالته وإنشاء الله هيبقا كل حاجه تمام ادعوله
- لله الأمر من قبل ومن بعد
منى : بابا انا هروح منمتش من امبارح
- طيب يا بنتى خدها يا مازن روحها معلش يا ابنى هتعبك
- لالا يا بابا انا هروح لوحدى
- لا يا منى الطريق طويل خدها يا ابنى
- حاضر يا عمى اتفضلى يا منى
مازن طول الطريق صامت يختلس فقط النظرات لها وهى لا تعيره اى انتباه
- هو انا ممكن أسألك سؤال يا منى
- اتفضل
- هو انتى مش حابه فيا اى يعنى هو انا دايقتك فى حاجه
- بص يا مازن انت انسان كويس وطيب وكل حاجه كويسه فيك بس انا مش عايزه اتجوز واحد فقير عايزه اطلع من الفقر اللى انا فيه ده بقا
صدمه ألجمت لسانه أتعايره بفقره ولكن لما هى تعلم أنه ليس له أهل يساعدوه ويعطون لهم أموال
- بصي يا منى انا عندى استعداد اشتغل ليل نهار وهجيبلك كل اللى انتى عاوزاه مش هرفضلك طلب انا هدور على شغل تانى جنب سواقة التاكسي صدقينى لما بس كريم يتحسن أصل انا الصبح بشتغل وبليل بكون عنده صدقينى أنا ..
منى مقاطعه اياه بطريقة ساخره هه شغل ليل نهار حتى لو كده هتجيب كام يعنى بص يا مازن آخر كلام عندى وافهمها على بلاطه انا مش هتجوز غير واحد غنى معاه فلوس كتير وشغل الحب ده سيبك منه مبيأكلش عيش يلا ادينى وصلت سلام
- شد مازن على قبضة يده وظل يضرب الحائط بقوه حتى نزفت يداه وظل يحدث نفسه
افهم بقا يا حيوان افهم هى مش عايزاك بطل تحبها بقا بطل تضيع كرامتك عشانها كفاية يا مازن كده كام مره رفضتك ولما كنت مبسوط وروحت تقول لها انك بتحبها عملت اى تذكر تلك الذكرى التى ألمت قلبه كان فرح لتأكده من مشاعره ذهب واشترى ورد ولم يخبر صديقه بشئ حتى يتأكد من مشاعرها واذا كانت موافقه عليه يطلب يدها على سنة الله ورسوله ذهب وخبط على باب بيتها كان يعلم أن لا أحد بالبيت غيرها
كان متوتر لا يعلم ماذا يقول
- انفتح الباب أى ده مازن ده كريم مش هنا
حمحم مازن ثم رد بتلعثم لا ما انا عارف انه مش هنا
- طيب جاى ليه
- أخرج الورد من وراء ظهره وتكلم بسرعه بصي انا بحبك اوى وعايز اتجوزك ويا ريت توافقى وبس
تنهد طويلا كأنه كان يركض لفترة طويلة ثم نظر إليها
- وعندما لم يجد منها رد سألها
منى انتى موافقه يعنى اجى اطلب ايدك وكده
- مازن اظاهر انك بتحلم كتير انت زى اخويا وبس وانسا انى أفكر ارتبط بيك نهائى مش انت الشخص اللى انا بتمناه خالص ومعلش هقفل لأن زى ما قولت لك محدش هنا وألقت الورد عند قدمه وقفلت الباب
- مازن لم يستوعب بعد هل الآن حلمه ضاع كان يحلم دائماً بأن تكون هى زوجته أم اولاده طفلته التى سيظل يعشقها ويدللها ولكن تبخر كل شئ بلحظة.
كويس أن انا مقولتش لكريم غير ما اخد رأيها بنفسي عشان متتأثرش علاقتى بيه
وذهب لبيته يشعر بأن القدر يرفض أن يقف معه ولو لمرة
فى مكان آخر
- هاا يا حبيبتى حابه تأكلى أى
نور : اطلب انت يا بابى على زوقك المره دى
- طيب يا قمر
رامى: اى ده نور هنا لا وسيادة معالى الوزير كمان مد رامى يده يسلم بها على والد نور معرفا نفسه انا رامى شريف الخولى
- انت ابن شريف لا ده انت تعال فى حضنى بقا اقعد افطر معانا وبعدين انت تعرف انت ونور بعض
نور : اه يا بابى صديق ليا
رامى: عن إذن حضرتك هاخد نور اقول لها كلمة بس
- اتفضل
- ذهبت معه نور
- رامى ابعد عنى مش عايزه اعرفك تانى
- نور انا جاى اعتذر منك عن ليلة الحفله صدقينى كنت سكران ومعرفش انا بعمل أى انتى عارفة أن انا بحبك وعايزك تبقى معايا معلش بقا خلاص
- نور بعد أن انخدعت بكلامه ابتسمت طيب خلاص محصلش حاجه وانت عارف ان انا كمان بحبك
- طب هنتقابل تانى أمته
- مش عارفة
- لا مش عارفة اى انا هعمل حفلة النهاردة بمناسبه إننا اتصالحنا وانتى هتبقى ملكة الحفلة تيجى على 10 كده اوكى يا قلبي
ابتسمت نور بخفة اوكي طبعا يلا هروح لبابى دلوقتى
- ذهبت نور من أمام رامى وهو يتطلع بنظرات خبيثة والله لتندمى يا نور هخليكى تبوسي رجلى
ثم ذهب
- أى يا نور فى حاجه مهمه
- لا ده بس كان بيعزمنى على حفلة النهاردة
- طيب يا حبيبتى الأكل وصل يلا نأكل
- يا مااما انا رايحة الشغل
- طيب يا حبيبتى خلى بالك من نفسك
- حاضر يا ماما سلام
- خرجت منى لعملها وقبل أن تدخل المكان خلعت حجابها ووضعته بالحقيبه وجعلت شعرها الأسود الطويل مفرود على ظهرها ودخلت المكان
- سامح يا سامح سيبك من اللى جنبك وركز معايا
- أوف بقا يا ماجد عايز أى يا عم
- البت اللى عجباك هناك اهى داخله
- قام سامح وضبط ثيابه وذهب اليها
- وانا بقول المكان نور ليه
- ابتسمت منى بخجل وهى تقول أهلا
- أخيرا ده انا فقدت الأمل انك تكلمينى انا بقا سامح وانتى
- انا منى
اسم جميل زى صاحبته حاولت منى أن تدارى على خجلها طيب فين صفاء
- موجوده
- طيب انا هدخل وابدأ شغل
- ماشي يا حلوه وظل قريب منها يبعد من يريد أن يتعرض لها وهى كالغبية تبتسم له وتظن بأنه معجب بها كما هى معجبة به لا تدرى أفعال هؤلاء للوصول لما يريدون
ارتدت نور فستان أحمر يضيق من على الصدر والبطن ثم ينزل بإتساع إلى منتصف الفخذ به شريطة سوداء مطعم بفصوص صغيرة من اللون الأسود وارتدت صندل عالى باللون الاسود وقامت بضم شعرها بشريطه سوداء كانت جميلة بحق
- أى رأيك يا داده وهى تلتف حول نفسها
- مشاء الله عليكى يا بنتى اى الحلاوة دى
- يعنى عجبتك يا داده
- اه قمر بس الفستان ده مش قصير شوية يا نور
- يووه يا داده لا مش قصير وبعدين دى حفلة يلا بقا سي يووو
- ربنا يسترها عليكى يا بنتى
فى الحفلة
- هاا يا رامى شايفك يعنى رحت لها واتأسفت لها كمان لا وعامل لها حفلة
- ترك رامى السيجارة التى كان يدخنها وهو يرد على صديقه انا عارف انا بعمل اى وغمز له
اتجه إلى نور عندما رأها تدلف من البوابة
- وااااو أى الشياكه دى
- ميرسي يا رامى انت كمان طالع عسول خالص
أخذ يدها ونادى بأعلى صوته لكى ينتبه له الجميع يا شباااب الحفلة دى بمناسبة انى صالحت حبيبتى اللى كنت مزعلها انبسطووووو
هلل الجميع واندفعوا يرقصون ويضحكون
مرت الأيام كما هى لا يتحسن كريم ومازن ملازم له ويذهب يشترى الطعام لوالدة كريم ومنى ويعطيه لهم دون أن يتكلم بشئ ومنى تنجذب أيضا لهذا سامح وتخرج معه وهكذا إلى أن جاء اليوم الذى أخبر فيه الطبيب أهل كريم بأنه محتاج للقيام بعملية له ضرورى
- هتتكلف كام يا دكتور
- من 30 ل 40 ألف بس يا ريت فى خلال التلات أيام دول متتأخروش لم يعلموا ماذا يفعلون ومن أين يأتوا بالمال
- اتصلت منى بسامح واخبرته أنها تريد رؤيته ذهبت له وارتمت بحضنه باكيه تخبره حالة أخيها
- أهدى انا مش فاهم حاجه
- كريم محتاج عملية ولازم تتعمل له انا عارفة انك مبسوط ومعاك فلوس وانا اول مره اطلب من حد حاجه ممكن تديهم لى يا سامح أرجوك
- طبعا طبعا يا حبيبتى انتى تؤمرى
- بجد بجد يا سامح تهلل وجهها
- اه يا حبيبة سامح بجد بس انا عندى طلب
- اؤمر انا موافقه على اى حاجه تطلبها
- مش لما تسمعى الأول طلبى
- اى هو
- ليلة
- ليلة أى مش فاهمه
- هتنامى معايا ليلة ووقتها خدى الفلوس اللى انتى عايزاها
..........
